مشكله في الجين 2 ومش عارف حلها !!!!!!!

**momenhamdy** · 08-03-2009 09:37 PM

بسم الله الرحمن الرحيم

الاخوه اعضاء منتدي بروتون الكرام
انا حجيب الموضوع معاكوا من الاخر علشان مطولش عليكوا

المهم المشكله تعتبر بسيطه جداًجداً و شكلها عبيط اوي بس للاسف مزعلاني اوي و مش عارف حلها فين

الفكره كلها تتلخص في الاتي ان العربية عندي ساعات اجي اجبها علي وضع ال Start في الكونتاكت و العربية متدورش و لا مارش و لا اي حاجة خالص خالص يدوب بس المض الي في التابلوه تنور و تعمل ال Check بتاعها و لكن العربية متدورش
اروح انا مرجع العربية علي وضع LOCK و احاول ادورها تاني تدور العربية ممكن من اول محاوله و ممكن بعد حوالي مرتين بهذه الطريقه

وطبعاً انا دخت علي حل للمشكله دي و مش عارف اعمل ايه يا جماعة و رحت لكهربائي اعرفه علشان يعمل Check علي العربية و قالي مفيش مشكله المارش سليم و اتوماتيك المارش سليم و من قبلها رحت التوكيل و للاسف الموضوع دا محصلش معاهم و برده اكيد لو حصل من حيكون فيه رد ( و انا بصراحة مش عايز لعب في العربية علي الفاضي )
ولكن العربية بعد ما بتدور و لا الهوا بتبقي طبيعيه جداً في الاداء بتاعها علي الطريق
ياريت يا جماعة تشركوني بخبرتكم في الموضوع دا لاني بصراحة مش عارف اعمل ايه

ولكم جزيل الشكر

**khpopo** · 08-03-2009 09:43 PM

انت لسة ماوصلتش لحل طيب والبطارية اتغيرت ولا لسة طمنى
ربنا يوفق

**momenhamdy** · 08-03-2009 09:47 PM

المشاركة الأصلية كتبت بواسطة khpopo

انت لسة ماوصلتش لحل طيب والبطارية اتغيرت ولا لسة طمنى

ربنا يوفق

لالا يا خالد لسه
بس تفتكر البطارية هي المشكله ....... خايف اغيرها و متتطلعش المشكله منها !! !!
شاكر جداً لاهتمامك يا خالد

**momenhamdy** · 08-03-2009 09:49 PM

ياريت يا جماعة مزيد من المشاركات علشان نوصل لحل اكيد في الموضوع دا

**SaberMan** · 08-03-2009 10:32 PM

السلام عليكم اعتقد اخى الكريم ان العيب ممكن يكون من تلميسه فى الكونتاكت نفسه و الله اعلى و اعلم

**ahmedsiyam** · 09-03-2009 12:50 AM

انا اعتقد ان المشكلة فى الكودنج بتاع المفتاح نفسه

اعمل كودنج للمفتاحين و ريسيت لكومبيوتر العربية نفسها موش الريسيت بتاع الانذار اللى موجود فى العربية و شوف معاهم فى التوكيل القصة هاتمشى ازاى

وان الموضوع ماحصلش فيه تقدم عليك و على المركز الرئيسى فى ابو رواش

**momenhamdy** · 09-03-2009 12:52 AM

المشاركة الأصلية كتبت بواسطة ahmedsiyam

انا اعتقد ان المشكلة فى الكودنج بتاع المفتاح نفسه

اعمل كودنج للمفتاحين و ريسيت لكومبيوتر العربية نفسها موش الريسيت بتاع الانذار اللى موجود فى العربية و شوف معاهم فى التوكيل القصة هاتمشى ازاى

وان الموضوع ماحصلش فيه تقدم عليك و على المركز الرئيسى فى ابو رواش

و الله يا استاذ احمد انا تعبت من الموضوع دا
بس في سؤال مهم تفتكر لو العيب في الكود مش علي الاقل حتلاقي المارش يلف بس الموتور مش حيدور و لا ايه رأي حضرتك
وايه الي يخلي الكود بتاع المفتاحين يحصلهم حاجة ؟؟ّ!!!!!
انا مش عارف اعمل ايه الموضوع دا منرفزني جداً جدً
وشاكر جداً ليك يا استاذ احمد

**elmadawy** · 09-03-2009 12:59 AM

إن شاء الله المشكله تتحل بس انا شايف انك من الافضل تروح التوكيل وأكيد هما عندهم الحل

**momenhamdy** · 09-03-2009 01:02 AM

المشاركة الأصلية كتبت بواسطة elmadawy

إن شاء الله المشكله تتحل بس انا شايف انك من الافضل تروح التوكيل وأكيد هما عندهم الحل

بيني و بينك انا روحت قبل كدا و شرحت الموضوع و قالي العيب امبليزر بعد ما حطلها علي الجهاز (وقالي مش حتعمل كدا تاني ) و برده مافيش فايده و انا بصراحة مش عايز لعب في العربية كتير

**saidbakr** · 09-03-2009 01:04 AM

انا بصراحة ما عنديش خبرة في الموضوع ده، لكن كل اللي اقدر اقوله، إنه مستحيل يكون بسبب البطارية. البطارية لو فيها حاجة بتمنع التدوير، ما كانتشي دارت خالص الا بالزق.

الموضوع: مشكله في الجين 2 ومش عارف حلها !!!!!!!

LinkBack

أدوات الموضوع

عرض

مشكله في الجين 2 ومش عارف حلها !!!!!!! - انشر الموضوع فى :

-

-

-

-

-

-

-

-

المواضيع المتشابهه

مشكله مش عارف حلها

عندى مشكله ومش عارف حلها

مشكله مش عارف حلها في فرامل اللانوس

مشكله بسيطه ومش عارف حلها؟

الكلمات الدلالية لهذا الموضوع

المفضلات

المفضلات

ضوابط المشاركة