الموضوع: الاحتفالات

اولا وقبل ما ابدأ كلامى انا طبعا سعيد جدا برغبة جميع الاعضاء فى الاحتفال بعيد ميلاد المنتدى واسعد بكل الاهتمام ده بالاستعداد لكيفية الاحتفال بيه.
لكن تسمحولى بسؤال كام واحد فى المهتمين بكيفية الاحتفال بعيد ميلاد المنتدى اهتم ولو بجزء من مستوى اهتمامه ده بالاحتفال بعيد ميلاد والده او والدته او اخوه او اخته .بلاش كام واحد اهتم وفكر وحاول يختار اجمل مكان واجمل طريقة يحتفل بيها بعيد ميلاد زوجته او بنته او حتى خطيبته او حبيبته. مع ان كل دول اشخاص حقيقيين مش مجرد كيان معنوى .
ياريت نفكر ونهتم بالاشخاص الحقيقييين الموجودين فى حياتنا زى ما بنهتم بانفسنا لان فى رايى ان المهتميين بالاحتفال بالمنتدى وعيد ميلاده بيفكروا فى نفسهم مش فى المنتدى لانه
مش طفل هيفرح باهتممنا بيه ولا ام هتفرح ان ابنها فاكرها ولا اب هيفتخر انه عرف يربى ابن يفكر ازاى يسعده. ده احنا اللى هنحتفل وفرح ونخرج وناكل سمك مش المنتدى.......
اتمنى محدش يزعل منى

هو انا اسف لو اعتبرت ده تدخل فى حياتك الشخصية بس دى كانت كلمة بقولها لنفسى زى مابقولها للجميع وممكن تعتبرها دعوة للاهتمام بالشخصيات الحقيقية فى حياتنا اكتر من الكيانات الاعتبارية وسورى مرة تانية لو كلامى ازعجك