الموضوع: فزورة

المشاركة الأصلية كتبت بواسطة sab3aawy

لكن لو هنتكلم جد فالرياضيات تقول انى اغير اختيارى،

ليه اغير اختيارى:

هو السؤال ده ليس فزورة لكنه يندرج تحت ما يسمى بالمعضلة وهى الأسئلة الشائكة الشهيرة التى قد تكون رياضية او فلسفية، مثل معضلة اهل جزيرة رودس مثلا" اهل رودس كلهم كذابين، ومن اخبرنى بهذة المعلومة هو شخص من رودس ، اذن هو كذاب ، اذن اهل رودس ليسو كذابين، اذن هو ليس كذاب، اذان اهل رودس كذابين...وهكذا"
اما المعضلة التى بيدينا فهى معضلة رياضية تتعلق بنظرية الاحتمالات تسمى فى الثقافات الغربية"معضلة برنامج المسابقات" وفى الثقافة العربية يطلق عليها البعض "معضلة ميشو"، نسبه الى المذيع اللبنانى الذى كان يمارس هذة الحيلة فى برنامج المسابقات"قصة كبيرة"
واللآن ، لماذا يجب ان اغير اختيارى، هشرحها بمثال اكبر شوية، لو هنفرض ان انا ليس امامى ثلاثة ابواب، لكن 100 باب، وانا اخترت واحد منهم، فقام المذيع بفتح 98 باب هو يعرف انها خاليه وترك لى الباب الذى اخترته وباب واحد تانى وقال لى ايهما تختار، فى هذة الحالة فان فرصة ان يكون الباب الذى اخترته انا صح هى 1% فقط لأنى اخترته من وسط 100 باب، فى حين ان فرصة ان يكون الباب الآخر صح هى 99% لأن هو الباب اللى فضل من 100 باب انا مخترتش منها ، كلامى منطقى مش كدة؟

طيب لو صغرنا المثال الى مثال ميشو، انا اخترت باب عشوائيا من 3 ، تبقى فرصته 1/3 او 33% ، فى حين ان الباب الذى تركه ميشو مغلقا قد ورث فرصه الباب الذى فتحه ميشو بالاضافة الى فرصته الأصلية فاصبحت فرصته 66% (قارت بمثال ال100 باب وستفهم الفكرة) يبقى هنا الباب الثانى فرصته هى ضعف فرصة الباب من اختيارى، يبقى اغير اختيارى

يا ترى انا صح وللا لأ

كلام رياضي جميل
لكن
الفعلي اللي حصل ان الإحتمالات اللي كانت مبنية على الوضع الاول ( الاصلي ) خلصت خلاص
وبقى عندنا وضع جديد .... وفي الوضع الجديد على ارض الواقع الاحتمالات متساوية بين البابين .... بعد استبعاد الباب اللي فتحه ميشو ...
يعني 50% و 50%
اعتقد انها ح تبقى مسألة نفسية بحتة

المشاركة الأصلية كتبت بواسطة sab3aawy

انا كنت متفق معاك تماما فى فكرة ال 50% 50% ،
لكن لما فكرت شوية فى فكرة ال 100 باب لقيت ان فكرة 33% الى 66% اقرب للتصديق خاصة ان حياتى علمتنى انى اثق فى الرياضيات، كما انى مقدرش اتفق معاك تماما فى ان الاحتمالات المبنية على الوضع الأصلى انتهت، لأن الباب اللى انا اخترته انا اخترته من 3 ابواب ، فى حين ان الباب الباقى تم اختياره من بابين فقط وليس من 3، وبالتالى فأن الوضع الأصلى لازال يلقى بظلاله على الوضع الجديد، وللا ايه رأيك؟

الباب اللي انت اخترته فعلا اخترته من 3 ابواب ..... لكنه اصبح من بابين
.... انا شايف ان الاحتمالات متساوية ......
احتمال اختيار الباب الاول كانت 33% ثم اصبحت 50 %
احتمال الباب الثاني ايضا كانت 33% ثم اصبحت 50%
يعني مفيش اي فرق .... غير العامل النفسي
يعني الواحد يستخير ربنا و يختار
....
وبعدين هو صاحب الفزورة راح فين .....
انت فين يا تتح

المشاركة الأصلية كتبت بواسطة sab3aawy

انا لازلت مقتنع ان الباب الباقى ورث فرصة اخيه المفتوح بالكامل دون ان يشاطره فى اى نصيب منها الباب اللى انا اخترته فى الأول وبالتالى فرصته ضعف فرصه بابى،

عموما فاننا جميعا فى انتظار تتح حتى يحل لنا هذة الدايلاما

الحل اللي انت قلته رياضيا صحيح .....
لكن فعليا .... غير مقنع
انا شايف ان اللي فات مات .... ونبدأ الاحتمالات على الوضع الجديد

وآدينا منتظرين تتح
انا معاكم لغاية مراتي ما تطش الملوخية ...... او تتح ييجي ايهما اقرب
يا رب تيجي بقى يا تتح .... انا بدأت اجوع يا تتح

المشاركة الأصلية كتبت بواسطة sab3aawy

المشكلة يا استاذ احمد ان الموضوع ابتدا يتعقد، فالموضوع الذى بدأ بمعضلة واحدة اصبح يحمل حاليا اربعة معضلات:

1- هل اغير اختيارى بشان الباب ام لا
2- هل اهل رودس صادقون ام كاذبون
3- هل سيأتى تتح قبل طش الملوخية ام بعدها
4- أيييييييييينننن ذهب تتااااااااااااااااااااااا اح

يا ابو السباع
انا دورت على الفزورة لغاية ما لقيتها على النت .... وده طبعا عشان الملوخية ما تبردش واحنا منتظرين تتح
الحل اللي قالة صاحب الفزورة زي ما انت قولت تماما ....0 لكن الفزورة ان باب وراه سيارة وبابين وراهم معزة .... ايون معزة .... مااااااااء
هو طبعا حل صحيح رياضيا .... ومع اني درست نظرية الاحتمالات وكنت باجيب امتياز في الاحصاء ..... لكن برضه مش مستريح للحل ده ......
مش عارف لية مش عاوز اقتنع
هيا بس النقطة ..... بعد ما الوضع اتغير واصبح الخيار بين بابين فقط ..... ايه تأثير الوضع السابق بعد ان تغير الي وضع جديد ؟؟؟