السرقة و وزارة الداخلية

**Islam_galal** · 03-09-2007 12:34 PM

السرقة هي جريمة يعاقب عليها القانون و وزارة الداخلية هي الجهه المنوطة بتنفيذ أحكام القانون . . . . جميل
لا مش جميل لان ده مابيحصلش دا السرقه بقت تقريبا مقننه في بلدنا المحروسة
مثال
سرقه علامات المصنع من علي السيارات علشان السادة سواقين التاكسيات يلزقوها علي عربياتهم فتلاقي التاكسي زي مسابقة مجلات ميكي (اذكر كم نوع سيارة في الصورة) و ممكن كمان يركب شبكة عربية تانيه و العربيات دي بتعدي علي لجان المرور بسلام و من غير مشاكل و اللي مش عاجبه يضرب دماغه في الحيط.

مثال تاني
سرقة الموبيلات ، الحقيقة الموضوع ده مقنن جدا بالذات في العجمي ، اللي يتسرق موبايلة يروح يعمل محضر و بعد اسبوع يروح المحكمة علشان يقدم3 طلبات للتتبع (قال يعني دي محتاجة طلب) و يستني شهر اتنين و يروح يتابع (المفروض يبعتوا ردود الشركات بس مبيحصلش) و لما الشراكات التلاتة يردوا ان لم يستدل علي الموبايل تروح تعمل محضر تاني و اطلبات التتبع تاني ليييييييييييه . . . لان التتبع لمدة 15 يوم فقط.
طبعا سرقة الموبايل سهلة و مربحة و العصابة بتاعة العجمي عاملة نظام حلو تضامنا مع الشرطة الصاحية و ضد المواطن ابن الـ . . . .
يسررقوا الموبايل و يركنوه حوالي 6 شهور و يلموا مجموعة كويسة و يسافروا محافظة تانية و يبيعوهم بأسعار معقولة و لما المواطن الغير شريف (لانه متأكد ان الموبايل ده مسروق لان مالوش ورق و سعرة رخيص قوي) يشغلة يبقي هو اللي يستاهل (ده بفرض ان صاحب الموبايل الحقيقي لم ييأس و مازال يقوم باجراءات التتبع)

ازاي الحال بقاااااااا

تحبوا امثلة تانيه . . . . . كفاية كدة لأن أنا اكتئبت خلاص
الخلاصة :
مصر مصر مصر لك الله يا مصر

**إسلام شاهين** · 03-09-2007 12:38 PM

موضوع التتبع ده أتلغى خلاص يا إسلام .

**Islam_galal** · 03-09-2007 12:41 PM

ازاي اتلغي ؟؟

**إسلام شاهين** · 03-09-2007 12:48 PM

ما عدش فيه حاجة اسمها تتبع تليفون مسروق الا لو السرقة مرتبطة بجريمة كبيرة زي القتل مثلا لكن تليفونك اتسرق من العربية مثلا معدش ينفع تعمل تتبع .

**eng_elnaggar** · 03-09-2007 01:02 PM

لو ليك واسطة في الداخلية يجيبوهولك ... انا لسه واحد قريبي جايبه بعد ما اتسرق ب 4 شهور ... والغريبة بقى انه كان مع ظابط :lol: بس جابوه واداه لصاحبه الاصلي

**AlmAhAtmA** · 03-09-2007 01:34 PM

و العشرين جنيه اللي بياخدها الامين اللي في لجنه الرادار
نسميها ايه :?:
دول مش بيحموا من السرقه :twisted:
دول همه اساسا بيسرقوا

**m_aash** · 03-09-2007 02:14 PM

إقتباس من Almahatma
"و العشرين جنيه اللي بياخدها الامين اللي في لجنه الرادار
نسميها ايه
دول مش بيحموا من السرقه
دول همه اساسا بيسرقوا "

دى بقت موضة قديمة العشرين جنيه , فى لجنة الرادار على طريق العلمين طلعت عشرين جنيه للأمين بصلى كده زى ما أكون شتمته و قاللى خمسين جنيه !!!!!!!!!!!
رحت حاطط الفلوس فى جيبى و سبتله الرخصة و ركنت و أخدت المخالفة , قلت لنفسى أدفع 100 جنيه مخالفة ولا أدفعش خمسين لواحد حرامى زى ده

**Ahmed Samy** · 03-09-2007 02:55 PM

دى بقت موضة قديمة العشرين جنيه , فى لجنة الرادار على طريق العلمين طلعت عشرين جنيه للأمين بصلى كده زى ما أكون شتمته و قاللى خمسين جنيه !!!!!!!!!!!
رحت حاطط الفلوس فى جيبى و سبتله الرخصة و ركنت و أخدت المخالفة , قلت لنفسى أدفع 100 جنيه مخالفة ولا أدفعش خمسين لواحد حرامى زى ده

بس كنت هاتدفع العشريناية لو كان رضي ( المبادئ لا تجزأ)

**Islam_galal** · 03-09-2007 03:15 PM

خاصية التتبع لسة شغالة لأن موبايلي انا شخصيا اتسرق و عملت الخاصية دي في شهر يونيو و مازال التتبع مستمرا

**sokasoon** · 03-09-2007 07:16 PM

يا استاذ اسلام التتبع اتلغى خالص بدليل او جيت تشترى خط لاى شركة

فودافون او موبينيل او اتصالات

مش هيطلب منك بطاقة ولا اى حاجة تدفع فلوس تاخد خط

يعنى اى تليفون يتسرق دلوقتى مش هيرجع خالص

الموضوع: السرقة و وزارة الداخلية

LinkBack

أدوات الموضوع

عرض

-

-

-

-

-

المواضيع المتشابهه

لية ما نقاطعش وزارة الداخلية

من وزارة الداخلية بيان هام

حريق في وزارة الداخلية

رسالة من وزارة الداخلية

وزارة الداخلية

الكلمات الدلالية لهذا الموضوع

المفضلات

المفضلات

ضوابط المشاركة