الموضوع: اللي حصلي بعد مطلعت الرخصة !!!!!!!!!!

المشاركة الأصلية كتبت بواسطة TeXo

ما تقلقش بإذن الله لن يطلع الموضوع إلا مجرد شخص غاوي فشخره كداابه و بينتحل شخصيه علي أساس انه يرعبك

بس ما تقلقش زي ما الاخوه قالولك لو هو فعلا مخابرات ما كانش قالك :)

فعلا انا قولت كده برضه

المشاركة الأصلية كتبت بواسطة r0xer

مرة واحد بتاع تاكس كسر عليا فرحت محركتش العربية وقلت تتحك تتحك...المهم الراجل استغرب جدا و راح طالع قدامي وحاول ميعدينيش..رحت معديه و واقف قدامه .

نازل متعصب و جاي جري ع العربية...انا قلت اكيد هيكسره ولاحاجة او هيشتم.لاقيته بيقولي : أنت متعرفش أنا مين؟ انت متعرفش انا مين؟

والله لو فضلت احلف على كمية الضحك اللي ضحكتها ساعتها واني كان فاضل شوية ويغمى عليا محدش هيصدق. الراجل من كتر منا بضحك بصوت عالي و مش في وعيي راح ضاحك هو كمان ومشي!!!

المقصود؟ ان اي حد في مصر بيعمل الحبتين دول، انت مش عارف انت بتكلم مين؟ انت مش عارف انا مين؟ انت مش عارف معرفش ايه!!

طبعا طظ فيه وفي حكومته كلها طالما انت معملتش حاجة غلط...ويوم ماهيحصل حاجة عليك وعلى اي منظمة حقوقية وهيتشردلهم أحلى تشريد.

كبر دماغك وحط في بطنك بطيخة صيفي لإن أسلوب كلامه زي بتاع التاكس بالظبط (ليكون هوا وجاب ملاكي؟ :d :d )

ومبروك الف مبروك الرخصة و خلي بالك من طريقك بعد كدا.

ملاحظة : انا لو مكانك كنت خدت نمرته انا كمان و رحت قدمت بلاغ ان واحد بيهددني إنه من المخابرات وهيأذيني و كنت كبرت الموضوع عشان يكون عبرة لأمثاله من الحثالات .

الله يبارك فيك وانا بعد كده هعمل الشويتين دول وهبقى اخد النمر بعد كده هههه

المشاركة الأصلية كتبت بواسطة mohamed2002

مبروك الرخصة :) وانسي دة لا مخابرات ولا حتي خضري

هههههههههههه

المشاركة الأصلية كتبت بواسطة K-Lotfy

ما اظنش أن فيه حد في المخابرات حيسيح لنفسه كده لأن دول بيبقى كلامهم محسوب عليهم
هو ممكن بس يكون موظف اداري شغال في المخابرات

الطبيعي محدش يقول على نفسه

المشاركة الأصلية كتبت بواسطة ابو السعود

صح زي ما كلوا قال اوعى تشغل نفسك لان كل في المخابرات محترمين و عن تجربه
المهم مبروك للرخصه الجديده

الله يبارك فيك

المشاركة الأصلية كتبت بواسطة magyver

كنت انت بردة تاخد نمرة عربيتة علشان لو عملك
لاقدر الله حااجة تعرف تجيبة

انا مكنتش مركز خالص معاه
كنت تايه في اللي ممكن يعملهولي الراجل ده

الله يباركلك

الف مبروك الرخصة
ومتخافش من بني ادم عنده دقة نقص
وبيحاول يكبر نفسه قدام الناس علشان يخافوا
انت بس ركز شوية ومتنساش المرايات والالتفات بنفسك قبل
الانتقال من حارة لحارة
وربنا يسترها معاك ومعانا

يا سيدى الف مبروك الرخصه
وربنا يعوض عليك فى ال500 جنيه
وبالنسبه لصاحبنا بتاع المخابرات فى حاجتين

99.9% انه بيعمل عليك الشويه دول من باب انه يهدك ويخوفك لانه مش ممكن يكون شخص محترم او صاحب مركز ويعمل الشويه دول
فى مثل بيقول اللى بيعمل ما بيقلش واللى بيقول ما بيعملش وكانت متعته فى خوفك وقلقك واحساسه انه مهم وبيخوف (ربنا يهديه!!!)
وعلى فكره هاتسمع العباره دى كتير لو لاقدر الله حضرت خبطه او حكه بين عربيتين انا شخصيا لسه مجربها من كام يوم
.01% انه موظف ملوش اى سلطه فى المخابرات او على صله باى حد مهم
طب وايه يعنى هو احنا فين ؟؟
انت فاكر ان حتى مأمور قسم لندن يقدر يلمسك ده يروح فى داهيه!!
كبر دماغك وماتخفش وابتسم انت فى دوله المهمين