ايهما افضل الهيونداي النترا بتاعت غبور ولا الخليجي

**outosend** · 26-03-2009 10:25 PM

المشاركة الأصلية كتبت بواسطة المتمرد

شوف في موديلات من غبور حلوة .عندك اربع فئات في الاوتوماتيك اعلي فئتين فيهم الفول اوبشن ب109000 وب112000 بتزيد فتحة سقف .الفئتين دول امكانياتهم تقريبا زي الخليجي
في كل حاجه ماعدا الفرامل Abs واللي زيهم الخليجي بتبقي اسعارهم اقل 4000 جنيه اللي هو تمن الضمان .فلو يهمك الضمان خليك مع غبور ولو
مش فارق معاك هات الخليجي مع مراعات فرق السعر بينهم مش كبير بالنسبة للموديلين اللي قولتهم فوق.

_____________
محمد عبدالله

باشا امكانيات ايه اللى زى الخليجى

ااقولك شويه حاجات من اللى عمرها مابتنزل عند غبور :فرامل abs - ايرباج-الكاسيت الاصلى العريض- الطاره المالتى - بلوتوث للموبايل سماعه وسبيكر - سينسور بارك - مرايات ضم - جنوط
ده اللى على بالى دلوقتى كل ده عمره ماهينزل فى غبور وكفايه انها متقفله بره محدش لعب فيها
وبعدين غبور معندوش غير 3 موديلات بس واحد مانيوال و2 اوتو وطبعا هو بيقول انهم 6 بيضيف فتحه السقف على نفس الموديل يبقى موديل تانى

**outosend** · 26-03-2009 10:30 PM

المشاركة الأصلية كتبت بواسطة firstknight216

ضمان ايه؟؟؟!!!!
هو لو في حاجة في العربية الخليجي غبور ح يصلحها؟؟؟!!!!
لا اعتقد ذلك
حتى لو ح يعطي ضمان
الفنيين الموجودين غير مدربين على مواصفة السيارات الخليجي
بمعنى لو الفرامل الABS فيها مشكله مين مدرب هنا عند غبور علشان يصلحها؟؟؟؟
ده اذا كانوا ح يصلحوها
وبعدين حتى لو بيعرفوا مش ح يصلحها لأن لو صلحها يبقى هنا غبور بيسوق للخليجي صح ولا لأ؟؟؟؟

المشكله فعلا فى الفنيين
موضوع الضمان للخليجى منشأه شركه عالميه اسمها AAA تدي ضمان سنه ب 1200 جنيه تقريبا او سنتين ب 2200 وتتعامل معامله غبور وتدخل مراكز صيانه غبور
واحب اطمنكو ان فى حالات حصل فيها مشاكل ولجأت لجهاز حمايه المستهلك والجهاز مشكورا الزم المعارض باسترداد السيارات دى تانى ورجعوا الفلوس لاصحابها

**Dr.Mohamed** · 27-03-2009 04:43 PM

الطاره المالتى يا باشا مش بتنزل فى الخليجى ولا السينسور بارك

**beshoyemad** · 27-03-2009 04:50 PM

يا جماعة الخليجي اغلي 4000 جنية انا جبتها في شهر 12 كانت اغلي 6000 عن غبور و دلوقت اغلي 4000

**outosend** · 28-03-2009 12:01 AM

المشاركة الأصلية كتبت بواسطة derba

الطاره المالتى يا باشا مش بتنزل فى الخليجى ولا السينسور بارك

طيب تعال شوف عربيتى

**Dr.Mohamed** · 28-03-2009 12:26 AM

المشاركة الأصلية كتبت بواسطة outosend

طيب تعال شوف عربيتى

يا باشا انا مش بكدبك بس كل ما اتصل باى وكيل يقولى مش بتنزل خالص
طب قولى حضرتك جبتها منين وامتى و بكام ؟ معلش يا باشا واذا كنت اتاكدت من انها كورى

**saidbakr** · 28-03-2009 01:21 AM

انا صوت لصالح الخليجي، لأني في الأصل لا أثق في أغلب رجال الأعمال و المؤسسات المصرية، لدرجة أنه إذا خيرتني بين معجون سيجنال 2 المصري او السعودي سوف اختار السعودي.
أضف إلى ذلك ما ذكره الأخوة عن الاختراعات و الانتشالات المرتبطة باليد المصرية الكريمة و بسخاء و التي تطبق على السيارات وارد او تجميع غبور.
أما موضوع الضمان، ففي ظل كل هذه المتاهات و الانحرافات فاعتقد انه شيء لا قيمة له مثله كمثل كافة القيم الضائعة في السوق المصري.

**outosend** · 28-03-2009 06:45 PM

اللى انا جبت منهم حراميه (وندر موتور) عند مستشفى حسبو فى مدينه نصر
جبتها اول شهر 2 ب 118 الف
فى ناس محترمه اسمهم الشناوى جروب دول المستوردين الاساسين ليها فى مصر لسه نازله امبارح دفعه بازاز فاميه وفرش جلد كمان
الشناوى ده عند النادى الاهلى الجديد اسئل على استاذ محمد عبد الله مدير المبيعات

**Dr.Mohamed** · 28-03-2009 08:31 PM

طب نازل فيها يا باشا الماتى فانكشن ؟ و انت متاكد انها كورى ؟ ومين استاذ محمد عبدالله ؟
و بتعمل كام الكامله

**A.Saad** · 28-03-2009 09:55 PM

المشاركة الأصلية كتبت بواسطة outosend

المشكله فعلا فى الفنيين
موضوع الضمان للخليجى منشأه شركه عالميه اسمها AAA تدي ضمان سنه ب 1200 جنيه تقريبا او سنتين ب 2200 وتتعامل معامله غبور وتدخل مراكز صيانه غبور
واحب اطمنكو ان فى حالات حصل فيها مشاكل ولجأت لجهاز حمايه المستهلك والجهاز مشكورا الزم المعارض باسترداد السيارات دى تانى ورجعوا الفلوس لاصحابها

ممكن عنوان شركة AAA
او التليفون

مشاهدة نتائج الإستطلاع: ايهما افضل الهيونداي النترا بتاعت غبور ولا الخليجي

الموضوع: ايهما افضل الهيونداي النترا بتاعت غبور ولا الخليجي

LinkBack

أدوات الموضوع

عرض

-

-

-

-

-

المواضيع المتشابهه

ايهما افضل فلوانس ام النترا

ايهما افضل الوكيل او الخليجي

لية الكاسيت دة مش بينزل في النترا بتاعت غبور

ايهما افضل نيسان صني ام هيونداي النترا

ايهما افضل الهيونداي الاكسينت الكوري موديل 99 ولا الدايو اللانوس ؟

الكلمات الدلالية لهذا الموضوع

المفضلات

المفضلات

ضوابط المشاركة