تكييف أصلى للسوزوكى سويفت

**kar!m** · 08-03-2009 04:16 PM

السلام عليكم
أنا معايا سويفت 97 العربية نازله أصلا من غير تكييف و متركبلها تكييف..رحت لبتاع التكييف قال لى محتاجه كمبريسور و قال لى لو تعرف تجيب سربنتينه كمان يكون أحسن عشان اللى عندى مش بتاعتها و مش نازله فى نفس مكان التانيه و كده.
المهم رحت عند الناس بتوع الاستيراد اللى فى أحمد حلمى و جبت تكييف كامل استيراد (كمبرسور و كويل و مروحه و علبة توزيع و سربنتينه و فلتر و المواسير و مفتاح الباور) ب1400 جنيه و رحت اركبه الراجل بتاع التكييف قال لى ده بتاع عربيه الدركسيون بتاعها يمين فكل حاجه مقلوبه و هضطر انى افتح لك فى صدر العربيه فتحات للمواسير و اقلب حاجات و شغلانه فقلت لأ انا أصلا بجيب تكييف كامل عشان ملعبش فى العربيه. المهم رجعته و خدت فلوسى.
أنا كلمت التوكيل و ادونى رقم شركه بيتعاملوا معاها و كلمتهم بس اللى عندهم مش أصلى برضه بيركب على أى عربيه.
فياريت لو حد يقولى منين أجيب تكييف كامل أصلى جديد أو مستعمل عشان الراجل بتاع التكييف ممكن يشترى اللى عندى بسعر كويس.

**hani_elashry** · 10-03-2009 12:33 PM

عايز اعرف انا كمان عن الموضوع ده عشان اركب تكييف

**moamen5005** · 19-08-2009 04:21 AM

يا ريت حد يرد علينااااااااااااا علشان عايز اركب انا كمان ؟؟؟؟؟؟؟؟؟؟؟

**wlng76** · 22-12-2009 11:01 AM

لو عايز التكييف الأصلى اللى نازله بيه, يبقى دور فى المحلات اللى بتشتغل فى قطع الغيار الإستيراد.
ابدأ فى الوكالة, وبعدين فى عزبة شلبى, والأفضل علشان ما تدوخش ولا تحتار, روح بورسعيد, اشتريه من هناك وركبه عند اى متخصص تكييفات فى بورسعيد.

**kar!m** · 22-12-2009 11:25 AM

جزاك الله خيرا

**elmans** · 22-12-2009 05:25 PM

المشاركة الأصلية كتبت بواسطة wlng76

لو عايز التكييف الأصلى اللى نازله بيه, يبقى دور فى المحلات اللى بتشتغل فى قطع الغيار الإستيراد.
ابدأ فى الوكالة, وبعدين فى عزبة شلبى, والأفضل علشان ما تدوخش ولا تحتار, روح بورسعيد, اشتريه من هناك وركبه عند اى متخصص تكييفات فى بورسعيد.

محلات الاستيراد بتبيع عربيات غالبا اوروبيه
والاوروبى دا معظمه دركسيون يمين دا ما الاستاذ وضح
السؤال بقى منين نجيب بتاع العربيات الشماااااااااااااال