ايهما افضل الهيونداي النترا بتاعت غبور ولا الخليجي

**marawansabry** · 08-03-2009 07:00 PM

برايكم ايهما افضل :
تجيب هيونداي النترا من عند غبور علما بانها امكانيتها قليلة (يعني مفيهاش عوامل امان ذي الاير باج واي بي اس ) وكمان الكاسيت بتاعها ميش اد كدة بالاضافة لمشكلة السنتر اللي بيتقفل هنا والانذار
ولا تجيب الخليجي الكاملة علما بان كل الحجات اللي فيها بتاعت بلدها وامكانيتها اعلى وكمان فيها كل عوامل الامان واضف لذلك ان سعرها ارخص من بتاعت غبور
علما باني معتقدش ان العربيات دي ممكن يبقي فيها عيوب صناعة للدرجة اللي تخوف الواحد من انة يبقي برة التوكيل... وكمان كدة كدة انت بتدفع تمن الصيانات الدورية .. يعني ميش ببلاش ....؟؟؟؟؟

**Dr.Mohamed** · 08-03-2009 09:49 PM

ياريت يا جماعه حد يفيدنا فى الموضوع ده ومميزات الخليجى ايه عن غبور ؟؟؟؟
لانى نويت ان شاء الله انه اجيب الانترا قريب فعايز استقر على المووضوع ده

**mahmoudzaied** · 08-03-2009 10:02 PM

والله انا نفسى اجيب النترا موت
وغالبا ممكن اجيب واحدة 2007
بس ساعة لما هدور هدور على خليجى
لكذا سبب
1- الضمان هيكون سقط على بتاعة غبور ( الضمان للمالك الاول)
2- الكماليات اعلى بمراحل من غير لعب من الايادى المصرية

لمن فى حالتك لو هتجيب زيرو وفارق معاك الضمان اوى هات توكيل وخلاص والفرق فى الكماليات مش كبير غير بس عوامل الامان

**marawansabry** · 09-03-2009 10:53 AM

هو لو في فعلا حد عندة تجربة او خبرة في الموضوع دة .. ياريت يفيدنا .. لاني فعلا شايف ان في ناس كتيير عندها توجه للخليجي وخاصة لان امكانيتها اعلي وسعرها اقل بالاضافة طبعا لسمعة غبور اللي ميش ولا بد ..

**pqpqpqpqpq** · 09-03-2009 12:05 PM

والله عاوز اقول تحليلى الشخصى بالنسبه ان الخليجى ارخص من التوكيل على الرغم من انها اعلى فى الكماليات

هو ان العربيات فى الخليج رخصت وعلشان كده نزلت رخيصه انما غبور بيه مش هينزل فى سعر العربيه على الرغم ان تكلفتها عليه قلت
انا مش عارف التوكيل بيعمل ليه كده
اما عن رأيى فاضل الخليجى طبعا

**Dr.Mohamed** · 09-03-2009 12:48 PM

هو اسم افانتى او الموديل ده موجود فى مصر ؟

**حماده المصري** · 09-03-2009 01:45 PM

افانتي موجوده في مصر بس قليل وهي هي النترا

الالنترا الخليجي افضل طبعا عشان شد بلدها مش فيها حاجات مصري زي السنتر والكلام ده

المصري يتميز بوجود ضمان في حين انك برضو ممكت تشتري ضمان للخليجي

لكن ك مقارنه بين العربيتين لا توجد بهم فروق جوهريه من ناحيه عفشه ميكانيكا موتور

تخيلوا بقى برا في اوروبا بتلاقي في فروق في الخامات بتاعه الصالون بينها وبين الي هنا وممكن فعلا تلاقي فروق طفيفه في العفشه والكلام ده

**mirageman** · 09-03-2009 02:20 PM

طيب يا جماعة هي الخليجي موجودة فييين

**M_Abdallah** · 09-03-2009 04:26 PM

شوف في موديلات من غبور حلوة .عندك اربع فئات في الاوتوماتيك اعلي فئتين فيهم الفول اوبشن ب109000 وب112000 بتزيد فتحة سقف .الفئتين دول امكانياتهم تقريبا زي الخليجي
في كل حاجه ماعدا الفرامل Abs واللي زيهم الخليجي بتبقي اسعارهم اقل 4000 جنيه اللي هو تمن الضمان .فلو يهمك الضمان خليك مع غبور ولو
مش فارق معاك هات الخليجي مع مراعات فرق السعر بينهم مش كبير بالنسبة للموديلين اللي قولتهم فوق.

_____________
محمد عبدالله

**Dr.Mohamed** · 09-03-2009 04:57 PM

بس انا يا جماعه سمعت انه الخليجى الى هو ارخص 4 الاف مفيهوش فتحه سقف ؟

مشاهدة نتائج الإستطلاع: ايهما افضل الهيونداي النترا بتاعت غبور ولا الخليجي

الموضوع: ايهما افضل الهيونداي النترا بتاعت غبور ولا الخليجي

LinkBack

أدوات الموضوع

عرض

-

-

-

-

-

المواضيع المتشابهه

ايهما افضل فلوانس ام النترا

ايهما افضل الوكيل او الخليجي

لية الكاسيت دة مش بينزل في النترا بتاعت غبور

ايهما افضل نيسان صني ام هيونداي النترا

ايهما افضل الهيونداي الاكسينت الكوري موديل 99 ولا الدايو اللانوس ؟

الكلمات الدلالية لهذا الموضوع

المفضلات

المفضلات

ضوابط المشاركة