تقرير مفصل عن السيايبا برايد بعد 2000 كيلو
ده تقرير مفصل عن السيايبا برايد بعد 2000 كيلو
اولا / المزايا
1-العربيه على المستوى العام جيده جدا
2-السحب ممتاز
3-العفشه اكثر من ممتازه
4-الصالون واسع جدا ل5 افراد متوسطى الحجم
5-استهلاك البنزين داخل البلد 265 الى 270 كيلو فى الصفيحه
6-الاتزان بالجنوط الاساسيه بتاعتها هايل لغايه 140 كيلو ومازتش عن كده
7-ارتفاعها عن الارض كويس قوى مع 5 افراد
8- الباور ممتاز جدا
9-الشنطه كبيره
ثانيا / العيوب
1-خامات الفرش متوسطه
2-خامات الابواب اقل من المتوسط
3- التبلوه عاجبنى بس فى العموم مش قد كده ازواق
4- الفرامل ممتازه بس صوتها غبى جدا
5- بعد تغير الجنوط باخرى اسبور لابد من تغير الكوتش كمان لان الاتزان عند ال100 وحش
6- تقفيل خام الشنطه من الموكيت سيئ
7- فوارق الابواب والشنطه انا مش شايفه عيب لان العربيه صناعتها كده وليس له تأثير على العربيه الا فى الشكل العام فقط
واخيرا ارجوان اكون نقلت صوره لها بمزياها وعيوبها واى استفسار اكون نسيته انا تحت الامر
http://img27.imageshack.us/img27/3817/132yix.jpg
يا ترى ايه أخبار العربية بعد 8 شهور من المقال؟
يا ترى ايه أخبار العربية بعد 8 شهور؟ يا ترى لسة متحمس لها و لا بدأت تشوف فيها مشاكل ماكنتش شفتها قبل كدة.
علي فكرة أنا متحمس جدا للعربية دى و نفسي حد يطمني قبل ما أشتريها علشان نادرا ما بنشوف حد راكبها أصلا و باسأل ليه نادرة طالما كل الناس علي النت بتشكر فيها؟ انت عارف ان احنا في مصر بنخاف من الصيني لما نقول حنشترى ايراني الناس بتضحك علينا...........