سؤال عن العربيات الخليجى ؟؟

**kareemhisham** · 10-03-2009 07:17 PM

هو لما العربية ماتكونش نزلت التوكيل ,,و تكون نزلت عند بعض المعارض بس خليجى ,, طبعا مش بيكون ليها سعر معين ,, طب لما التوكيل بقا يجى ينزلها ,, هل (غالبا) بتكون اغلى ولا ارخص ؟؟ على سبيل المثال ,, الكيا فورتى الجديدة ,, فى دلوقتى بعض المعارض جيباها خليجى هاى لاين 125 و الاقل منها ب115 و كان فى حد تانى قال انو كلم حد و قالو ان الهاى لاين ب115 و الاقل منها ب105 ,, فياريت كدة بخبراتكم السابقة تجاوبوا على السؤال و تقولوا رأيكم فى موضوع الفورتى دة
و اسف للاطالة ,, و شكرا مقدما

**kareemhisham** · 11-03-2009 03:27 PM

ايه يا جماعة ,, محدش عندوا اى فكرة ؟؟؟؟؟؟؟؟؟؟؟

**lolly136** · 11-03-2009 07:46 PM

am waiting for others answers plz

**som3aa** · 11-03-2009 08:54 PM

غالبا بتكون ارخص بعد كدا بس بفرق قليل مثلا 5000 جنيه لان اول دفعة بتنزل و لسه منزلتش التوكيل بيحاولوا يكسبوا فيها زيادة شوية بس طبعا مش شرط و بتفرق من عربية لعربية مثلا فى معرض اللى منزل الفورتى عنده الoctavia الجديدة اعلى فئة ب 202 الف , الصراحة انا شايف ان مستحيل التوكيل هينزلها كدا لانه بيبيع القديمة ب 193 و فيها حاجات كتير اقل. اما الفورتى فانا متوقع التوكيل ينزلها ارخص (دا مجرد تخمين منى) لانها منافسة الالنترا و الالنترا الهاى لاين ب 113 دلوقتى , دى اكيد هتكون اغلى شوية بس هتكون بضمان 5 سنين و دا طبعا مهم جدا يعنى حتى لو اتباعت ب 120 و لا حتى 125 زى الخليجى هيكون معاها ضمان 5 سنين فالاحسن تستوا شوية لان التوكيل مش هيتاخر فى تنزيلها , كلها شهرين بالكتير و تكون بتتباع فى التوكيل.

**kareemhisham** · 11-03-2009 09:55 PM

المشاركة الأصلية كتبت بواسطة som3aa

غالبا بتكون ارخص بعد كدا بس بفرق قليل مثلا 5000 جنيه لان اول دفعة بتنزل و لسه منزلتش التوكيل بيحاولوا يكسبوا فيها زيادة شوية بس طبعا مش شرط و بتفرق من عربية لعربية مثلا فى معرض اللى منزل الفورتى عنده الoctavia الجديدة اعلى فئة ب 202 الف , الصراحة انا شايف ان مستحيل التوكيل هينزلها كدا لانه بيبيع القديمة ب 193 و فيها حاجات كتير اقل. اما الفورتى فانا متوقع التوكيل ينزلها ارخص (دا مجرد تخمين منى) لانها منافسة الالنترا و الالنترا الهاى لاين ب 113 دلوقتى , دى اكيد هتكون اغلى شوية بس هتكون بضمان 5 سنين و دا طبعا مهم جدا يعنى حتى لو اتباعت ب 120 و لا حتى 125 زى الخليجى هيكون معاها ضمان 5 سنين فالاحسن تستوا شوية لان التوكيل مش هيتاخر فى تنزيلها , كلها شهرين بالكتير و تكون بتتباع فى التوكيل.

الف شكر على اهتمامك و ردك المفيد

**kareemhisham** · 13-03-2009 07:19 PM

ايه يا جماعة محدش تانى عندو رأى فى الموضوع دة ؟؟

**zobaaa** · 14-03-2009 03:57 PM

مش فكل العربيات تشتري الخليجي بص لتوكيل العربيه لو التوكيل صاحبو او حد من صحابو او الشركه ليهم نفس التوكيل فالخليج اتكل على الله واشتري ... ممم ولعلك في صحاب توكيلات مصريه بيبقم على علاقات كويسه مع الخليجيين فا دا عادي برضو هات العربيه الخليجي عادي ... وساعات صحاب التوكيل واللي بيجيب الخليجي اخوات او قرايب فا دا عادي بردو

انما فالكيا التوكيل اضمن حاجه واستنى يا سيدي شويه وسيبها تصدي وموديلها و الدنيا عماله ترخص اهه والعيشه هتبقى فللي

**ethan82** · 15-03-2009 11:25 AM

انا رأيي ان لو الخليجي ارخص ولو حتي الفين جنيه اشتري خليجي . صدقيني مش فارقه في التوكيل ولو العربية فيها حاجه الأتينين بيتحاسبو نفس الحساب سواء خليجي او توكيل. مع الأخذ في الأعتبار ان العربية الخليجي بتكون مواصفاتها افضل وفيها مميزات اضافيه ممكن يكون التوكيل شايلها.
انا لو رجع بيا الزمن كنت جبت خليجي. كانت ارخص وفيها حاجات زيادة. لاكن بالنسبة لفكره الشراء عموما . بصراحه اوعي تشتري دلوقتي واستني شوية لأن زي مانتي عارفه وانا عارف ان الفتره الي جايه في عربيات سعرها هينزل جامد وده أكيد هيأثر علي باقي السوق.

وعلي فكره الفورتي مش هتنزل بالأسم ده وهتنزل بأسم سيراتو بارضو. وده أكيد.