الدليل الشامل لاماكن تواجد البنزين 80 في القاهرة الكبرى ..................

**dr_abooody** · 08-03-2009 11:41 PM

السلام عليكم

حبيت اعمل الموضوع دة عشان الواحد بيتعب عشان يلاقي البنزين 80 دة

يا ريت كل واحد يعرف مكان بنزينة فيها 80 يقول عليها و يحدد مكانها

انا عن نفسي هبدأ ب 3 بنزينات

المعادي
1- و انت رايح على البساتين في بنزينة موبيل هتدخل من عندها هتلاقي جوا في بنزينة مصر للبترول ....بس دة قليل التواجد فيها

2- البنزينة التانية دة معظم الوقت بيكون فيها عشان في حتة مقطوعة
لما تاخد طريق الخيالة اخرة تدخل شمال هتلاقي بنزينة مصر للبترول
عند قسم البساتين كدا

3- زهراء مصر القديمة

عندك بردو بنزينة مصر للبترول و انت كأنك رايح على الدائري بعد ما تسيب بنزينة التعاون اللي على الكورنيش تدخل كدا من جنب كوبري

**Terrible_DaRsH** · 08-03-2009 11:52 PM

موبيل فى شارع رمسيس بس مش كل الوقت ..
وفى بنزينة على ناصية الشارع اللى قبل 26 يوليو .
وفى واحدة فى ميدان الجيش .
دول اللى اعرفهم .

**ahmed1981** · 09-03-2009 12:03 AM

شرق القاهرة:
1- بنزينة التعاون بشارع جسر السويس بجوار شارع سنان
2- بنزينة التعاون بميدان حلمية الزيتون
3- مصر للبترول بميدان سفير
4- مصر للبترول بميدان روكسي
5- التعاون بألماظة
6- مصر للبترول بشارع سليم بعد العزيز بالله
7- مصر للبترول بشارع عين شمس قبل النعام
8- التعاون بالمطار
9- شل بشارع السواح بعد بسكو مصر
10- التعاون بالتجمع الخامس

لو إفتكرت حاجة تانية هعترف على طول

**moudy88** · 09-03-2009 12:13 AM

في واحده في اخر شارع شبرا تقريبا محطة مصر ناحية الخلفاوي غالبا بيبقى فيها 80
ومحطة التعاون في شارع مصر والسودان (من ازحم المحطات في مصر )
وواحده تعاون في عزبة النخلقبل ماتطلع الكوبري اللي بيودي على المرج
ومحطه التعاون على مدخل مدينه قليوب على الطريق السريع وفيها 80 عالطووووووووول

**ابوهاشم** · 09-03-2009 12:43 AM

شكرا جدا ليك على طرح الموضوع الهام ده خصوصا اننا بنتعب فعلا على مانلاقى ال80 على العموم انا دلوقتى بمون من بنزينة مصر للبترول
اللى فى زهراء مصر القديمه وى موجود فيها باستمرار
وكنت بمون من بنزينة مصر للبترول اللى فى ميدان روكسى بس دى بطلو يجيبوه نظرا لازدحام المكان

**bishoy02010** · 09-03-2009 01:18 AM

البنزينات المتواجد بها فى منطقة حلوان و 15 مايو والمعصرة و صقر قريش :)

فى مايو
بنزينة oilbedya على الأوتوستراد بس مش موجود على طول
وفى حلوان
البنزينة الى بعد القسم القديم الى فى شارع منصور
بنزينة مصر للبترول اللى فى النصية اللى قبل شارع رايل
و ساعات موبيل بردو اللى على نصية رايل بيكون فيها
ومصر اللى عند ركن فاروق ساعات بيكون فيها
و موبيل اللى على الكورنيش عند المعصرة بيبقى فيها
ومصر للبترول امتر واحدة فيها اللى تعتبر قدام الوطنية اللى على الأوتوستراد اول داخل على النصية دية بتكون على طول فيها
ووطنية اللى على الأوتوستراد قدام مدخل بيكون فيها 80 و دية انظف واحدة فيها
وشيل على الأوتوستراد قدام صقر قريش