انا قريت مشاركتك ديه فعلاً اكتر من مره... بس ماوصلتش للتكيهات فيها...
معلش هي التكيهات ديه اللي هي الكامه ولا حاجه تانيه...
عرض للطباعة
انا قريت مشاركتك ديه فعلاً اكتر من مره... بس ماوصلتش للتكيهات فيها...
معلش هي التكيهات ديه اللي هي الكامه ولا حاجه تانيه...
التاكيهات هى الجزء اللى أخونا المهندس / محمد مختار ....... موضحه فى الصوره ومكتوب عليها lifter & cam follwer .....ودى بتسمى توابع كامات عمود الكامه.....وفى الرسم بيتم ضبطها آليا بواسطة زيت المكنه وفيه أنواع تانيه بتظبط بواسطه مسمار رجلاش ( وده النوع اللى الصنايعيه بتظبط الخلوص بتاعه بين أقصى قمه للكامه وساق الصباب بواسطة الفيللر )...........وبيتم ضبط التاكيهات سواء النوع الهيدروليكى (آليا )....والنوع الميكانيكى (يدويا)......بهدف ضبط زمن فتح وغلق الصبابات ( وعلشان كده العمليه دى بنسميها توقيت الصبابت valves timing )............أتمنى تكون الأمور دلوقتى أتضحت ولو ليك سؤال تانى أتفضل قوله....................
يا جماعة انا رحت للميكانيكى النهاردة بقلة عايز اغير بلوف الصمامات قالى يعنى إيه شمال يمين قالى طقم شنبر يا عم انا مش عايز طقم شنبر اعمل الصمامات قالى اعملك فيها إيه ... قلتلة طب لو هنعملها هنطلع الموتور ولا و هوة راكب قالى لالالالا هنفكة برة فشكلة مش فاهم ما علينا حضرتك تعرف حد كويس فى الموضوع ده وقبل مروحلوا اشترى صمامات جديدة من عند بتوع قطع الغيار ولا الموضوع كبير ولا إيه النظام !!!!
انا الموتور عندى بياكل زيت فى حالة واحدة انى احرق على الغيارات و مبيطلعش دخان من الشكمان هوة من ال الخرطوم اللى بيوصل باكربياتر بيطلع دخنة لما بكبس بنزرن ولما بفتح الغطا بحس بضغط هوا كدة لكن السحب عادى جدا والشكمان مبيطلعش دخان و ممكن مخليش الزيت ينقص لمدة 1000 كيلو مثلا بس فى حالة انى امشى طبيعى وممكمن اخلى مفيش زيت لو حرق لمدة 1000 كيلو بردة !! أعمل إيه ؟
طيب ماتستعمل العربيه بهدوء وبلاش تحرق على الموتور .....وأنقل بدرى شويه طالما العربيه سحبها حلو كده زى مابتقول......وده حل كويس ......لأنك لو أستمريت فى الحرق ممكن تفوت المكنه منك
ياباشا أنت تأمر.............اقتباس:
شكراً باشمهندس سمير...
منا معنديش خامس اصلا و على الرابع بعد ال 120 بيبتدى الموضوع ده فمينفعش استحخدمها بهدوء حتى لو حصل الكلام ده فى الأول والتانى والتالت بس فى الرابع مينفعش وتلت تربع الطرق اللى بمشى فيها سريعة فعايز حل للموتور !! إيه الحل هوة موضوع اللى انا بقولة ده لية علاقة بصوت المكنة انة يبقى عالى ؟؟؟
جزاكم الله خيرا
شكراً للمهندس سمير و المهندس محمد مختار و المهندس محمد ممدوح
موضوع مهم و مفيد جداً , و شكراً لكل من ساهم بمعلومة فى هذا الموضوع المهم.
بس ليا سؤال بسيط:
هو الحرق بيأثر على الماتور و لا على الفتيس بالأكثر؟
شكراً
طبعا مفيش شك أن الحرق على الغيارات ........بيعجل بعمر المحرك على وجه الخصوص لأننا فى هذه الحاله عاملين حمل عكسى بالفتيس على المحرك......وبالطبع ده بيعجل بظاهرة التفويت وبالذات من خلال شنابر المحرك......والحمل العكسى ده قادم من الفتيس وبكدا بيتضح أن الأمر ده غير طبيعى ........وأى حاجه غير طبيعيه مصيرها معروف (وهو أقتراب نهايتها ).......................وطبعا دى وجهة نظرى الشخصيه والباب مفتوح تحت شعار ( الأختلاف فى وجهات النظر لا يفسد للود قضيه )........لأن أكيد حنلاقى آراء مختلفه ودى شيمة الطبيعه البشريه ( وهنا بقه كل واحد بيختار الأقرب من مدى أقتناعه ........معلش على التعليق ....بس حبيت أسد الثغرات )
الحته دى من كلام أخوناbishoty بتشير الى زيادة ضغط الغازات فى غرف المحرك عن الوضع الطبيعى فى حالة الحرق على الغيارات............وطبعا كده بتدعم وجهة نظرى....(ودى تجربه عمليه اهى قدامنا )اقتباس:
انا الموتور عندى بياكل زيت فى حالة واحدة انى احرق على الغيارات