أنا عايز اعرف اي معلومة عن البولو 2005 ... ياريت اللي يعرف عنها اي معلومة سواء كانت كويسة او غير كويسة يقولي عليها
أفيدوني بمعلوماتكم أفادكم الله
مستني ردودكم و نصائحكم عليها
عرض للطباعة
أنا عايز اعرف اي معلومة عن البولو 2005 ... ياريت اللي يعرف عنها اي معلومة سواء كانت كويسة او غير كويسة يقولي عليها
أفيدوني بمعلوماتكم أفادكم الله
مستني ردودكم و نصائحكم عليها
عاملة كام ألف؟
علشان اديلك دليل التشغيل والصيانات واوديك عند واحد فاهم
عاملة 75000 كم
تنصحني بإيه بالنسبة لها .. ايه الزيوت اللي احطها .. صيانتها امتى و فين
- تيل فرامل أمامي بحد أقصى كل 20 ألف أو حسب استخدامك
- فلتر هواء وبنزين كل 20 ألف
- يفضل بنزين 95 بس ممكن 92 مع انخفاض الأداء وكدا كدا انت مش حتاخد ال 78 حصان علشان دول مش يطلعوا من الموتور الا لو حطيت 24% من التانك كحول (مواصفة برازيلي)
- فلتر زيت كل 10000 كيلو
- ارشح زيت إمارات مصر وبعده شل وطبعاً موبيل لأ وزيت تخليقي مش معدني
- طقم دبرياج كل 80 الف كيلو
- بوجيهات اصلية 3 شمعة كل 20 ألف متستعملش بوجيهات تانية غير Ngk ومتجبهاش من عند حد غير أشرف الشهابي.
- الزوايا تظبطها كل 3000 كيلو عند أي مركز من مراكز بريدجستون فقط
- طقم سيور وبلي وكاتينة كل 50 الف
- زيت الفتيس كل سنة وتستعمل زيت إسو 80sae 90 وإوعى تستعمل اي زيت تاني.
- زيت الباكم كل سنة واستعمل Ate Dot 4
- زيت الباور كل سنة وتستعمل الزيت الأصلي الأخضر (حوالي 100 جنيه) أو الأمريكي ابيض اللون (حوالي 75 جنيه) وإوعى تستعمل زيت محطات البنزين الأحمر وإلا تدمر علبة الدركسيون.
أظن دي الحاجات العادية
نسيت
سائل تبريد G12 الأصلي (اللتر بحوالي 125 جنيه) أو Hebu (اللتر حوالي 50 جنيه)
إوعى تستعمل ماء مقطر أو ماء أخضر أو أي نوع تاني مهما كان مكتوب عليه انه مطابق للمواصفات
طيب معلش اعذرني علشان انا معلوماتي بسيطة في العربيات
اعرف ازاي القطع الأصلية من غيرها
و اجيبها منين .. و ياريت تقولي التوكيل فين ؟؟
هو انت عايز تعمل العربية في التوكيل؟
قطع الغيار الأصلية تجبها من عند أشرف الشهابي بس
مصر الجديدة
تقاطع شارعي دمشق مع بغداد
الجهة المقابلة لبنك عودة
المحل اسمه الشهابي
دا الوحيد الي عنده قطع غيار أصلية - أي حد تاني يقولك دي أصلي متصدقهوش ولو جبت حاجة من حد غيره وقالك اصلي انت الي تتحمل المخاطر
كل الحاجات الي قولتلك عليها قبل كدا حتلاقيها عند أشرف الشهابي
طيب و تغيير القطع عنده برضه و تغيير الزيت و كل اللي انت قلت اني اغيره عنده هوه ؟؟
أشرف الشهابي دا تاجر قطع غيار مش مركز صيانة
انت ساكن فين؟