الموضوع: أرجو المساعدة بخصوص تسقيط موتور لانسر 98

المشاركة الأصلية كتبت بواسطة keemvip

ممكن اعرف يا شبخ اخبار قطع غيار الموتور ال 1500 ايه ؟ موجوده ولا لا والواحد حيتعب على ما يجبها ولا بسهوله وياريت تديني فكره عن اسعار الفلاتر والسيور اللي غيرتها يا ريت لاني حسقط ماكنه اليومين دول ومش عارف اسقط 1500 ولا 1600 بسبب موضوع قطع الغيار دا يا ريت حد يفدني

مع احترامي ليك ياجامد
انا مبحبش التردد ولا المترددين
وقلتلك قبل كده سقط ال1500
ياااعم كلو موجود في الحرفيين مترمي
ونتا حر
معلش نشفت عليك شوية في الكلام بس ده عشان اشوفك مسقطها بقى
متفكرش كتير
ولو هتسقط حاجة غيرها يبقى ال2000 سي سي وده موتور واحد كامة مفيش منو 2 كامة
بس اقوى من ال1500 على طول
من الاخر اللي قدامك تسقطو
يا1500
يا 2000
ولاتنين جامدين اوي بس ال2000 اجمد

يا شبح براحة عالراجل يا جدع ماهو بردو مش هيسقط موتور كل يوم:D ..@keem vip الشبح برضو عايز مصلحتك لأنو عارف إلي فيها و بردو إنت لم تسقطها هتعد تستغرب من التردد إلي إنت فيه دلوقتي.. وهو ال رجل قالك قطع غيرها مترمية فل حرفيين و على فكرة مش غالية ذي مانتا متخيل هو ال موتور اداؤه سبور بس ميزته إن قطع غياره اسعارها عادية زي باقي ال لانسر على حسب ما سمعت عن ال موتور و شفت مع عربيت ال شبح.إنت بس اعقد النيا وتوكل على الله...و مش هتخسر إن شاء الله

بس أنا لو مكانك حجيب ال-١٥٠٠ لكزة ميزة...أول حاجة الطلعة بتاعتها ملهاش حل و بتزعل أي عربية يعني كدة كدة هتشد بقلب ميت و أعتقد إن طلعتها زي ال ٢٠٠٠ إن مكنتش أجمد سنة بسبب انها ٢ كامه في حين ال ٢٠٠٠ واحد كامة و دة بيخلي ال موتور يتنفس عند ال حرق عل غيار أحسن بكتير و كمان ال rpm بتاعها بيجمع بسرعة جداً و ديه شفتها بعيني و حستها عل عربية ..ثانياً و دة الأهم..مش هتكلفك بنزين كتير و كمان ترخيص أكتر لأن ذي ماكلنة عارفين المرور بيستهبل اليومين دول ...مش كدة والله إيه يا عمو الشبح...lol

المشاركة الأصلية كتبت بواسطة elshaba7ana

متقلقش يانيرو
الناس دي اخواتنا في اللانسر

مهو هية دي المشكلة يا بوب

اولا احب اشكركم على سرعه الردود بس انا مش فاهم انتوا ليه متحاملين على كل اللي يرد في الموضوع طبيعي اي حد بيعمل حاجه جديده يا شبح يكون متردد وبعدين انا لما قلت محتار بين ال 1600 وال 1500 مكانتش المشكله الطلعه والشده يا نيرو المشكله هيا اني من طنطا زي ما انت المفروض عارف ومش عاوز موضوع قطع الغيار دا يتعب الواحد يعني انت بتقول في الحرفيين يا تري جديد ولا مستعمل ولا ايه بالظبط ولو عاوز اجبها من التوفيقيه يا ترى حلاقيها دا سبب التردد بس مش اكتر

وشكر

المشاركة الأصلية كتبت بواسطة nero007

بس أنا لو مكانك حجيب ال-١٥٠٠ لكزة ميزة...أول حاجة الطلعة بتاعتها ملهاش حل و بتزعل أي عربية يعني كدة كدة هتشد بقلب ميت و أعتقد إن طلعتها زي ال ٢٠٠٠ إن مكنتش أجمد سنة بسبب انها ٢ كامه في حين ال ٢٠٠٠ واحد كامة و دة بيخلي ال موتور يتنفس عند ال حرق عل غيار أحسن بكتير و كمان ال rpm بتاعها بيجمع بسرعة جداً و ديه شفتها بعيني و حستها عل عربية ..ثانياً و دة الأهم..مش هتكلفك بنزين كتير و كمان ترخيص أكتر لأن ذي ماكلنة عارفين المرور بيستهبل اليومين دول ...مش كدة والله إيه يا عمو الشبح...lol

مظبوط طبعا يانيرو ياجامد
ال1500 اقوى من الموتور ال1600 في كل حاجة
واقوى من 1800 في الطلعة وزيو في بقيت الاداء
واقوى من ال2000 في الطلعة بس لكن بعد كده ال2000 يجيبو

المشاركة الأصلية كتبت بواسطة keemvip

اولا احب اشكركم على سرعه الردود بس انا مش فاهم انتوا ليه متحاملين على كل اللي يرد في الموضوع طبيعي اي حد بيعمل حاجه جديده يا شبح يكون متردد وبعدين انا لما قلت محتار بين ال 1600 وال 1500 مكانتش المشكله الطلعه والشده يا نيرو المشكله هيا اني من طنطا زي ما انت المفروض عارف ومش عاوز موضوع قطع الغيار دا يتعب الواحد يعني انت بتقول في الحرفيين يا تري جديد ولا مستعمل ولا ايه بالظبط ولو عاوز اجبها من التوفيقيه يا ترى حلاقيها دا سبب التردد بس مش اكتر

وشكر

ايه يابطل نتا خليت الموضوع تحامل على الناس ليه بس
مفيش تحامل ولا حاجة كلنا حبايب طبعا
الفكرة اني شايف شاب قدامو يعمل حاجة هتخليلو العربية حاجة تانية بفلوسس قليلة وترخيص قليل وسحب بنزين قليل ومتردد فعشان كده بس صعبان علينا انا ونيرو ترددك اللي ملوش لازمة (بعد اما تسقطو ان شاء الله هتعرف)
وبعدين يامان نتا مش قلت شجعني ياشبح !
موضوع طنطا ده مقدرش افتيلك فيه لكن لو نتا في القاهرة يبقى صباح الفل من ناحية قطع الغيار لان كلو موجود وباسعار كويسة جدت
بس بما ان في ناس بتجيبو استيراد في طنطا على كلامك يبقى اكيد يجيبو برضو قطع غيارو و برضو اسال نتا هناك
لو تحب تتطمن اكتر

انا كنت عايز اعرف الموتور ال 1500 2 كامة انجيكشن بيستهلك قد ايه بنزين بالضبط وعامل كام فلوس لانى سألت عليه واحد ميكانيكى قالى عامل 5000 بالفتيس بتاعه والتركيب ب 1200 جنيه لانى انا عربيتى كاربيراتير مش انجيكشن فهتحتاج تعديل فى الضفيرة يعنى الموضوع هيدخل فى 6200 وده مبلغ كتير وكنت عايز اعرف هو انا ممكن ادخل الموتور بتاعى القديم فى الجديدي ولا لا