يا جماعة أنا قررت اجيب جولف....بس انا مش عارف الموجود في مصر 5 ولا 6 موديل 2009؟
وايه هي 5 tsi؟
وسمعت ان في 6 بس خليجي, هل المعلومة دي صح؟
وايه ال اوبشن بتعهوم واسعارهم؟
ياريت لو حد عارف ممكن يساعدني
عرض للطباعة
يا جماعة أنا قررت اجيب جولف....بس انا مش عارف الموجود في مصر 5 ولا 6 موديل 2009؟
وايه هي 5 tsi؟
وسمعت ان في 6 بس خليجي, هل المعلومة دي صح؟
وايه ال اوبشن بتعهوم واسعارهم؟
ياريت لو حد عارف ممكن يساعدني
الى من التوكيل دلوقتى 5
ال Tsi دية بتبقى تقريبا بابين و المحرك 1400 سى سى تربو
انا رأى استنى 6
tnx for ur attention
عايز رايي يا vox
لو ليك اي حد في السعوديه او في الخليج اشتري جولف 6
هي سعرها ريال82000
comfort line
وجمركها 70000 جنيه
يعني تقريبا 190000 جنيه,,على فكره انا حجزت واحده من هناك وإن شاء الله اسبوع او اتنين بالكتير واستلمها ولو عايز اي معلومات عنها قولي
مليون مبروك مقدما يا شباب احسنتم الاختيار :S_thum1[1]:
انا عندي سؤال من فضلكم ايه رايكم في الجولف 4 من كل حاجة موتور 1400 كويس ولا قليل و الثبات ... الخ
يعني ايه اقوى المميزات و العيوب لاني ناوي ان شاء الله اجيبها و يهمني رأي الناس الخبرة ...
بصراحة الموتور ال 1400 دة مش حيخليها تجرى خالص و كمان اسمع من المواقع ان فية شوية مشاكلاقتباس:
انا عندي سؤال من فضلكم ايه رايكم في الجولف 4 من كل حاجة موتور 1400 كويس ولا قليل و الثبات ... الخ
بالنسبة للثبات الجولف معروفة ان ثباتها ممتااااااااز
شوف يا سيدي الجولف 4 عربية لا غبار عليها..
موتور 1400 - جيد جداً لو حتسوق العربية واحدة ست أو لو راجل كبير في السن ومعندوش اندفاع الشباب.. غير كدا فهو موتور ضعيف عليها.
وعلى الرغم من كده، الموتور ال 1400 بتاع الجولف ده هايل وتكاليف صيانته رخيصة والكل بيشتغل فيه وحاجته تقدر تلاقيها أصلي من غير متتعب نفسك.. عيبه إنه بوابة عادة مش كهرباء ودا معناه انك قد تحتاج الي تغيير بوابة الموتور من فترة لأخرى ودا راجع نتيجة سوء التشغيل مش أكتر.
الجولف 4 ليها تشكيلة مواتير هايلة
من 1400 لحد 2800
منها التربو 4 سلندر
ومنها 5 سلندر
ومنها 6 سلندر
من وجهة نظري، افضل المواتير هة 1800 تربو ودا 150 حصان ودا اعتقد انه متوفر كتير في السوق..
طيب لما تشتري تشتري إزاي؟
لو انت ناوي تسقط موتور، يبقى تدور على عربية موتورها بيخلص بس شاسية نضيف ومش رشة لا جوه ولا برة وساعتها حتاخد العربية بسعر كويس
لو انت مش ناوي تسقط موتور، يبقى حتدور كتير لحد متلاقي عربية نضيفة وحتدفع طبعاً أكتر.
لو كنت حتسقط، حط في حسابك الحاجات دي ومتسبش حاجة منهم علشان تتمتع بسواقة العربية:
لازم تاخد:
1. الموتور + الفتيس
2. بالضفيرة بتاعة الكهرباء بتاعته - ونصيحة متخدش ضفيرة بتاعة دركسيون يمين
3. عفشته كاملة ورا وأدام
4. علبة الدركسيون
5. الشكمان وإوعى متغيرش الشكمان
غير كدا بقى حتلاقي كماليات أصلية بالشوال
مخدع إيد
كاسيت وسي دي
زينون أصلي
تارة مالتي فانكشن
جنوط
كراسي ريكارو
نافيجيشن
وحاجات كتير بصراحة العربية لو فضلت تتكلم عليها لحد بكرة مش حيكفي
جدول الصيانات:
كل 50 ألف - طقم سيور وبلي
كل 20 ألأف فلتر هواء وزيت باكم وزيت فتيس وتيل فرامل أمامي وفلتر الهواء وسائل التبريد وزيت الباور
كل 10000 زيت وفلتر
كل دخلة صيف وشتاء تغير فلتر التكييف
الزيت: تخليقي مفيش زيت معدني
سائل التبريد Hepu G12
زيت الباور: الأصلي لونه أخضر أو الأمريكي لونه أبيض وإوعى تستعمل زيت باور بتاع محطة البنزين الي لونه احمر علشان متندمش
زيت الفتيس مواصفاتية 80sae 90
زيت الباكم Ate Dot 4
تيل الفرامل Ate
متتعاملش مع أي حد تاني بتاع قطع غيار غير أشرف الشهابي وعنوانه:
مصر الجديدة
تقاطع شارعي بيروت مع دمشق
الجهة المقابلة لبنك عودة
والمحل اسمه الشهابي
لو حابب تتعامل مع اي حد تاني برحتك بس ده الوحيد الي عنده قطع غيار اصلية مش مضروبة ومحطوطة جوة علب فولكس
ميكانيكي انت وراحتك الكويسين معروفين
كلمة أخيرة: تمشي العربية على الكتاب عمرك متشوف يوم عذاب، حتمشيها بمزاجك استحمل الي يجرالك
وسلام مؤقت
اتمنى اكون افدت حضرتك ولو عايز اي حاجة لا تتردد