| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 6 1 2 3 4 5 6 الأخيرةالأخيرة
النتائج 1 إلى 10 من 54

  1. #1

    CRX

    الصورة الرمزية CRX

    رقم العضوية : 33677

    تاريخ التسجيل : 22Feb2009

    المشاركات : 247

    النوع : ذكر

    الاقامة : Cairo

    السيارة: Cairo

    السيارة[2]: Cairo

    الحالة : CRX غير متواجد حالياً

    Exclamation أنا وقعت يا رجالة - Facebook Twitter whatsapp انشر الموضوع فى :

    hasad">


    أنا وقعت يا رجالة


    الحمد لله تعالى على النعمة والفضل والمنة

    الحمد لله على الحفظ والسلامة

    الحمد لله الذي لا يحمد على شئ سواه


    الحقيقة دي مش اول وقعة –ويارب تكون الاخيرة- بس كانت أغرب وقعة


    حبيت اشارككم فيها، مش عارف الواقعة دي بالذات كانت عجيبة وحسيت انها أثرت فيا نفسيا أكتر من ضلوعي اللي بتوجعني لغاية دلوقتي.. وربنا يسلم طريقكم جميعاً ويكفيكم شر الطرق ،، ودي برده نصيحة لإخواني الركيبة ..


    قبل الحادثة:

    كنت الواد الجن ركيب التوين

    اللي يفوت يموت

    ويا تهدي يا تعدي

    وكام شعار كده من اللي بيتكتبوا على الميكروباصات


    قبل الحادثة بثانيتين:

    ايه ده؟؟ الملف ده طلع أجمد مما كنت فاكر!!

    دا أنا كده لو فرملت هاتكعور... ولو حودت جامد هاتشقلط... ولو هديت جامد مش هالحق وهاخبط في الرصيف...

    ممممممم شكلها كده واقعة... طب هدي على الآخر علشان انتا كده كده هاتلبس في الرصيف فحاول تخففها على الآخر..

    السرعة بتنزل تقريباً من 90-100 لغاية مثلا قول 45-50

    ميل المكنة على الاخر علشان الوقعة ما تكونش جامدة،، ويارب اللي ورايا يشوفني علشان ما يدوسنيش وانا على كوبري 6 اكتوبر.. الحمد لله الكوبري فاضي وانا سابق بكتير...


    الحادثة:

    تغميض العنين حاجة تلقائية جداً

    طيران في الهوا

    كام خبطة كده في الرجل والصدر والإيد على كعورة ثم زحف على الظهر كام متر كده مش عارف قد ايه

    المكنة على بعد 10-15 متر

    بعد الحادثة:

    تفتيح العنين: الحمد لله بشوف والراس سليمة بتلف يمين وشمال،، برده الخوذة مهمة يا رجالة

    تحريك الصوابع والايدين: الحمد لله بيشتغلوا

    تحريك الرجلين: الحمد لله بيتحركوا


    بعد الحادثة:

    مصر لسه بخير... وزيادة .. ولاد الحلال اتجمعوا من كل حدب وصوب علشان يساعدوني

    الحمد لله انها جت سليمة

    الحمد لله هشوف عيالي تاني :)


    بعد الحادثة بشويتين تلاتة:

    يعني كنت لازم أجري بسرعة؟

    يعني ماكنتش أقدر أفرمل أجمد شوية؟

    يعني ماكنتش تقدر تحود زيادة شوية؟

    بطل بأه::: دا كله بقدر الله .. ولو كنت عملت قرد كنت برده هاتخبط هاتخبط لان مفيش حاجة كده اعتباطاً .. كل بتقدير المولى سبحانه، بس على الله تتعلم


    الدروس والعبر:

    1.ذكر الله قبل الركوب وأثناء الطريق وياريت تكون متوضي ومصلي كمان.. وحابب على راس أمك وأبوك كمان :)

    2.عدم الاغترار لا بنفسك ومهارتك ولا بالسنين اللي سقت فيها ولا بالمكنة اللي راكبها (ركيبة كتير اوي ماتوا على الموتوسيكلات، وسبيحة كتير أوي غرقوا في شبر مية)

    3.أخذ الأسباب في الحماية وأقلها (خوذة، جوانتي، جاكيت جلد) صيفاً وشتاءً

    4.ما تسخنش لو حد سخنك (وانا عارف ان البوتجازات كتييير أوي)

    5.خليك فاكر دايماً إن الغلطة على الموتوسيكل بفورة وكله بقدر الله

    وأخيراً:

    ربنا يسلم طريقنا جميعاً ويحفظنا من كل سوء... آمين


  2. #2

    الصورة الرمزية Nader

    رقم العضوية : 57

    تاريخ التسجيل : 18Apr2007

    المشاركات : 19,002

    النوع : ذكر

    الاقامة : مدينة نصر

    السيارة: هيونداي فيرنا

    السيارة[2]: هيونداي فيرنا

    دراجة بخارية: -

    الحالة : Nader غير متواجد حالياً

    افتراضي -

    حمد الله على سلامتك، قدر الله وما شاء فعل.

    لأي استفسار أو شكوى بخصوص الإدارة والإشراف والدعم الفني، يرجى المراسلة على:



  3. #3

    CRX

    الصورة الرمزية CRX

    رقم العضوية : 33677

    تاريخ التسجيل : 22Feb2009

    المشاركات : 247

    النوع : ذكر

    الاقامة : Cairo

    السيارة: Cairo

    السيارة[2]: Cairo

    الحالة : CRX غير متواجد حالياً

    افتراضي -

    الله يسلمك يا باشا


  4. #4

    الصورة الرمزية Rembrandt

    رقم العضوية : 28777

    تاريخ التسجيل : 30Dec2008

    المشاركات : 2,248

    الحالة : Rembrandt غير متواجد حالياً

    افتراضي -

    حمد الله على سلامتك وما يوقع الا الشاطر


  5. #5

    الصورة الرمزية star_is_mesho

    رقم العضوية : 34404

    تاريخ التسجيل : 03Mar2009

    المشاركات : 497

    الاقامة : cairo

    السيارة: honda cbr 250 fire

    السيارة[2]: lanos

    الحالة : star_is_mesho غير متواجد حالياً

    افتراضي جات سليمه -

    الحمد لله على السلامة
    وابقى خلي بالك من الكوبري ابن التيت ده
    بيبقى واقع عليه زيت
    زالزيت طبعا انت عارف مالوش فيه
    سواء كنت سريع ولا بطيء ولا حريف ولا اى حاجه
    المهم انك سليم
    وخلي بالك المره الجايه


    مش عايز تبيع.......


  6. #6

    الصورة الرمزية blazer

    رقم العضوية : 2282

    تاريخ التسجيل : 23Sep2007

    المشاركات : 8,887

    النوع : ذكر

    الاقامة : Cairo ,Faisal st

    السيارة: كانت lada 2107 1989

    السيارة[2]: Daewoo Nubira2 2005 auto

    دراجة بخارية: No

    الحالة : blazer غير متواجد حالياً

    افتراضي -

    حمد الله على السلامه
    لازم تلبس واقى الركبه لانه مهم جداااا

    قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

    -- اللهم ارزقنيها --


  7. #7

    الصورة الرمزية ahmedfd

    رقم العضوية : 2339

    تاريخ التسجيل : 27Sep2007

    المشاركات : 777

    النوع : ذكر

    الاقامة : Cairo

    السيارة: .

    السيارة[2]: Elantra 2008/AT

    دراجة بخارية: .

    الحالة : ahmedfd غير متواجد حالياً

    افتراضي -

    حمد الله على السلامة و ما يقع الا الشاطر بس يا ريت تاخد بالك بعد كدة لإن وقعة الموتوسيكل بايخة جداً و الوقعة بتحصل في ثانية..


  8. #8

    الصورة الرمزية ZALABANY

    رقم العضوية : 2846

    تاريخ التسجيل : 28Oct2007

    المشاركات : 2,776

    النوع : ذكر

    الاقامة : Cairo

    السيارة: Lancer 1600 cc F/O A

    السيارة[2]: Fiat tempra 94 1600cc

    دراجة بخارية: لا يوجد

    الحالة : ZALABANY غير متواجد حالياً

    افتراضي -

    حمد الله على السلامه وقدر الله وما شاء فعل


  9. #9

    الصورة الرمزية mramzy

    رقم العضوية : 15875

    تاريخ التسجيل : 06Aug2008

    المشاركات : 1,196

    النوع : ذكر

    الاقامة : cairo - helipoiles

    السيارة: noune

    السيارة[2]: اسبرانزا 516

    الحالة : mramzy غير متواجد حالياً

    افتراضي -

    اولا واخيرا حمدلله على السلامة
    وما بين اولا واخيرا اسولبك فى سرد الواقعه خالنى مش عارف اضحك والا اعمل ايه بالظبط وفعلا وصفك جامد جدا لدرجه انى كنت متخيل الواقعه بالظبط انت مش تنفع تركب موتسيكل انت تنفع تكون كاتب قصص او كاتب سناريو فعلا انت جامد بجد ويمكن الواقعه دى تكون سبب فى كشف موهبتك وانك تكتب سيناريو بالاسلوب الجميل
    حمدلله على سلامتك والحمدلله انك رجعت بخير وقدرت تكتب
    ربنا يستر طريقك وطريقنا وطريق الناس كلها


  10. #10

    CRX

    الصورة الرمزية CRX

    رقم العضوية : 33677

    تاريخ التسجيل : 22Feb2009

    المشاركات : 247

    النوع : ذكر

    الاقامة : Cairo

    السيارة: Cairo

    السيارة[2]: Cairo

    الحالة : CRX غير متواجد حالياً

    افتراضي -

    hasad">

    الله يسلمكم جميعاً يا شباب

    وربنا يحفظنا جميعاً.. ويسلم طريقنا

    ميشو:: انتا بتصطاد شلكلك في المية :)

    هوا صحيح انا اتعقدت المرة دي من أم الموتوسيكلات بس لسه شوية

    رمزي: شكرا على التعليق الجامد ده ، دا بس من ذوقك

    الحقيقة ما كنتش أعرف ان عندي مواهب مدفونة .. شكرا انك اكتشفتني... وأهي موهبة بيضة تنفع في الأيام السودة لو الواحد ما فلحش :)



 
صفحة 1 من 6 1 2 3 4 5 6 الأخيرةالأخيرة

المواضيع المتشابهه

  1. علشان كنا رجالة ووقفنا وقفة رجالة
    بواسطة مهندس محمد صلاح في المنتدى المنتــــــدى الاجتمــاعى
    مشاركات: 7
    آخر مشاركة: 07-11-2017, 09:03 AM
  2. الطبه الي في الرفرف وقعت يا رجالة
    بواسطة elsheikh2010 في المنتدى هيــونــداى
    مشاركات: 5
    آخر مشاركة: 04-07-2011, 10:29 PM
  3. انا ......وقعت ... وإتبهدلت
    بواسطة omarken في المنتدى مختــلف أنواع الدراجات النارية
    مشاركات: 51
    آخر مشاركة: 12-07-2010, 11:32 PM
  4. طلب من رجالة المنتدي وخاصة رجالة الاسكندرية
    بواسطة بوالينو في المنتدى بيـــع و شــــراء
    مشاركات: 8
    آخر مشاركة: 31-10-2009, 03:07 AM
  5. النت وقعت يا رجالة
    بواسطة ecybrarian في المنتدى المنتــــــدى الاجتمــاعى
    مشاركات: 60
    آخر مشاركة: 03-02-2008, 06:51 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2