الموضوع: السرقة و وزارة الداخلية

اقتباس:

دى بقت موضة قديمة العشرين جنيه , فى لجنة الرادار على طريق العلمين طلعت عشرين جنيه للأمين بصلى كده زى ما أكون شتمته و قاللى خمسين جنيه !!!!!!!!!!!
رحت حاطط الفلوس فى جيبى و سبتله الرخصة و ركنت و أخدت المخالفة , قلت لنفسى أدفع 100 جنيه مخالفة ولا أدفعش خمسين لواحد حرامى زى ده



بس كنت هاتدفع العشريناية لو كان رضي ( المبادئ لا تجزأ)

الأخ الفاضل أحمد سامى : أنا والله لسه شايف تعليقك على مشاركتى النهارده, أنا معاك ولا إختلاف إن المبادئ لا تتجزأ و لو كان الأمين رضى بالعشريناية كنت دفعتها , وده مش علشان أنا المبدئ بتتجزأ عندى من عشرين لخمسين جنيه , ولكن لأن بعض العلماء أجازوا الرشوة إذا كنت مجبر إنك تدفعها حتى لا تتعطل مصالحك و الجزاء والإثم على طالب الرشوة فى هذه الحالة , وكل الناس عارفه دورة دفع المخالفات و رمن وصول الرخص لوحدات المرور المختلفة , يعنى العشرين جنيه كانت هاتوفر و قت و مجهود و يوم أجازة من الشغل وممكن يكونوا أكتر من يوم علشان تجديد الإيصال , ياترى كل العطلة دى تتقدر بكام مع العلم "أكرر" إنك يجوز لك دفع الرشوة لأنك مجبر فى هذه الحالة .
لكن اللى إستفزنى :x فى الموقف ده البجاحة بتاعة الأمين فى طلب الرشوة كأنه بيطلب حق من حقوقه القانونية.
أرجو أن يكون الرد واضح " ولا ترموا الناس بالباطل يا أستاذ أحمد سامى

!!!!!!!!!!!!!!!!!!!!!!!!!!!!!!!!!