أعمل أيه سيراتو ولا فورتي

يا شباب أنا كان معاية برايد و بعتها عشان مستنية الفورتي و حصل ظروف كدة و و عرفت إنها ب-١١٥ ار ١٢٥

المهم السيرتو ادمي دلوقتي بدل ١٠٢ وصلت ٩٦
و بصراحة فرق مش قليل ٢٠ ألف جنيه د غير التأمين والترخيص يعني ٦٠٠٠ جنيه

أنا بصراحة معيش يخطي البلغ بس نفسي فيها و في نفس الوقت محتاجة عربية أنوي و أتوكل على الله ولا أجي على نفسي و استنى بس كدة مة عرفة استانة أد أيه

قلولي أيه الفرق بينهم و أعمل أيه محتارة

رأى استنى لأنها لما تنزل حتقول ياريتنى استنيت

رأيي برده تستني

تفرق كتير لما تكون عربية جديدة قدامها خمس سنين

عن عربية موديلها انتهي

و الله اعلم لما تنزل رسمي سعرها هيكون كام

الفورتى طبعا و زاى ما الاستاذ فهد قال هاتقول ياريتنى استنيت

شكراً للمشاركة

بس ال فرق مش كبير بينهم غير الشكل الخارجي
مش لأية حجة قوية أقنع بيها والدي إن فيها فرق كبير يستاهل ٢٥ ألف

لو محتاج العربيه ضروري .....أشتري السيراتو
لو تقدر تستني وتدبر المبلغ ....خير برضو
خد وقتك ف التفكير واستخير
وربنا يهديك للاصلح لك
ولما تخد قرار سواء السيراتو او الفورتي اوعى تبص ورا

الفورتى طبعا فى رأيي
وعلى فكرة موتور الفورتى مختلف تمام عن السيراتو
دا غير الشكل التحفة والصالون الجامد جدا
استنى شوية لما تعرفى السعر بتاع التوكيل كام
لو فعلا محتاجة عربية ضرورى هاتى سيراتو عربية جامدة جدا مفيش كلام طبعا

استني شوية و هاتي فورتي... أصل في واحد صاحبي اقنعني استنى الفورتي و نجيبها سوا بس شكلو هيغدر بيا و مش هيستنى... :N_no[1]:

استني الفورتي و ان شاء الله تنزل بسعر كويس عن اللي سمعناه..

صراحة كنت فى نفس الحيرة، بس انا اتكلت على ربنا و جبت السيراتو، اولا لان لحد دلوقتى محدش عارف معياد الفورتى، ثانيا علشان فرق السعر، و اخيرا علشان الفورتى محدش ركبها و عرفها علشان يتكلم عن تجربة

بصى على الفورتى الخليجى و لو فعلا عجباكى استنى ، لكن لو مش حاسه انه فى فرق يستاهل اتكلى على ربنا و عصفور فى اليد خير من 10 على الشجر

اقتباس:

---

المشاركة الأصلية كتبت بواسطة kareemhisham

الفورتى طبعا و زاى ما الاستاذ فهد قال هاتقول ياريتنى استنيت

---

+111111111:S_thum1[1]:

الفورتى طبعا وصدقنى مش حتندم:vctry:

قبل اى حاجه روحى اتفرجى عليها لو اقتنعتى و لو مبدئيا بشكلها (وهو احلى طبعا من القديمه) يبقى استنى عشان متندميش بعد كدا
بس المشكله انك لما تبقى هتدفعى 125 الف يبقى دخلتى فى فئه تانيه من الاسعار
زى البيجو 207 125 الف
البيجو 307 130 الف
الاسترا 130 الف
الامبريزا 130 الف
دا غير مازدا 3 و الكردوبا و الابيزا
صحيح فى منهم اول فئه بس عربيات افضل
وفى الاخر القرار ليكى

الفورتى ىىىىىىىىىىىىىىىىىىىى طبعا

اقتباس:

---

المشاركة الأصلية كتبت بواسطة blazer

قبل اى حاجه روحى اتفرجى عليها لو اقتنعتى و لو مبدئيا بشكلها (وهو احلى طبعا من القديمه) يبقى استنى عشان متندميش بعد كدا
بس المشكله انك لما تبقى هتدفعى 125 الف يبقى دخلتى فى فئه تانيه من الاسعار
زى البيجو 207 125 الف
البيجو 307 130 الف
الاسترا 130 الف
الامبريزا 130 الف
دا غير مازدا 3 و الكردوبا و الابيزا
صحيح فى منهم اول فئه بس عربيات افضل
وفى الاخر القرار ليكى

---

وكمان التيدا والايه فور والسيتى الجديدة ده غير الكورولا اللى بتبدأ من السعر ده واقل

thank you very much for shareing

but i think the price of the forte is very expensive