بخصوص شراء الجراند تيريوس من السعوديه أم من مصر

أنا مقيم في السعودية وأود أن اشتري الجراند تيريوس ( اللونج) ولكن محتار هل أشتريها من السعودية أم من مصر
لقد ذهبت الى توكيل عبد اللطيف جميل وعرفت ان ثمن السيارة 69 ألف ريال ويمكن تقل شويه وقال لي ان هذا السعر بجميع الكماليات و لجميع الألوان
وقال صاحب لي ان السيارات في مصر بيتلعب فيها يعني مثلا ممكن يغيروا الكفرات أو يأخذوا ريموت السيارة أو يبدلوا اي اكسسوارات ، وانا محتار اعمل ايه ؟ طبعا لو اشترتها من مصر هاريح دماخي من قرف الجمارك اللي باعاني منه كل سنه لما انزل بسيارتي المرسيدس .. بس في الوقت نفسه توكيل السعوديه قال لي ان استلام السياره خلال أقل من أسبوع . فهل توكيل التيريوس في مصر وليس المعارض يمكن ان يسلمني السياره في فتره وجيزه .
ياريت يا اخوانا محدش يبخل عليه في النصيحة وخصوصا أبو عبدالله اللي بأثق في رأيه
وشكرا

انا عن نفسي شايف إنك تشتريها من مصر
لأن الجمارك عندنا مش بتتوصي ممكن تلاقي العربية وقفت عليك أغلي في الأخر .

تشتريها من مصرى افضل وبلاش وجع دماغ بتاع الجمارك

علشان هى هى تقريبا نفس العربيه الاتنين يابانى

ونفس التوكيل كمان عبد اللطيف جميل هنا فى مصر

أخواني الأعزاء ..mahamedaraby &MoToRiZeR
وأود أن أشكركم جدا لإهتمامكم بموضوعي والرد عليه
وأود أن اصحح نقطة هامه في كلامك .. ليس لشئ ولكن حتى لا يكون هناك لبس عند القارئ وهي أن الجراند تيريوس أندونيسي في كل مكان ( السعودية .. الخليج.. مصر......)

وأود أن أسأل ثانية هل لو نحينا موضوع الجمارك جانبا .. هل السياره من مصر أحسن ومضمونه بمعنى (ان كل حاجة هاخدها من غير تغيير أو تبديل) والا من السعودية أحسن
وأود أن أذكر اخواني أن توكيل عبداللطيف جميل في السعوديه قال لي أنه سيعطيني أي لون بنفس السعر ... فهل هذا يحدث في مصر

هو في مصر طبعاَ أي لون بنفس السعر برضه
و من ناحية التبديل و الكلام ده لا تقلق فا زي ما أستاذ محمد وضح، اللي ماسك توكيل دايهاتسو في السعودية هو هو اللي ماسكه في مصر اللي هو عبد اللطيف جميل و سمعتهم في مصر حلوة جداَ .

الشئ الوحيد اللي ممكن تتأكد منه هو الأوبشنز اللي في العربية ، لو في السعودية العربية فيها حاجة جوهرية مش موجودة في مصر زي مثلاَ Abs أو حاجة يبقي توكل علي الله و إنزل بيها من السعودية .

نفس الامر بالنسة لي لكنني حسمت امري



سأشتريها باذن الله تعالى من هنا بالمملكة

السبب بسيط جدا وهو انني استخدمها فترة بقائي هنا لكن لو تشتريها بمصر ثم تضعها بالجراج كم تفع للجراج شهريا ثم ان قيمتها تتضاءل بمرور السنوات دون استخدامك وتمتعك بها

لكن فقط المشكلة الوحيدة هي عدم وجود اي بي اس فرامل بالخليجي

لكن لعلمك .. الكورولا نفسها غير موجود بها الاي بي اس مثلا

ثم اللون هنا والطلاء افخم من نظيره المصري وهنا بالريموت بمصر لا وثمنها هنا 68 الف وعليها عرض معها لاب توب يمكن ب 3 الاف من نوع سيمنس

استخير

شكرا على معلوماتكم القيمه ... ومنتظر المزيد

انا أظن والله اعلم
ان كماليات المصري اعلى على ما اتذكر
زي الزاجاج الفاميه ده لوحده كفاية

شكرا يا أبو عبدالله يا غالي..... كان نفسي أسمع تعليقاتك الجميله

بشكرك جدا أخي MoToRiZeR على مشاركاتك الفعاله والتي تنم عن روح طيبه