شوف يا سيدي ، عداد الفابيا فيه عددين رحلات (2 trip meters ) و ليس واحد فقط ، و دة إلي بيميزه رقم "١" أو رقم "2"
بالنسبة للقيمة ٣ هي الكيلومترات المقطوعة في الرحلة الأولى و ٦٧٠ في التانية (كل وحدة ممكن تتصفر على حدة بضغطة طويلة على ال-reset )
القيمة إلي جنبيها الساعة دي الوقت المقطوع للرحلة ، و هي 0:28 أي تمنية و عشرين دقيقة للرحلة الأولى ، و ٩٠ ساعة و عشرين دقيقة للرحلة التانية (من ساعة أخر مرة عملت ليها تصفير )
القيمة التالتة دي متوسط إستهلاك البنزين للرحلتين و هو ٢٢٫٤ لتر لكل ١٠٠ كيلو في الرحلة الأولى و ١٥٫٤ لتر لكل ١٠٠ كيلو في الرحلة التانية
ساعات بتكون الرحلة الأولى هي أخر رحلة قامت بيها العربية و بتتصفر مع كل بداية مشوار أوتوماتيك (يعني لو سبت العربية ساعتين و رجعت تطلع بيها تاني تلقيها متصفرة )، لكن رحلة 2 لازم تتصفر باليد ، أعتقد عداد الفابيا بيشتغل بالطريقة دي
اتمنى أكون أفدتك شوية