استفسار بخصوص الدبرياش

**waleed_home** · 09-03-2009 10:46 AM

يا جماعة انا عندى العربية سحبها كويس و تعشيق الفتيس سهل و بدون مشاكل ملحوظة بس فيه حاجة غريبة ملاحظها !
لما بتكون العربية واقفة وادوس دبرياش بحس ان صوت الموتور بيهدى ويصبح انعم بكتير ولما اسيب الدبرياش بلاقى صوت الموتور بيعلى شوية ويذداد خشونة ؟
مع العلم ان السيارة 2002 وعاملة 60 الف كيلو ولم يتم تغير اى حاجة فى الدبرياش .

**samirayad** · 09-03-2009 12:48 PM

ولما اسيب الدبرياش بلاقى صوت الموتور بيعلى شوية ويذداد خشونة

_ العيب ده مش حيخرج عن حاجه من الأثنين دول

1- ضعف فى سوستة تعشيق الدبرياش............

2- وش الحدافه (الفلام ) مش مظبوط شويه.....

وممكن تجرب حاجه كده الأول (على الدواسه حاجه بسيطه جدا ...وحدد الوضع علشان لو حبييت ترجع للوضع القديم تانى )

**waleed_home** · 09-03-2009 01:02 PM

اولا اشكرك على الرد يا بشمهندس سمير

بس هل يوجد ضرر لو تناسيت الصوت ده ومشيت بالعربية عادى لحد ما اغير طقم الدبرياش عند انتهاء عمره الإفتراضى .
وكنت عاوز اعرف اذاى اعلى الدواسة

**samirayad** · 09-03-2009 01:13 PM

اولا اشكرك على الرد يا بشمهندس سمير

يا أخى أحنا تحت أمرك

بس هل يوجد ضرر لو تناسيت الصوت ده ومشيت بالعربية عادى لحد ما اغير طقم الدبرياش عند انتهاء عمره الإفتراضى

ممكن تتناسيه حاليا....لحد عمرة الدبرياش طالما السحب كويس

وكنت عاوز اعرف اذاى اعلى الدواسة

هو الهدف من تعلية الدواسه شويه (تخفيف ضغط الزيت داخل الخطوط )....وندى فرصه شويه للسوسته بتاعة تعشيق الدبرياش... تعشق كويس وبكفاءه أعلى من الحاليه......وفيه مسمار بكنتره بيتبوش شويه بعد حل الكنتره (لرفع الدواسه حاجه بسيطه جدا للهدف اللى قولتلك عليه )....وأهى تجربه وجرب بعدها السحب (لو تمام ) يبقى خير وبركه ....لو السحب أتأثر معاك (ممكن ترجع للوضع الأولانى عادى )......بس ياريت تخللى ميكانيكى كويس يجربلك الموضوع ده ( لعل وعسى ) وأن شاء الله خير