ابيعها ولا بلاش (طيب حد يتمنها)...

**i_Am_Legend** · 10-03-2009 07:56 PM

عربيتى 127 ايطالى مو1974 ازرق ميتاليك كراسى جلد وبطارية جديدة بقالها شهرين وتابلوة معدل فيورا وكاوتش تيوبلس,,, ومساعدين جديدة(استيراد) وعلبة دريكسيون جديدة ,,وطارة اسبور,,وفرامل جديدة ..........ياترى تعمل كام؟؟؟؟؟؟؟؟؟؟؟؟؟؟
ودى صورها ولو عجبنى السعر انا ممكن ابيعها
وعلى فكرة والله انا عمرى ماتمنتها ابدااااااااا
بس انا عايز اعرف.............

**sasam6** · 10-03-2009 09:10 PM

عربية حلوة ماشاء الله
وربنا يوفقك بالسعر الى انت عايزو

**mxz911** · 10-03-2009 09:18 PM

لا اعتقد انها هتجيب اكتر من 11 الف

**SeiffoZ** · 10-03-2009 09:30 PM

المشاركة الأصلية كتبت بواسطة i_Am_Legend

عربيتى 127 ايطالى مو1974 ازرق ميتاليك كراسى جلد وبطارية جديدة بقالها شهرين وتابلوة معدل فيورا وكاوتش تيوبلس,,, ومساعدين جديدة(استيراد) وعلبة دريكسيون جديدة ,,وطارة اسبور,,وفرامل جديدة ..........ياترى تعمل laكام؟؟؟؟؟؟؟؟؟؟؟؟؟؟
ودى صورها ولو عجبنى السعر انا ممكن ابيعها
وعلى فكرة والله انا عمرى ماتمنتها ابدااااااااا
بس انا عايز اعرف.............

مش دى فيروز إلى حضرتك صرفت عليها و كنت بتحبها؟؟؟ عايز تبيعها ليه؟؟ لو هتبعها و تركب زيرو حاجة أحسن ماشى .. لكن ماتبعهاش و تجيب ماروتى مثلا ..
و ربنا يوفق إلى ما يحبه و يرضاه إن شاء الله

**hesham_shousha** · 10-03-2009 10:13 PM

المشاركة الأصلية كتبت بواسطة Relentless_mayhem

مش دى فيروز إلى حضرتك صرفت عليها و كنت بتحبها؟؟؟ عايز تبيعها ليه؟؟ لو هتبعها و تركب زيرو حاجة أحسن ماشى .. لكن ماتبعهاش و تجيب ماروتى مثلا ..
و ربنا يوفق إلى ما يحبه و يرضاه إن شاء الله

دى ماكملتشى معاه سنه
ياترى هل ده معناه ان ال 127 سياره موش قد كده ؟؟

**i_Am_Legend** · 10-03-2009 10:50 PM

المشاركة الأصلية كتبت بواسطة Relentless_mayhem

مش دى فيروز إلى حضرتك صرفت عليها و كنت بتحبها؟؟؟ عايز تبيعها ليه؟؟ لو هتبعها و تركب زيرو حاجة أحسن ماشى .. لكن ماتبعهاش و تجيب ماروتى مثلا ..
و ربنا يوفق إلى ما يحبه و يرضاه إن شاء الله

والله هى عربية ممتازة وكل حاجة ........بس انا مخنوق قوى اليومين دول ودة مخلينى عمال اعمل اى حاجة فى اى حاجة......حاسس بخنقة رهيبة.......وعايز اكسر الملل.....فبحاول اعمل اى حاجة جديدة مش اكتر.......

تصدقوا انى مش معايا فرق لعربية جديدة او مستعملة حتى ولو بعتها هاقضيها مواصلات .....وهى اساسا رخصتها منتهية بقالها سنة من شهر 4-2008 وماجددتهاش لحد دلوقتى(والسبب انى بكره المرور وبتوع المرور وقرف المرور ....ووقفت فى كمين قبل كدة وسحبو رخصة العربية......والكلام دة من شهرين......حتى الظابط استغرب قال ياه ...........وادانى وصل ومدتة اسبوع......وكبرت دماغى بردة والوصل لسة معايا:10D5C8~1107:
وعلى فكرة انا دافع لها الضريبة والتامين الاجبارى والورق جاهز بس انا بكره مشوار المرور والرشاوى.........وصدقونى غرض البيع زهق مش اكتر ومين عارف انى ممكن ابيعها ولا لا.......الله اعلم مجرد كلاممممممممم

**i_Am_Legend** · 10-03-2009 10:57 PM

المشاركة الأصلية كتبت بواسطة hesham_shousha

دى ماكملتشى معاه سنه
ياترى هل ده معناه ان ال 127 سياره موش قد كده ؟؟

اه منك ياباشا انت ما بتصدق تيجى سيرة الفيات او ال127 بالذات
ياحبيب قلبى والله والله 127 تحفة

بس انا قرفان والله قرفان جدااااااا ونفسى اعمل اى حاجة جديدة تعرف انى من كام يوم كنت عايز ابدل باى عربية اى عربية لمجرد كسر الملل...والله دة السبب كنت هابدل بBMW SHARK 1600 مع دفع فرق 5000 جنيه وكانت مجنطة بتاع....وؤينو سوبر سينيك 5 مو84 مع دفع فرق بسيط.... دة غير اللى بيوقفونى فى الشارع (للبيع؟) بس الحمد لله فى كل مرة كان حد من اصحابى يفوقنى ويقولى بلاش كل اللى فات قطع غياره غالية ومش موفر فى البنزين .........مش عارف (حالة ملل)