الموضوع: ايهما افضل الهيونداي النترا بتاعت غبور ولا الخليجي

المشاركة الأصلية كتبت بواسطة outosend

باشا امكانيات ايه اللى زى الخليجى ااقولك شويه حاجات من اللى عمرها مابتنزل عند غبور :فرامل abs - ايرباج-الكاسيت الاصلى العريض- الطاره المالتى - بلوتوث للموبايل سماعه وسبيكر - سينسور بارك - مرايات ضم - جنوط
ده اللى على بالى دلوقتى كل ده عمره ماهينزل فى غبور وكفايه انها متقفله بره محدش لعب فيها
وبعدين غبور معندوش غير 3 موديلات بس واحد مانيوال و2 اوتو وطبعا هو بيقول انهم 6 بيضيف فتحه السقف على نفس الموديل يبقى موديل تانى

هو الخليجى فيها مرايات ضم ؟ و سينسور بارك ؟ إنت واثق من المعلومه ده ؟

المشاركة الأصلية كتبت بواسطة beshoyemad

يا جماعة الخليجي اغلي 4000 جنية انا جبتها في شهر 12 كانت اغلي 6000 عن غبور و دلوقت اغلي 4000

هو الخليجى فيها مرايات ضم ؟ و سينسور بارك ؟

المشاركة الأصلية كتبت بواسطة Shikaz

هو الخليجى فيها مرايات ضم ؟ و سينسور بارك ؟

ايوه.. انا عربيتي فيها بارك سينسورز....

المشاركة الأصلية كتبت بواسطة mrx_79

يا جماعه انا معايا النترا هاي لاين من غبور والعبربيه الحمدلله ماشاء الله ممتازه ولو حصل لها أي حاجه غبور ملزم يصلحها علشان الضمان لكن الخليجي لو حصل له اي حاجه ولا حتلاقي حد يساعدك ومع احترامي ل Aaa انا مازلت بفضل الوكيل هما مدربين علي العربيه كويس جدا انما حتي لو Aaa مدربين مش حيبقوا زي الوكيل

اولا" يا باشا.. السلام عليكم

انا شايف ان حضرتك جانبك الصواب في جمله"مازلت بفضل الوكيل هما مدربين علي العربيه " لان بتوع غبور مش مدربين ولا يحزنون +ان المعامله في التوكيل وحشه جدا" .. من فضلك راجع مشاركات الاخوه في المنتدي اللي بيعملوا الصيانه في التوكيل..
ثانيا" AAA دي مش مركز خدمه.. دي عباره عن شركه بتضمن لك العربيه متفقين مع كذا مركز صيانه للعربيه زي ابو غالي وBOSCH و امير وجوزيف.. وهما برده ملزمين يرجعوا العربيه زي ماكانت لو حصل حاجه.. بل علي العكس لان المراكز دي مش هتدفع حاجه من جيبها ( اللي بيحاسب هو AAA) فهما فعلا معندهمش مشكله يغيروا اي قطعه تالفه..

وفي الاخر احب اقولك ان العربيه في كل الحالات زي الفل وان شاء الله مش هتحتاج الضمان في حاجه..

بصراحه الخليجى ضحك على الناس ومش عارف كيف المصريين وصلوا لهذا الحد من العقليه السذاجه. الخليجى ما هو الا سيارات ذائدة لدى التوكيل ومعظمها بتكون سيارات بها ملاحظات تباع بسعر منخفض لتعويض الجمارك وفروق الاسعار ونقل وبهدله الى ان تصل لساعتك عامله 500 كليو وبعدين ليه الهم دة كله دة غير مصاريف الشحن ومصاريف تغيير اللوحات ونمر تجاريه يعنى هيصه تخلى العربيه اغلى فى السعر من 10 الى 15 الف جنيه ويجى فى الاخر التاجر يضحك على العميل السيارة الخليجى اغلى لانها بدهان وزجاج وفرش وتصميم وتكييف غيرررررر . انا بس افرج السادة المعلقين فرق السعر من وين جاء والتاجر يبررة بايه يعنى ضحك على الناس واصحاب العقول فى راحه. ويا اخى ويا اختى بلا خليجى وكلام فاضى اشترى من وكاله بلدك وحط رجل على رجل زى الباشا واستلم سيارتك تكون اول مالك لها وسليمه 100 فى 100 ولاتركب سيارات بها ملاحظات وبهدله تنقلات من وسطاء لاتعرف عددهم وسفر مئات الكليومترات علشان عيون حليجى والسيارات كلها من مصدر واحد بلا حكى فاضى وشغل نصب على ................ وما اكثرهم. والسلام عليكم ورحمه الله وبركاته
اخوكم شريف اكرم
_____________________
الأخ شريف،

يرجى مراعاة شعور اصحاب السيارات الخليجي وانتقاء الفاظ افضل للتعبير.

إدارة المنتدى2
(إ.م.2)

أرجو من اي حد بيشارك في موضوع الانترا الخليجي يكون عنده معلومات موثوثق منها مش اي كلام وخلاص

وياريت لما حد يذكر معلومة زي الاخ اللي قال ان الخليجي مضروب يقلنا مصدر المعلومة. علشان ميحصلش لخبطة للقارئ..............

وكان عندي استفار بخصوص الانترا الخليجي هل المانيوال منها فيه Abs & Ebd واير باجز ولا مفهوش ؟؟؟

وازاي لما اشتري النترا خليجي اعرف انها خليجي ولا لا؟؟ ايه الحاجة المميزة فيها؟؟؟

ارجو الرد ممن عنده معلومات اكيدة.................

علشن تعرف انها خليجي حتلاقيها فيها فتحة سقف و جنوط واكتر حاجه بتميزها عن بتاعةغبور ان فيها لمبة ستوب ومش حتلاقي عليها علامة Gb Auto