ياتري ايه ممكن يكون سبب ان مياه الردياتير بتقل يوميا بمقدار حوالي ربع لتر؟ ... مع ملاحظة ان مافيش تسريب من جميع الوصلات وكمان غطاء القربة اصلي وسليم 100 %
عرض للطباعة
ياتري ايه ممكن يكون سبب ان مياه الردياتير بتقل يوميا بمقدار حوالي ربع لتر؟ ... مع ملاحظة ان مافيش تسريب من جميع الوصلات وكمان غطاء القربة اصلي وسليم 100 %
شرخ بجوان وش السلندر
MMamdouh
ده معناه انا لازم غير جوان وش السلندر ؟؟؟ مش كده
طب لو انا مياه الردياتير مغيرتهاش من ساعة ماجبت العربية زيرو ولم اقم بعمل غسيل لدورة المياه ... والعربيه عمله 80000 كم ... هل ده ممكن يكون سبب ؟؟؟ وشكرا
80000 كيلو و مغيرتش طلمبة الميه؟؟؟؟؟
الطلمبة لو بتسرب مش حتعرف تشوفها الا لما تفك سير الكاتينة و لو مغيرتهاش من ساعه ما جبت العربية يبقى غالبا هى اللى بتسرب... انا قلت الجوان لانك متاكد من ان مفيش تسريب بس 80000 و طلمبة الفبريقة يبقى 90% الطلمبة هى اللى بتسرب
راجع الطلمبة كويس قبل ما تفك الموتور على الفاضى
MMamdouh
شكرا يا أ/محمد ... انا هكشف على الطلمبة ... واغسل الردياتير واغير المياه ... واشوف الوضع هايتحسن ولا لأ ...
استاذ شريف ممكن تعرفنا حليت المشكلة ولا لا من اجل افادة باقى الاعضاء
انا كل اللي عملته اني غسلت الردياتير في محطة بنزين مع اضافة مزيل صدأ والراجل في محطة البنزين راجع على تربيط الكوليهات ... وغيرت المياه بمياه خضراء مع اضافة مانع صدأ ... والحمد لله المشكلة اتحلت.
الاخ شريف - هل هذه المشكلة لم تظهر ثانية ، يعنى من شهر 10 2007 الى الان ممكن يكون الحكم على الموضوع ده بشكل افضل، فهل الحل اللى عملته ده كان نهائى و لا اضطريت تعمل تصليحات فى اشياء اخرى
تحياتى