هو الاونو ال 1000 سىسى ممكن يركب فيها تكييف؟

**atamim** · 08-03-2009 11:35 PM

انا عاجبنى جدا الاونو بس نفسى اشترى عربية 1000 سىسى و اركب فيها تكييف فهل حد جرب؟

و هل بتاثر على السحب؟

**unounobebo** · 08-03-2009 11:47 PM

لأ ما ينفعش خالص أنا كان معايا أونو و سألت كتير أوي في الموضوع ده في المنتدي هنا و كل الإخوة أفادوني جدا في الموضوع ده و سألت الميكانيكي و كذا ميكانيكي و كلهم قالو ما ينفعش للأسف.

**maka** · 09-03-2009 12:49 AM

المشاركة الأصلية كتبت بواسطة unounobebo

لأ ما ينفعش خالص أنا كان معايا أونو و سألت كتير أوي في الموضوع ده في المنتدي هنا و كل الإخوة أفادوني جدا في الموضوع ده و سألت الميكانيكي و كذا ميكانيكي و كلهم قالو ما ينفعش للأسف.

وماينفعش ليه ده فى عربيات 800 وبتبقى بتكييف

**amrbakly** · 09-03-2009 01:06 AM

يا جدعان أنتوا رعبتوا الراجل كدة لية؟؟

اة ينفع طبعا

الأونو في منها تكييف فابريكة اساسا
كمان الديهاتسو 3 سلندر و اغلبها مكيف

الكورسا 3 سلندر و فيها تكييف برضة

و حاجات كتير جدا مواتير صغير و بيركبلها تكيفات صغيرة، بس متتوقع اداء رهيب في التكييف يعني و كمان توقع تأثير علي السحب بالتأكيد، بس أنا رأيي ان في حر الصيف في داهية السحب مقابل أنك تعرف تسوق اساسا

**yaskhl** · 09-03-2009 01:16 AM

مافيش مشاكل هو هايركب بس هاتندم على تمنه بالنسبة لكفائته. عملتها قبل كده وكلفنى 2800 جنيه سنة 2001 وكنت فاكر انه هايبقى زى االعربيات الكورى لكن للاسف بالاضافة الى انه طلع عينى علشان اظبطه مع الموتور. بصفة عامة تكييف الفيات موش قد كده حتى لو كمبروسر التكيف كان يابانى.

**maka** · 09-03-2009 01:21 AM

المشاركة الأصلية كتبت بواسطة yaskhl

مافيش مشاكل هو هايركب بس هاتندم على تمنه بالنسبة لكفائته. عملتها قبل كده وكلفنى 2800 جنيه سنة 2001 وكنت فاكر انه هايبقى زى االعربيات الكورى لكن للاسف بالاضافة الى انه طلع عينى علشان اظبطه مع الموتور. بصفة عامة تكييف الفيات موش قد كده حتى لو كمبروسر التكيف كان يابانى.

ليه يا جدعان ما الماتيز 3 سلندر وبتكييف اينعم بياثر على السحب بس ارحم من حر الصيف

**semsem_uno** · 09-03-2009 10:56 AM

علي فكرة انا معايا اونو 1000 و مركب تكييف
و علي فكرة صهد الشباك ارحم منه و ياريتني ما ركبته ده غير انه هايءثر علي السحب
الا بقي لو هتجيب لها الموتور ال 1300 بتاعها ممكن يبقي التبريد احسن بكتير و السحب مش هايتأثر اوي

و ده الرابط بتاع اتحاد ملاك الأونو و ياريت اللي معاه اونو او اللي كان معاه يدخل و ينضم معانا:
http://www.nilemotors.net/Nile/showthread.php?t=56190

**amrbakly** · 09-03-2009 11:42 AM

طيب جايز يا سمسم تكون ركبت تكييف مش فابريكة علشان كدة عمل معاك المشكلة دية؟ و كمان ممكن تكون حكاية العزل سبب؟

لأني لسة جايب الأونو تكييف فابريكة و مع اول تجربة و في وسط البلد التكييف كان كويس جدا و تقريبا تأثيرة علي السحب كان بسيط جدا رغم أن التكييف عندي محتاج صيانة لأن فتحات الأجناب مش شغالة كويس قوي

ممكن كمان لو بتستعمل بنزين 80 يكون بيضاعف المشكلة؟

الكلام دة يا جماعة مش كلامي انا بس

لأن واحد صاحبي كان معاة اونو 2001 تكييف ، و كان بيشكر فية جدا سواء صبح او بليل، و هو اللي خلاني افكر في الأونو اساسا لأني كنت بدور علي عربية مكيفة

**semsem_uno** · 10-03-2009 07:01 PM

هو فعلا تكيف مش فابريكة
و انا مش بحط 80 خالص

**maka** · 10-03-2009 07:13 PM

المشاركة الأصلية كتبت بواسطة semsem_uno

هو فعلا تكيف مش فابريكة
و انا مش بحط 80 خالص

مش ممكن التكييف كان ضعيف على العربية او عزل العربية مش كويس

الموضوع: هو الاونو ال 1000 سىسى ممكن يركب فيها تكييف؟

LinkBack

أدوات الموضوع

عرض

هو الاونو ال 1000 سىسى ممكن يركب فيها تكييف؟ - انشر الموضوع فى :

-

-

-

المواضيع المتشابهه

موتور بولو 99 1000 سىسى للبيع بالاسكندريه

ارجوكم مساعدة فى الار بى ام فقط ال 1000 سىسى

اى العربيات الصغيرة لحد 1000 سىسى او ما يقارب ؟

موتور الاونو و الفتيس يركب على 128؟

سيريون الجديدة 1000 سىسى ب 70000

الكلمات الدلالية لهذا الموضوع

المفضلات

المفضلات

ضوابط المشاركة