تقرير صيانة ال 20,000 للألتو

**zalpany2000** · 10-03-2009 02:08 PM

السلام عليكم ورحمة الله
بجد وحشتوني
ما بعدنيش عنكم غير الشديد العفي
تحياتي
يوم السبت اللي فات رحت عملت صيانة ال 20,000 للعربية
اولا المشكلات قبل الصيانة
1- الدبرياج تقيل شوية
2- الفتيس بيعض شوية
3- العربية بتحدف شمال سنة علي السرعات العاليا
4- لما بارجع مارشدير و ادوس فرامل باسمع صوت خبطة
5- صوت تكتكة لما اجي اطلع بالعربية و انا لامم الدريكسيون شمال علي الاخر
6- احساسي ان العفشة عايزة تتربط

بلغت الاخوة بتوع التوكيل فرع الدقي بالمشاكل دي، طبعا كنت هناك الساعة 9 تقريبا من غير حجز مسبق

استلموا العربية وادوني معاد الساعة 2 ونص
بعد الصيانة
النتيجة
1- العربية اتظبطت كتيير في موضوع العفشة المفككة دي
2- موضوع التكتكة ده اختفي
3- الدربياج خف كتيير
4- شدوا الهاند بريك، بقي اجمد كتيير من الاول يعني بيتك 3 مرات و مايرضاش يترفع اكتر من كده الا بصعوبة
5- تم تغيير زيت العربية 10,0000
6- تم تغيير طقم البوجيهات "صيانة دورية"

اجمالي التكاليف 505 جنيه مصري

تحياتي للجميع

**tmedhat** · 10-03-2009 11:44 PM

تسلم على الموضوع
بس تكلفة عالية شوية بالنسبة للالتو و لا كدة عادى+

**zalpany2000** · 11-03-2009 01:11 AM

والله يا باشا انا حاسس انها كتيير برضو
خصوصا ان الزيت ب 180 جنيه و البوجيهات ب85 جنيه
والباقي مصنعية وضريبة

مش عارف بصراحة ، خصوصا اني صيانة ال 15,000 بالنسبالي كانت من شهر و نص تقريبا

فلما كل شهرين ادفعلي 500 600 جنيه يبقي كتير برضو .. بس يلا مش مهم

تحياتي