ضبط هواء الكاوتش

**mhelmasry** · 10-03-2009 01:10 PM

إلى خبراء المنتدى عايز أعرف مقاس ضبط الهواء المناسب للكاوتش هل كما هو مكتوب على السيارة "الأمامى 31 والخلفى 28" ولا ليه مقاس تانى باختلاف درجات الحرارة يعنى فى الصيف غير الشتاء وما الفرق بين الهواء العادى والنيتروجين وأيهما أفضل وشكرا
أنا معايا جين 2 2009 مانيوال

**Ayman_52** · 10-03-2009 01:55 PM

اولا ..اهلا بيك فى العالم البروتونى..

والف مبروك عالجميله وربنا يباركلك فيها ويحفظهالك من كل شر

وبخصوص ضبط العجل...هو فعلا زى مامكتوب عند حضرتك عالقايم...هو نفسه صيف شتاء..

وبخصوص الهوا والنيتروجين...انا فضلت ماشى بالهوا شويه وبعد كده لما غيرت لنيتروجين الصراحه حسيت بفرق كبير العربيه خفت.... المطبات وسكك الحديد بقيت اخف..وكمان النيتروجين مش عاوز متابعه كل شويه زى الهوا العادى

ودا ياباشا موضوع كانت تم فيه المناقشه بين مميزات وعيوب كل منهم

هنـــا

هنـــا

وكمان فى عرض من نايل موتورز عند بريدجيستون(بس لازم يكون عندك استيكر المنتدى)لو عاوز تملأ نيتروجين من عنده.

العــــرض

تحيـــــــــاتــى

**mhelmasry** · 10-03-2009 02:29 PM

شكرا يا أستاذ أيمن على ردك السريع والله يبارك فيك وفعلا استفدت كتير من الروابط اللى بعتهالى

**Boody8882** · 10-03-2009 02:30 PM

أنا عن نفسى ضبطت الأربع عجلات على 30 بس ناوى أغير للنيتروجين

**khpopo** · 10-03-2009 11:11 PM

مبروووك جين 2 الجميلة ربنا يدك خيرها وزى ماقلك استاذ ايمن وخليك زى المكتوب عشان الثبات والنتروجين كويس معاها
ربنا يوفق

**SaMeR-PrOtOn ‎** · 11-03-2009 12:53 AM

10\10 يااستاذ ايمن ممكن رأيك انا عندي في الواجا الاربعة ضابطهم هواء عادي على 35 صح ولا خطا ولو خطا كيف اعملهم تحياتي لحضرتك

**mhelmasry** · 11-03-2009 10:54 AM

الله يبارك فيك يا أستاذ حالد وشكرا على مشاركتك

**Ayman_52** · 11-03-2009 04:05 PM

المشاركة الأصلية كتبت بواسطة mhelmasry

شكرا يا أستاذ أيمن على ردك السريع والله يبارك فيك وفعلا استفدت كتير من الروابط اللى بعتهالى

ياباشا ...انا تحت امرك وامر كل اعضاء بروتون المحترمين.

المشاركة الأصلية كتبت بواسطة SAMER19901

10\10 يااستاذ ايمن ممكن رأيك انا عندي في الواجا الاربعة ضابطهم هواء عادي على 35 صح ولا خطا ولو خطا كيف اعملهم تحياتي لحضرتك

سامر باشا...انا الصراحه معرفش الواجا بتضبط على كام...

بس حضرتك هتلاقيهم عندك عالقايم ..مكتوب ضبطة قدام كام وضبطة ورا كام...

وانصحك تجرب النيتروجين..هتحس بفرق..والمطبات والحتت المكسره هتلاقيها خفيفه معاك..وكمان مش محتاجه كل شويه تضبطهم.

وبخصوص ازاى تملا النيتروجين..حضرتك بتروح لاى حد بتاع كاوتش وتخليه يفضى الكاوتش على الاخر..وبيشفط الهوا اللى جواها كله ...وبعد كده بيملاه نيتروجين...

وابقى ادعيلى بقى

هتحس ان العربيه خفت كتير عن الاول...انا اول مامليت نيتروجين ومشيت بالعربيه افتكرت فى حاجه فى العفشه ..من كتر مابقيت خفيفه :10D5C8~1107:

تحيـــــــاتــى لكــل اهل الشـــام

**MohabSaeed** · 12-03-2009 01:18 AM

المشاركة الأصلية كتبت بواسطة SAMER19901

10\10 يااستاذ ايمن ممكن رأيك انا عندي في الواجا الاربعة ضابطهم هواء عادي على 35 صح ولا خطا ولو خطا كيف اعملهم تحياتي لحضرتك

كتير يا استاذ سامر
ضغط الكاوتش فى الواجا " 32 فى الامام " و " 29 فى الخلف "
النسبه ديه خاصه بالكاوتش ال 16 بوصه / 205 , اعتقد عندك نفس الجنوط و الكاوتش .
عموما حتلاقى استيكر ملزوق على قائم باب السائق مكتوب فيه البيانات ديه .