عملت صيانة 20000 في التوكيل بس ظهرت عندي مشكلة

**affosah** · 08-03-2009 09:59 PM

السلام عليكم
عندي عربية لانسر بوما 2008 اوتوماتك ومن أسبوع عملت صيانة 20000 في التوكيل جسر السويس وغيرت تيل الفرامل الامامي
دلوقتي في مشكلة عندي لما تكون العربية واقفة واجي ارجع مارشدير بسمع صوت تصفير جامد ناحية العجل
ياترى الصوت ده عيب من التيل ولا ايييييه؟
الغريب انه مابيظهرش غير في المارشدير بس وبيكون واضح أكتر لو كنت كاسر العجل سنه يمين او شمال وانا راجع

**ahmedel_rayies** · 09-03-2009 12:38 PM

السلام عليكم ورحمة الله وبركاته
الصوت داه لازم تسمعوا طالما العربية لانسر خاصة لو أوتوماتيك بيبقى أعلى طبعا.
هوا أول ماتغير التيل فى التوكيل لازم الصفارة تبدأ فى العربية وإنتا بترجع لورا.
لو روحت التوكيل عشان الصوت داه هيقولك الطنابير عايزة تتخرط وداه طبعا غير منطقى تمام لما تكون العربية عاملة 20 ألف كيلوا والطنابير عايزة تتخرط (خرط الطنابير فى التوكيل بـ 80 جنية) بس الصوت هيروح وبعد 2000 كيلو كدا هيرجع تانى.

المهم ماتشغلش بالك كل العربيات اللانسر كدا وبما فيهم عربيتى وعربية كل أصحابى اللى معاهم لانسر وشوفت الموضوع داه فى أكتر من 25 عربية لانسر.

ماتقلقش من حاجه والله الصوت داه عادي جدا داه حتى لانسر مشهورة جدا بية.

**nobody** · 09-03-2009 10:57 PM

كل اللانسر كده ما تقلقش

**tmedhat** · 09-03-2009 11:23 PM

تيل الفرامل فى عربية مراتى اللانسر عامل صوت

صفارة رفيعة
يبقى كدة قرب يخلص
و هى عاملة 20 الف بردة
فين التوكيل بتاع جسر السويس دة و يا ترى حجزت الاول و لا رحت على طوووول

**مصراوي جدا** · 10-03-2009 12:35 PM

أنا عرضت الموضوع على مدير عام الصيانة بالتوكيل حيث يظهر من الشكوى والتعليقات ان دي ظاهرة عامة في اللانسر والموضوع مش كده

قال ان المفروض طبعا التيل ميصفرش طالما تيل أصلي ، والحالة الوحيدة اللي ممكن يصفر فيها هي الصبح بدري لو كانت الطنابير مندية بفعل الرطوبة الصبح لكن اول لما التيل بيسخن السخونة الطبيعية بيروح الصوت
بخصوص موضوع خرط الطنابير قال ان اولا دي عملية تنصح بيها شركة ميتسوبيشي لعلاج مشكلتين الأولى وجود ريجة في الطنابير والتانية رعشة مع الفرامل ودي ممكن تحصل لعربية وممكن متحصلش وسببها ان في بعض البلدان المتربة (زي مصر) بتدخل ذرات التراب بين الطنابير والتيل وتعمل الريجة دي ، وعملية خرط الطنابير ممكن نسميها مسح للطنابير لأنها بتشيل الريجة فقط وتعيد تسوية السطح مرة أخرى

اخيرا طلب ان ابلغ صاحب الموضوع بالتوجه الى فرع جسر السويس لمقابلة المهندس اشرف مدير الفرع لحل المشكلة

بالنسبة للسؤال عن فرع جسر السويس هو امام سوق القنال الدولي عند المزلقان تليفون 26981976 و 26982975 والصيانة هناك بالحجز