الموضوع: غسيل الشاسيه و الموتور

الاخوة الافاضل

اشتريت تمبرا مستعملة موديل 98 و طبعا كشفت عليها في البنزينة لقيتها بحالة جيدة نشكر الله و لكن الموتور معرق زيت من فوق و الراجل في البنزينة قال لي أنه مجرد تغيير في جوان غطاء التاكيهات و ان الموتور لم يفتح منذ الفابريكة خاصة انها أول يد و قال لي أن الموتور لا يغسل حتى لايبوظ فهل هذا الكلام صحيح ؟؟؟؟؟؟؟؟؟؟؟؟؟

العربية كاربيراتير و ليس انجكشن كعربيتي القديمة ال 125 و كنت بأغسلها باستمرار فما المانع من غسل موتور التمبرا ؟؟؟؟؟؟؟؟؟؟؟

نقطة ثانية هناك كارت بديل للأبلتين و الكندسور يتم تثبيه في واجهة صندوق الموتور خلف التابلوه فهل تعرض هذا الكارت للماء أو الجاز خطأ أم لا ؟؟؟؟؟؟؟؟؟؟

سؤال اخير الشاسيه سليم و مافيهوش بارومة و لكن طبعا ملئ بالتراب و لكن احد الاصدقاء قال لي اتركه بدون غسيل لكيلا تصيبه البارومة و أن التراب يحمي الشاسيه من الماء فهل هذا الكلام سليم ؟؟؟؟؟؟؟؟

رجاء الافادة و شكرا لكافة الاخوة بالمنتدى

ألف مبروك يا باشا
وربنا يديك خيرها ويكفيك شرها على فكره غيسل الرفارف من تحت والشاسيه مهم بس ممكن تعمله مع كل داخلة صيف و داخلة شتا لأن الطين اللي بيتراكم هو اللي ممكن يسبب البارومه
وكتر الغسيل برده مش كويس
بالنسبه لغسيل الموتور أنا مش بحبذه بصفه عامه لو مش مبهدل أوي عامة العربيه ممكن تغسل موتورها عادي بس غطي مشط الإشعال والإسبراتير والموبينه وما تقلقش هي ما فيهاش حساسات أصلا عشان هي مش إنجيكشن وربنا يباركلك فيها ويحميها من العين