السلام عليكم ورحمة الله وبركاته
كانت عندى مشكله فى عداد البنزين وقريته الغلط وطبعا ده من العوامة
http://www.postimage.org/gx1TDiLS.jpg
اللى الشريحة بتاعتها سنونها أتهرت
وكل شوية ألآقى العربية قطعت بنزين والمؤشر فى النص حاجه تجنن لدرجة انى شلت فى الشنطة جركن وقمع
المهم جت النهاردة وقلت لآزم أتخلص من الموضوع دة
فرحت سألت على شريحة عوامة طبعا نادر جدا وصعب حد يحلهالك فنزلت جبت عوامتين بشرايحهم
وهجرب والسليم هفك شريحته وهركبها عندى
وكانت المفاجئة ان كل موديل له شريحة مختلفة عن التانيه ومتناسبة مع عداد البنزين فى الطبلوه
فرجعت الطرنبتين وجبت شريحة زى اللى معايا بالضبط لقيتها بالصدفة وبالعافيه ختها ب 40 ج
ركب يا عم سنونها الفبر ضعيفة لنها بتخش كبس فمنها اللى أتقطم
شغاله تمام
لكن المؤشر بيرعش أوووووووووووووووووووووف
انا اصلا مبحبش الفك والتركيب خالص والتصليح والكلام الفاضى ده
رحت رجعت للراجل بالعوامة كلها وقلت له بترعش
راح واخد القديمة ودانى واحدة مطلعها من تانك وديته كمان 40 ج
وأشتغلت تمام وقراية مضبوطة
فى حين ان العوامة كاملة ب 150 ج بالعافية
بس في حاجة بقي بخصوص لمبة البنزين بتاعت المؤشر هل هى بتنور مع سنة الكونتاك الأخيرة وتفصل عند تدوير الماتور زى لمبة الحرارة ولآ لأ
لأنى مش فاكر الحكاية ديه خالص
أصلها مبتنورش عندى وعلى العموم انا قفك لوحه العدادات وضبط لمباتها