هل تعتبر الصنى ذات أستهلاك بنزين عالى نسبيا فى الاوتوماتيك بالمقارنه بمثيلاتها

**semsem8100** · 09-03-2009 10:23 PM

أرجو من كل من أستعمل الصنى الاوتوماتيك لفتره طويله المشاركه فى هذا الموضوع هل فعلا تعتبر الصنى أستهلاكها عالى فى البنزين لو قارناها بسيارات فى نفس فئتها -أحد الاعضاء بيقول أنها عملت معاه 150ك فى الصفيحه داخل البلد وبصراحه الموضوع ده مقلق جدا ولا بقى نفكر فى حاجه 1300 سى سى ونريح نفسنا وهل هيبقى الفرق كتير فى استهلاك البنزين أنا فى منتهى التخوف من هذا الموضوع .. أفيدونا وجزاكم الله خيرا

**sab3aawy** · 10-03-2009 09:14 AM

بالنسبة لى انا شايف استهلاكها معقول جدا، بمتوسط استهلاك 185كم/ص فى الزحمة
انا شايف انه معقول جدا لعربية اوتوماتيك 1600 2 كامة

ببساطة انا بقارنها بالماروتى اللى بعدى بيها جنب محطة البنزين الصبح تشم شمة تمشى بيها طول اليوم

لما بقضى الأسبوع بالماروتى بدفع 40 جنيه بنزين، يعنى 21.5 لتر، بيعملوا معايا حوالى 325 كيلومتر تقريبا يعنى بمعدل 300 كم صفيحة فى عربية 800 سى سى متور 3 سلندر كامة واحدة مانيوال

لما بقضى الأسبوع بالصنى بدفع 65 جنيه بنزين، يعنى 35 لتر،بعمل بيها نفس ال 325 كيلومتر لو طول الوقت ماشى فى الزحمة، يعنى بمعدل 185 كيلومتر فى الصفيحة ، انا شايف انه معدل معقول جدا لو خدنا فى اعتبارنا ان الصنى-ناهيك عن ان سعة محركها ضعف سعة محرك الماروتى ووزنها ضعف وزن الماروتى-فهى كمان اوتوماتيك واتنين كامة

**Bishoy.Girgis** · 11-03-2009 01:06 AM

علي فكرة يا سبعاوي معدلاتك اللي كتبتها دي مظبوطة بنسبة 100% لأن عربيتي بتعمل نفس المعدلات ديه (صني 2009 اوتوماتيك)

**atlas_u** · 11-03-2009 01:24 AM

المشاركة الأصلية كتبت بواسطة sab3aawy

بالنسبة لى انا شايف استهلاكها معقول جدا، بمتوسط استهلاك 185كم/ص فى الزحمة

واضح جدا يا سبعاوي ان استهلاك الاوتوماتك بزيادة ملحوظه عن استهلاك المانوال

فهل ورا دا حقيقة ميكانيكية؟؟؟؟؟

**amir** · 11-03-2009 01:32 AM

يا ريت بلاش ناخد حالات فرديه ممكن تكون راجعه لعوامل كتير زي طريقه السواقه و هل هي في زحمه خانقه ولا طرق سريعه و نعممها علي الجميع
و عندك الموضوع ده اللي بتمني يكون مرجع لكل من يرغب في شراء الصني
(و ياريت لو الاداره تثبته بدل ما كل شويه ادخل احط اللينك في المواضيع اللي بتتكلم عن استهلاك الصني)
http://www.nilemotors.net/Nile/showthread.php?t=62667