أول خطوة في المشروع الكومي لتدمير التعليم (إمتحانات الكادر)مش كادر أصدق هذه الإهانة!

**ahmed1981** · 10-03-2009 12:34 AM

أول خطوة في المشروع القومي لتدمير التعليم (إمتحانات الكادر)

أكيد أغلبنا سمع عن إمتحانات الكادر للمعلمين
وكثير منا له أقارب معلمين ودخلوا ذلك الإمتحان المهين

لمن لا يعرف
الكادر معناه هو مضاعفة مرتب المدرس بعد إجتيازه لإمتحان معين
ومن لم يجتز الإمتحان لا يحصل على مال

والفكرة جاءت بعد أن ثبت أن أهم أسباب تدهور التعليم في مصر هو أن المستوى المادي للمدرس من دخله الحكومي لا يكفيه ليشتري ملابس ليذهب بها للمدرسة
وبالتالي الحل هو رفع المرتبات

ولكن التطبيق لسبب ما أظن أن الغالبية تعرفه كان بتلك الطريقة المهينة
والمدرسين يذهبون لإمتحانات للحصول على لقمة العيش

رحم الله من قال: قم للمعلم وفه التبجيلا * كاد المعلم أن يكون رسولا

وهناك صورة للمكان الذي يوضع فيه إلتماسات المعلمين الراسبين !!

وهو المركز القومي للإمتحانات والتقويم التربوي بالمقطم

وكنت هناك لأقدم إلتماس لعمتي المعلمة منذ عشرين سنه وهي الآن بالدرجة الأولى وقد شالت مادة (لا حول ولا قوة إلا بالله)

ورأيت هناك مناظر تخجل
وإهانة المعلم هو العنوان لكل ما يدور حولي
ولا تظنوا أن الصورة لجمعية لبيع الفراخ
هذه صور إلتقطها لأسيادي المحترمين المعلمين وهم جالسين على الأرصفة يكتبون إلتماسات للرأفة بتاريخهم التعليمي الذي أهين
وأصبح الأب المعلم أو الأم المعلمة ساقطة وراسبة أمام تلاميذها وأبنائها:

لمذا كل هذا
لمذا هذه الحماقة في التفكير

كلنا نتذكر عندما أصر البعيد على بدء الدراسة بعد أجازة الصيف لمدة يومين ثم العودة لأجازة العيد ثم العودة لبدء الدراسة كلاكيت تاني مرة
حماقة مع مكابرة

والكادر الآن هو الحماقة بعينها كلاكيت ثالث مرة

يا بلد إذا أردت أن تحسني حال المدرس المادي فلا يكون ذلك على حساب كرامته

إخواني المدرسين
لستم أقل من سائقي النقل
ولستم أقل من عمال شركة مصر للغزل بالمحلة الكبرى
لا تسكتوا
إرفعوا قضايا وافعلوا كل ما في وسعكم لإلغاء تلك المهزلة المسماه بإمتحانات الكادر
في إطار الشرعية طبعاً حتى لا نكون دعاة ومحرضين على الخروج عن القانون

وإذا لم تكونوا كادرين على مواجهة حماقة إجراءات الكادر فلا تنتظروا مساعدة من سائكي النكل والمكتورة

**نور القمر** · 10-03-2009 12:39 AM

معظم قرايبي المدرسين رفضوا دخول المهزلة دي واعتبروها اهانة لكرامتهم
ولو المدرسين كلهم خدوا نفس الموقف من البداية كانوا قدروا يوقفوا المهزلة دي

**msobhy** · 10-03-2009 10:21 AM

فعلا انا مستغرب من ردود افعال الاعضاء
والدى رحمه الله كان مدرس لغة عربية (ابتدائى)
لو كنت تسأله فى اى شئ خاص باللغة العربية من اولى ابتدائى لغاية ثانوى كان بيجاوب بمنتهى البساطة
والراجل كان فى نظرى انه دائما مقصر
فى كل المراحل التعليمية اللى مريت بيها كان فيه مدرسين كنت راضى عنهم ومدرسين تانين لأ - لكن لما كبرت اكتشفت ان المدرسين اللى كانوا بيدرسوا ليه اجهل من دابه وبيقولوا اى كلام والسلام
حضرتكم معترضين على ان الاساتذه العباقره انهم يخضعوا لأمتحانات
والله احنا بلد زى الفل
لو حد فيكم بيدرس اى حاجة ل microsoft هيكتشف ان لها تاريخ صالحية وبعدها لازم يعيد الامتحان فى نفس الموضوع مره تانية لسببين
الاول التأكد ان الشخص لسه مؤهل فى الماده ديه
الثانى تزويد الشخص بالجديد النتعلق بالماده اللى درسها
ممكن حد يفهمنى ايه الاهانه فى واحد ليل نهار بيقول انه جهبذ وعلامه ومفيش زيه ونقوله اثبت كلامك / تبقى ديه اهانه
والله انا لو عندى وقت كنت كتبت اكتر من كده بكتير بس للأسف انا مش فاضى
وعلى رأى زميل فاضل
احترس البلد ترجع الى الخلف

الصبر

**human** · 10-03-2009 10:57 AM

انا ليا تعليق على العنوان
احنا بنتكلم على عمليه تعليميه و المدرسين نقوم نكتب الكومى!!
" أول خطوة في المشروع الكومي لتدمير----"

صباح الفل
يا ريت تطلب من المشرف تعديل العنوان

**ams** · 10-03-2009 11:20 AM

المشاركة الأصلية كتبت بواسطة ahmed1981

والكادر الآن هو الحماقة بعينها كلاكيت ثالث مرة

فعلا حماقة

المشاركة الأصلية كتبت بواسطة msobhy

ممكن حد يفهمنى ايه الاهانه فى واحد ليل نهار بيقول انه جهبذ وعلامه ومفيش زيه ونقوله اثبت كلامك / تبقى ديه اهانه

الاهانة ان الناس اللى محتاجه الكادر فعلا هى اللى بتتعذب لكن اللى بيدى دروس مش هتفرق معاه
زى ما تروح تصلى و تلاقى الشيخ بيقول انت لازم تصلى طب ما انا فى المسجد اهوه
او الدكتور فى المحاضره يقول للحاضرين انتو ما بتحضروش ليه ؟!

ده غير انه مينفعش السباك ياخد اكتر من المدرس

صحيح انه لازم يكون ملم بالماده العلمية و التربوية تماما لكن مينفعش تطلب ده منه فجاه و هو بيناضل عشان يلبى احتياحاته الاساسيه فى و سط بيئة تعليمية مليئه بالعيوب

المشاركة الأصلية كتبت بواسطة human12

انا ليا تعليق على العنوان
احنا بنتكلم على عمليه تعليميه و المدرسين نقوم نكتب الكومى!!
" أول خطوة في المشروع الكومي لتدمير----"

صباح الفل
يا ريت تطلب من المشرف تعديل العنوان

هو يقصد ده فى اطار السخرية
زى بدل ما تقول حكومه تقول ح-كوٌّمه

**human** · 10-03-2009 11:25 AM

اه عندك حق لانه كاتب بعد كده مش كادر اصدق

حقك عليا يا ريس

و صباح الفل برضه

**elassar2010** · 10-03-2009 01:10 PM

واية العيب ان المدرس يجدد معلوماتة ويمتحن وينجح او يسقط ؟؟؟؟؟؟؟
مش هما الى بيتنططو على الطلبة وخصوصا المدارس الحكومية وعاملين فيها ابو العريف وعارفين كل حاجة يورونا بقا هما عارفين ولا لا
اسف لو مخالف للاعضاء بس دة راى وخصوصا انى كنت فى مدرسة ثانوى حكومة وكانوا الاغلبية الى بيدخلوا عاملين ابو العريف

**amrico** · 10-03-2009 02:32 PM

نرجع تاني للموضوع بتاع إمتحانات الكادر

انا رأيي الخاص إن ياريت يبقى في إمتحانات في كل القطاعات
لأن مثلا المعلم إللي ساقط في الإمتحانات دي إزاي تخليه يعلم أولادك بعد كده؟
يبقي أكيد الأولاد هايبقوا مش متعلمين كويس
ويبقى في إمتحان كمان في طريقة التدريس، لأن مش معنى ان الواحد عارف شوية معلومات يبقى هايقدر يوصلها للطلبة
عندنا في الشغل(بشتغل مهندس بترول في شركة أجنبية) عشان تترقى لازم تعمل إمتحان مهما كانت سنين خبرتك، ولو أخدت دورة تدريبية لازم يبقى في إمتحان بعدها. ومحدش بيقول إن دي إهانة ولا يحزنون واللى فعلا بيسقط في الإمتحانات أو مش قادر يطور نفسه فعلا مالوش مكان في الشغل لأنه مش هايفيد المكان وممكن يعمل مشاكل بقلة علمه.

إللي بيرفض موضوع الإمتحانات دي في رأيي زيه زي إللي عاوز الناس تسوق من غير إختبار سواقة قبل الرخصة

وأسف للإطالة

==
عمرو
==

**ahmed1981** · 10-03-2009 02:55 PM

بالنسبة للمساجلات خارج الموضوع أتمنى من الإدارة حذفها

نرجع للموضوع:
ياريت الناس تفهمني
أنا مش قصدي إن المفروض ميكونس فيه تقويم للمعلم الجيد والمعلم الغير جيد
لكن أنا أتحدث عن الأسلوب
وسأضرب مثال:
هناك دراسة محايدة أثبت أن النسبةو العظمى من الحوادث في مصر سببها هو المقطورات الخاصة بسيارات النقل
لذلك تم عمل قانون لمنع سيرها خلال سنتين
أصحاب المقطنورات عملوا إضراب وأجبروا الححكومة على الإستجابة لطلباتم
رغم أنهم لا ينكمرون خطورة المقطورة
ولكن لتتعلم الحكومة أن كل قرار لابد أن يراعي كل الأبعاد

أرجع لإمتحانات الكادر
المفروض هو رفع مستوى المعلمين المادي اولاً
نرفع مرتباتهم
ثم نشدد من وظائف الموجهين لمحاسبة المدرس الغير جيد وحرمانه من حوافز معينة
والمدرس الجيد يأخذ حوافز لتميزه
هذا هو الطبيعي

لكن أن يحدث ما حدث بتلك الطريقة الهمجية
نرفع دخل المعلمين
خلاص نعملهم إمتحان والناجح يأخذ أكثر من ضعف المرتب زيادة والساقط يظل في مستوى مادى لا يعطيه كرامة العيش
ماذا ننتظر منه ؟؟

أتمنى أسمع ردود من السادة المدرسين فهم أقرب الناس للمشكلة

-

مشاهدة نتائج الإستطلاع: هل إمتحانات الكادر إهانة للمعلم

الموضوع: أول خطوة في المشروع الكومي لتدمير التعليم (إمتحانات الكادر)مش كادر أصدق هذه الإهانة!

LinkBack

أدوات الموضوع

عرض

أول خطوة في المشروع الكومي لتدمير التعليم (إمتحانات الكادر)مش كادر أصدق هذه الإهانة! - انشر الموضوع فى :

-

-

-

-

-

-

المواضيع المتشابهه

بالتفصيل والصور: كيف تقوي نور الفوانيس الامامية وتركب كتاوت خطوة خطوة (جميع السيارات)

شراء سيارة معاقين من بور سعيد أو إستيرادها من الخارج خطوة خطوة (للسادة المعاقين)

فك وتنظيف الردياتير وتغيير المبرد - خطوة خطوة بالصور

خطوة خطوة بالصور : تغيير وحدة صوت النيو سيراتو سي دي بوحدة 6 اسطوانات

أول خطوة في المشروع الكومي لتدمير التعليم (إمتحانات الكادر) مشاركات خارج الموضوع!

الكلمات الدلالية لهذا الموضوع

المفضلات

المفضلات

ضوابط المشاركة