رزعت واحد بالعربية (واعتذرلى)!!!
انا أعترف إنى كنت ماشى بسرعة شوية
كان معايا عربية مازدا 323
فجاه لقيت واحد طالعلى من اصاد العربية اللى جنبى وبيعدى الشارع وباصص الناحية التانية وهوه ولا هنا بيعدى الشارع وخلاص
مرّة واحدة رزعت الباشا اتنطر على زجاج العربية الامامى كسرلى الزجاج
الواد طار واتكوم على الارض
انا قلت خلاص الواد ده شكراً
نزلت من العربية مأولكوش بأه على تعليقات الناس ماصدقو جنازة ويشبعو فيها لطم
المهم جريت على الواد الحمد لله وحدة وحدة ابتدى يقوم على رجليه بس دماغو حصل فى ارتجاج بسيط من اثر الخبطه( نظام انا فين انا مين)
روحت اخدتو معايا فى العربية اول اما ركب فوجئت بيقولى ( انا اسف انا اللى غلطان )معلش انا كنت بعدى الشارع وسرحان وماكنتش واخد بالى
وقعدت اعتزرلو وحصل خير مفيش حاجة وطبعاً كانت رخصى مسحوبة من امناء شرطه اضطريت ارجعلهم بالواد تانى بعد اما عالجتو وقولتلهم الراجل اهو مفيش اى مشكلة بالنسباله اخدو قرشين وادولى الرخصة