الموضوع: ومازال مسلسل المهازل الاخلاقيه مستمرا !!

شوفوا الخبر ده الاول :
قالت تقارير صحفية وشهود عيان ان حوالي 150 طالبا هاجموا قسم شرطة 15 مايو منتصف ليل الإثنين واشتبكوا مع قوات الأمن مما اسفر عن اصابة 8 من افراد الشرطة و2 من الطلاب.

وكان احد الطلاب قد تعرض لمضايقات في أحد الأكمنة بمدينة 15 مايو وتم احتجازه بالقسم لكنه قرر الانتقام وجمع عدد من زملائه بالكلية وتوجهوا الي قسم الشرطة في المدينة والقوا الحجارة علي قوات الأمن وحطموا سيارتين ودراجتين بخاريتين واصابوا 8 من الشرطة من بينهم العميد أشرف عبد الخالق مأمور القسم .

وقالت التقارير ان قوات الامن المركزي طوقت المدينة وان الشرطة تبحث عن الجناة الذين فروا هاربين وانه بالفعل تم القبض علي 8 منهم واصيب اثنين بطلق ناري.

مين بقى الطلاب اللى هاجموا القسم دول ... طلاب الكليه الحربيه اللى المفروض بيتعلموا الانضباط والاخلاق والنظام
دى لينكات فيديو للى حصل
http://www.youtube.com/watch?v=yxWPfzC0O88

http://www.youtube.com/watch?v=eTqa0OtMtg0
ده غير فيديوهات اخرى على موقع الوعى المصرى

البهوات دول دمروا عربيتين شرطه واحرقوا موتوسكلين شرطه ودمروا عربيه لجانزا خاصه باحد ضباط القسم تماما ...كل ده علشان مفيش اخلاق ولا نظام ولاقدوه حسنه ولا احترام لاى قانون .. كله بياخد اللى هوا عاوزه بالدراع والفتونه يعنى ان شاء الله لو حصل حاجه للبلد وتلاقى الجيش والشرطه ضربوا فى بعض والشعب الغلبان واقف يتفرج وهوا اللى هيضيع فى النص ... انا لو كنت مسئول فى وزاره الدفاع والله لكنت فصلت العيال دى كلها من الكليه الحربيه علشان يتعلموا الادب و يكونوا عبره لمن يعتبر