يوم 19 مارس بقى أجازة رسمية ؟؟؟؟

**sendrella** · 11-03-2009 01:36 AM

المشاركة الأصلية كتبت بواسطة aif

بس ده كدة تفرقة بين الطلبة والمدرسين من جهه و بين باقي خلق الله من الموظفين من جهه اخري
دي عاوزة واحد محامي شاطر وغاوي شهرة .... وهوب يبقى عدم دستوري يا باشا ... المادة عشارتاشر .. البند الف باء تاء ... من الفقرة القطنية من ظهر الدستور بتقول .... معاهم معاهم عليهم عليهم ....
صح ؟؟؟

ههههههههههههههههههههههههه ههههههههههه

اكبر صح يا استاذ احمد

عمار يا بلدنا

**AboELsoud** · 11-03-2009 02:08 AM

اتفضل يا باشا الخبر اهه
بتوجيه من الرئيس حسني مبارك، وفي إطار الاحتفالات بأعياد تحرير سيناء، أصدر الدكتور أحمد نظيف رئيس مجلس الوزراء قراراً بالاحتفال بيوم 19 مارس من كل عام بعيد تحرير طابا، على أن تعطل فيه المدارس والمعاهد والجامعات فقط ولا تعطل فيه المصالح الحكومية.صرح بذلك الدكتور مجدي راضي المتحدث الرسمي باسم مجلس الوزراء.
وأوضح أن هذا اليوم يوافق ذكرى رفع علم مصر على طابا بعد انتهاء تحريرها، كما يوافق العيد القومي لمحافظة جنوب سيناء.

و المصدر من موقع مصراوي

**MoToRiZeR** · 11-03-2009 02:31 AM

ده السنة كلها بقت أجازة .

**powerofhelll** · 11-03-2009 02:41 AM

حلو عقبال بقيت السنه
و عيد لم الفجل و عيد الالتزام في البيت و عيد ميلاد السفيره عزيزه و عيد تحرير الجندي المجهول و سلامي للنوم في العمل

**dr.nemo** · 11-03-2009 04:41 AM

مهو مضيعناش الا الاجازات دي
كل اسبوع اجازة شكل
شكلهم هيضمونا مع الانتساب وخلاص

**Terrible_DaRsH** · 11-03-2009 04:50 AM

مراعاة لظروف الطلاب لانهم هيبقوا لسه راجعين من مارينا ..

**mrghost** · 11-03-2009 05:23 AM

يعنى الجامعات كمان اجازه !!!!!
ايه الحلاوه دى ده التيرم كده هيصفى على شهرين ويمكن اقل

**data_call** · 11-03-2009 07:20 AM

هم اصلا زهقوا من العيال فى المدارس والمدرسين مش لاقيين وقت للدروس والحكومة معندهاش فلوس تزودهم فقالت تساعدهم بطريق غير مباشر تدى العيال اجازة فياخدوا اليوم من اوله دروس وبكده يزيد اجر المدرس امال هم مادوش الموظفين اجازة ليه عشان يعرفوا يدفعوا تمن الدروس

**OlaOsman** · 11-03-2009 07:41 AM

طيب برضه ليييييييييييه الأجازة دي للمدارس و الجامعات بس؟ إيه علاقة تحرير طابا بالمدارس و الجامعات؟ ماهم اللي بيشتغلوا برضه فرحانين بعودة طابا حتى شوشوا