الموضوع: للبايع ...الحق بيع لو هاتفرط ؟!! للمشتري صاحب القرش صياد بس اللقطه تستاهل !!

بصراحه انا عندي رؤيه يمكن بعضكم يوافقني عليها او البعض التاني يكون ضدي بصوا ياجماعة انا شايف ان الآراء متضاربه على الأخر والكلام كله مبني على تكهنات واراء تلفزيونات وجرايد تعالوا معايا نشوف الكلام في الفتره اللي فاتت السوق ثبت كعمليات تجاريه تبادليه بالبلدي البيع والشرا ثبت يمكن قل عن اي موسم سابق ودا انا في راي انه له سببين او 3 اسباب مش اكتر
1-الأزمه العالميه0000دي الأساس هي اللي وقفت كل حاجه0
2-اننا في في موسم شتا ومعروف ان مبيعات السيارات سواء سوق الجديد او المستعمل بيقل بدرجه كبيره نوعا ما ممكن نسميها ركود مؤقت0
3- البلبله في الكلام وتضارب الأخبار والأشعات المغرضه وهي دي اساس النيله اللي احنا فيها دلوقت
اولا الناس اللي تقلك ماتشتروش لان الأسعار هاتقل انا شايف ان كلام دا معقول و في نسبة صحه كبيره ودا بسبب اننا مش شايفين ان في حاجه نزلت بالبلدي مافيش فرق عن السابق كبير ليه ؟ لانهم ماعرفوش يزبطوا الأداء .
اولا: مسكوا في حاجه اسمها انخفاض سعرالعمله وارتفاعها وهي دي الأساس في التحكم في سعر السيارات مثلا اليورو سعره انخفض ماشفناش للكلام دا تأثير واضح على العربيات الألماني في وقتها مع ان الوكيل ملزم انه يخفض اللي هايقولي نزلت هارد عليه اقوله اوكيه بس مش فرق كبير بردك لسا ماوصلناش لمرحلة ان الواحد يشتري عربتين بسعر عربية بالعكس بقى شماعه لتعليل زياده اسعار العربيات الياباني بحجة ان سعر الين ارتفع وطبعا الوكيل رفع السعر(ودنك منين ياجحا)
تاني حاجه : كلام غير معروف مدى صحته ان الجمارك نزلت 30%-40% المعلومة دي بوزت الدنيا وزيطه بقى والكلام اشتغل من ناحيه سعر العمله انخفض لا دا ارتفع ومن ناحيه الأزمه العالميه واللي سببته للشركات الأم المصنعه للسيارات هاتفلس لو الحكومات ماتدخلتش وانقذتها زي الشركات الأمريكيه زي فورد وجنرال موتورز و الأوروبيه زي اوبل والمقابل لهذا الكلام ان ان السبب الأزمه الماليه العالميه هي السبب اللي ادت الى الأستغناء عن العماله والموظفين وبالتالي عندنا عمالة وايدي عامله اقل الي هايدينا نتيجه سيارات اقل وبسعر اعلى عشان يعوضوا الخسائرويصرفوا على اللي عندهم بس خدوا المعلومه دي من فم احد الوزريين مش متذكر بصراحه محمد رشيد او وزير الماليه يوسف بطرس غالي وتقريبا هو الأخير ان جمارك السيارات بتنزل تدريجيا 10% كل شهر ديسمبر من كل سنه لحد ما توصل انها بتتباع زيها زي مابتتباع برا مصر او لحد سعر يقارب سعر بلد المنشأ.
تالت حاجه : ودي انا راي اهم حاجه وهي ان كل واحد فينا واخد الكلام اللي على هواه او اللي عاجبه بالبلدي الكلام اللي يخدم مصلحته سواء بائع او شاري البايع خسران خسران مافيش كلام بالذات في سوق المستعمل لان استحاله سعر اي عربيه في الوقت الحالي او القادم يجيب السعر اللي كانت جايباه في شهر 7 او 8 / 2008 دا بالنسبه لسعرسوق السيارات المستعمل ياجدعان قبل حرب العراق سعر برميل البترول كان في حدود الأربعين دولار وبيتزايد لغاية ما وصل 130 دولار يمكن عدا ال 130والحديد الطن شوف بقى بكام ووصل لكام من 2500 الى 9000والأكل والشرب وكل انواع السلع والخامات الغذائيه والصناعيه وقبل ما بوش يمشي ويجي واحد يحط السلام في المنطقه واللي هو اوباما هوبا دروب هبوط حاد في كل الأسعار طبعا الكلام دا مش عندنا يجدعان دي لعبه كبيره واحنا الكوره وهم اللاعيبه .حديد نزل خامات صناعة السيارات نزلت والبترول نزل انا راي ان دا بسبب رحيل بوش وانهم شفطوا العراق من البترول وجابوا اخرهم منها ازاي يشفطونا ايه اللي ليهم عندنا غير الأكل والعربيات فيقلك ايه تسريح العماله =انتاج اقل=فلوس اكتر (امال ازاي يشغلوا نفسهم يبيعوا قطع غيار بنفس السعر مع ان الخامات قلت اسعارها والعماله قلت + يصنعوا سيارات اقل وبتكلفه اقل لهم سواء خامات او عماله وبنفس السعر الغالي واللي عاجبه الحنه يتحنن) المهم لنا الله بس انا انصح لكل من البائع والمشتري انه بشوف العمليه من زاوية تانيه لو الأسعار نزلت فعلا واستقرت مايندمش لانه شامل لكل انواع السلع ودا الطبيعي والمشتري بردك انا انصحه بالتاني الصبر لازم يجيب نتيجه وصاحب القرش صياد .
انا بعتذر للاطاله بس انا حبيت اقول راي ويريت الاقي تجواب وردود على كلامي .

بس أه ياباشا الموضوع الجامد ده
وكل الى ألته صحيح فعلا وبالتوفيق انشاء اله بانتظار مواضيع جديدة

المشاركة الأصلية كتبت بواسطة ابو فرح

كلام مظبوط جدا بس للى يفهمه وياخد بيه

كارل ساغان: من أتعس دروس التاريخ: إذا كنا مخدوعين لوقت طويل، فإننا نميل إلى رفض كل دليل على أننا خدعنا. الخدعة سيطرت علينا. إذا سلمت نفسك للساحر، فإنك ،على الأرجح، لن تستطيع التخلص منه أبداً.