أرجو المساعدة بخصوص تسقيط موتور لانسر 98

**sonyericsson** · 10-03-2009 02:17 AM

انا يا جماعة بسم الله ماشاء الله ابديت اعدل فى سيارتى بشكل جامد بس وقف معى مشكلى ارجووو منكم المساعدة بكل ما تعرفواا

انا معى سيارة لانسر 98 انا بيعجنى الشكل دا بجد لانة احلى واجمد شكل ممكن نعملوا فى التعديل

انا الماكينة اللى عندى1300 جبيت انى اسقط 1600سى سى واحد بتاع قطع غيار قالى انتى بلاش اسقط 1600 وقالى ان الاحسن 1500 سى سى 2كامة بيقول انة اشد وفى مقام 1800 سى سى فعلا الكلام دا وعرض عليا انة ياخذ اللى عندى وادفع انا فرق 1500 جنى لاكن بيقول لازم تعدل فى العفشة فا انا بصراحة عايز اعرف منكم الكلام دا حقيقى فا بيقولى دا الكلام دا لو عايز اسقطة على المنول اللى عندى فا بيقولى ادفع2000 وخد الفتيس الاتوماتك احسن لان دا مش هتحاتج انك تغير فى العفشة عندك

ياريت لو تقولولى او تنصحونى

تم تعديل عنوان الموضوع
مشرف القسم

**sonyericsson** · 11-03-2009 12:34 PM

فين كلامكم يا شباب قولولى اية رايكم

**ms3111** · 11-03-2009 04:56 PM

الكلام دة صح يا باشا أنا سقط الموتور دة بس انا كنت اتومتك و بدلت الموتور بتاعى والفتيس باموتور ال 1500 و فتيسة وصحبى بردة عمل كدة وكان زيك منول وقلب العربية اتومتك وكلام الراجل صح الموتور 1500 2 كامة أجمد من 1600 ونصيحة منى بعد متسقط الموتور تركب جنط كويس علشان الموتور دة فعلا قوى وربنا يوفقق يا باشا..............
وان أحتجت اى حاجة أسالنى وانا تحت أمرك......

**ConDoR** · 11-03-2009 11:33 PM

ممكن اعرف هو تسقيط الموتور ال 1500 بيحتاج اي تعديلات في العفشه ؟ وايه هيا المشاكل اللي ممكن تقابلني ؟ وايه نوع التعديلات اللي بتتعمل في العربيه وقطع الغيار اخبارها ايه للمكنه ال 1500 وياترى المكنه بتوع حالتها ايه او هل ممكن ادبس في مكنه يا ريت يت ms3111 ترد على اسألتي وتقولي اخبار المكنه الجديده عامله معاك ايه وتسلم يا جميل

**sonyericsson** · 12-03-2009 03:39 AM

يعنى اركب جنط بس مش اعدل فى الفرامل مثلا وبعدين اركب الماتور على المنول عادى مع الجنط بس ولا اجيبة الماتور بالفتيس الاتومتك

**ms3111** · 12-03-2009 09:24 AM

انا عن نفسى ركبت الموتور ومغيرتش أى حاجة فى العفشة و الفرامل وانا شايف انك تخدة بالفتيس الاتومتك أنا عملت كدة وكمان صحبى عمل كدة وكان منوال وقلب اتومتك بس الجنوط مهمة علشان بتدى ثبات كويس لان لو جربت تطلع جامد بالموتور دة فى حتة فيها تراب حتلاقى العربية بتعرض لان الموتور شديد .
ممكن اعرف انت حتجيب منين الموتور دة و حتسقطة فين على شان انا ممكن اقلك على الناس الى سقتتلى الموتور ودية ناس محترفة كل يوم بيسقوتوا مواتير من دية وانا كلفنى تسقيط الموتور حوالى 600 و الميكانيكى أخد 200 و الكهربائى أخد 400 لان كهربة الموتور دة مختلفة خالص أكيد أنت عارف ........

**ConDoR** · 12-03-2009 12:05 PM

طيب معلش كان عندي سؤال لحضرتك انا من طنطا واللي بيبيع المواتير دي واحد اسمه البهي بيجيب العربيات من بره ويقطعها يعني زي ما تقول حاجات بنت بلادها انا كنت رحت واتكلمت معاه وقالي ان اغلب المواتير دي بتكون عامله 30 الف كيلو و 40 الف كيلو بس مش عارف دا كلام جر رجل ولا فعلا المواتير اللي بتكون جايه من بره تقطيع بتعمل الكيلومترات دي وشكرا على ردك

**ms3111** · 12-03-2009 02:58 PM

كلامة صح ياباشا علشان بردو انا سقلت لما ركبت الموتور على سير الكاتينة قلت اغيرة علشان يبقا كلة فى السليم و بتاع قطع الغيار قلى الموتور دة استيراد قلتلة اة قلى المواتير دية بتبقا عاملة 30 أو 40 الف وقلى غيرة بعد 10 الاف . على فكرة انا مركب الموتور بتاعى من الحرفين بس الراجل الى جبلى الموتور بيجيب المواتير دية من طنطا شكلة بيجبها من عند الراجل دة أوحد تانى بردو فى طنطا
ممكن تسألى الراجل دة عن أسعار المواتير المايفك (mivec ) منها ال1600 و ال 1800 لو تعرف تسألة أسعرها كام ...........

**ms3111** · 12-03-2009 03:02 PM

دة شكل الموتور ياباشا الى انا مركبة

**ConDoR** · 12-03-2009 05:12 PM

بسم الله ماشاء الله الموتور شكله تحفه ربنا يبارلك في العربيه فعلا البهي دا معروف جدا اللي عنده لانسر ايفولوشن بس انت اخبار الفرامل القديمه على الموتور الجديد ايه يا ترى بتقدر تتحكم في العربيه ولا ضعيفه وباذن الله لما ارجع بليل اكون سالتلك على موتور الميفك وياترى دفعت كام فرق الموتور القديم وكانت حالته ايه بالظبط ؟