عرض للطباعة
ارجو المساعدة يا شباب
انا عايز ابيع عربيتى ومواصفاتها كالتالى
لانسر 99 عادى - تكييف وبارور وجنوط وانذار وسنترلوك
وحالتها جيده جدا وعامله 120 الف كيلو
والحقيقة مش عارف تمنها ممكن يكون كام ؟
فى نفس الوقت عايز اشترى فيتار 4 باب اتوماتيك بشرط تكون بحالة الزيرو يعنى تكون عاملة فى حدود 10 الآف كيلو
أو
تيريوس 4 باب اتوماتيك وبحالة الزيرو أيضا
الرجاء النصيحة وأكون ليكم شاكر
هى تعمل من 50 - 55 على حسب حالة العربية ، ربنا يكرمك ويحسنلك بيعها :)
تسلم يابو سيف وشكرا على ردك السريع
المهم دعواتك الاقى اللى انا نفسى اشترية :)
قبل ما تبيع حاول تستقر الأول على اللي هتشتريه لأن إختياراتك محدودة و وصعب تلاقيها بسرعة و كمان الفيتارا ال 4 باب غالية فهيبقى فيه فرق كبير في السعر..
و التريوس مش كل الألوان بتبقى حلوة عليها و فيه ألوان صعبة في البيع
فعلشان كده..
استقر الأول على العربية اللي هتشتريها و اتفق كمان مع البائع و عربيتك ان شاء الله بتتباع بسرعة.
و ربنا يوفقك
ياريت تقول احتياجاتك ميولك علشان نقدر نفيدك
شاكر جدا لكل ردودكم واهتمامكم
أنا احتياجاتى بشكل مختصر
عربية عالية عن الأرض (ليس شرطا أن تكون 4*4 )
اتوماتيك
مش مهم السى سى
4 باب
تكون مريحه وناعمة فى القيادة
زيرو أو بحالة ممتازة
يكون سعرها فى حدود 160 الف جنيه
أنا طبعا بحب الشيروكى جدا لكنها غالية (فى حدود معلوماتى)
والفيتارا كمان غالية قوى
تقريبا مش شايف الا التريوس
أيه رأيكم دام فضلكم
:oops:
لو حضرتك تقصد التريوس الشكل القديم مش هتتبسط منها عشان هتحس بفرق وسع داخلي كبير بنها و بين اللانسر
لو الشكل الجديد اعتقد إن فرق السعر هيبقي كبير عشان لسه نازلة
اظن التيريوس في الحاله دي افضل اختيار. سعر الفول اوبشن 4*4 زيرو 130500
جزاكم الله خيرا
يبقى نتوكل على الله ونشترى تيريوس فول اوبشن
وده هيكون خلال شهر من الآن ان شاء الله لظروف سفرى خارج مصر حتى نهاية سبتمبر
ولو حد من حضراتكم أحب ينصحنى أو يوجهنى لشئ
اكون شاكر جدا
موبايلى : 0123227454
melbanna2000@gmail.com
يا ريت حضرتك لما تنوي أنشاء اللة تقولنا مواصفات اللانسر اللي معاك وطالب فيها كام جايز ربنا يكرم وحد من المنتدي هنا يشتريها
التريوس الفول اوبشن مش ب 130500 لا ب 137500
:( :( :(
انا محتاج اللانسر بشرط الحالة الممتازة لكنى مستعجل
أعتذر لك أخى الكريم
لن استطيع بيع اللانسر الآن - يمكن يكون على آخر الشهر ان شاء الله
لية زميل فى العمل نصحنى مجبش التريوس علشان مش ثابتة على الطريق بعد ال 100 وتخيل عربية بحجم التريوس متورها 1500 متور اقليل اقوى على عربية كبيرة كدة
لو البدجت معاك لحد ال 160 الف انصحك بالشيروكي موديل 2000
روعة موتور واداء وسعر اعادة بيع وقطع غيار موجودة جديد ومستعمل
موتور محترم 3700 سي سي
وممكن كمان تدور في لاند روفر تسعينات بتلعب في نفس الرينج ده حسب الحالة
عربية محترمة انجليزي مايختلفش عليها اتنين موتور 8 سلندر هيا عيبا الوحيد سفاحة بنزين
دي العربيات الجيب اللي يدفع فيها مش تقولي تيريوس
وممكن كمان تشوفلك لاند كروزر 94 كفاية انها تويوتا
بس افلهم سعرا وجودة واداء واعادة بيع شيروكي
صباح الفل يا عم كريم
انت زى ما تكون بتقرأ أفكارى والله
أنا بفكر دلوقتى فى الشيروكى موديل 2000 أو 2001
أغلب الناس بيخوفونى منها على أعتبار انها ناشفة ومتعبة وقطع غيارها غالية وبنزين بالهبل
واحد بس اللى قاللى انها اختيار مناسب جدا
أنا ممكن ارفع البادجت شوية لأنى كمان لما رحت المصرية واتفرجت على التيريوس لقيتها عربية صغيرة وشكلها مش برستيج شوية
يعنى بناتى أكتر
وانا محتاج عربية شكلها برستيج وجامدة تتناسب مع الشوارع المصرية والميكروباصات
لكن كمان تكون مريحه من جوه للى راكبها وبيقضى فيها يجيى ساعتين كل يوم تقريبا
لو عندك تجربة مع الشيروكى ياريت نتواصل
0123227454
محمد البنا
خالص تحياتى