"سالك" ... النظام الإلكتروني للتعريفة المرورية في دبي. ( و هو مينفعش قي مصر يعني ؟ )

**M.Osman** · 10-03-2009 08:06 PM

السلام عليكم ...

فكرة كانت جت في دماغي و بتهيألى هى موجودة في مصر بس في نطاق محدود جداً..
مشكلة مصر في الطرق و الزحمة .. إلخ

طب لماذا لا تقوم إحدى شركات القطاع الخاص (مثل سالك في دبي ) بعمل إستثمارات و تمسك الموضوع دا ؟

مش كل ما حد يتكلم عن الجمارك يقول لو اتلغت هتعمل زحمة اكتر عشان مفيش طرق و كلام من دا ..؟
طب ما الحل موجود و يكون بالتنسيق مع القطاع الخاص و الحكومة ... القطاع الخاص يحصل الفلوس دي من الطرق الرئيسية (و في نفس الوقت يقلل من الزحام في هذه المناطق ) و في نفس الوقت يقوم بتحسين الطرق ...

و كله لمصلحة الجميع win-win يعني ..

مزيد من المعلومات عن سالك في دبي:

باستخدام أحدث التقنيات الخاصّة بالتعرفة المرورية، لتحقيق انسيابية الحركة المرورية بدون أي نقاط وقوف لدفع التعرفة، وبدون أي تأثير على حركة السير وعلى السرعة المحددة في الطرق. ففي كلّ مرة تعبر بسيارتك إحدى مناطق التعرفة، سيتمّ استقطاع الرسم المحدد والبالغ 4 دراهم بصورة تلقائية من حسابك المدفوع مسبقاً والخاص بالتعرفة المرورية، وذلك باستخدام أحدث التقنيات في تحديد موجات الراديو (RFID).

http://www.salik.ae/Default.aspx

يا ريت رأيكم يا شباب ...

**wesam_salom** · 10-03-2009 08:17 PM

يعنى علشان حضرتك تروح الشغل تدفع مثلا 10 جنيه رايح جاى علشان تمشى فى طريق فاضى شويه

ده بالاضافه للبنزين الغالى والمخالفات الوهميه والانتظار المبالغ فى اسعاره

وانت راكب عربيه الحكومه واخده تمنها منك مرتين

وشوارع ما يعلم بيها الا ربنا

طب ندفع فلوس تانى ليه

ايه الخدمه اللى هيقدموهالنا

**Hacker5** · 10-03-2009 08:56 PM

هيا البلد لسة فيها اماكن تنفع تبقى طرق ؟؟؟

**marsguy** · 10-03-2009 09:07 PM

الموضوع صعب حبتين في القاهره

عشان وقت الزحمه ما فيش طريق بيكون فاضي والتاني مش فاضي، كله بيبقى زحمه رهيبه.

في دبي اللي مش عاوز يدفع بيمشي في طرق تانيه أزحم بس بتكون ماشيه برضه، لكن هنا في مصر الموضوع ده لو إتعمل ما أعتقدش هايعد أكتر من أسبوعين بالكتير وبعد كده هاتقوم ثوره إسمها ثورة المخنوقين زي ثورة الجياع كده بس اللي هايعملها هم الناس اللي إتخنقوا من الزحام الرهيب اللي في الشوارع اللي ببلاش.

**Hossam_Hassan** · 10-03-2009 09:13 PM

اصبر على رزقك، هتتنفذ هتتنفذ

بس على الطريقة المصرية

ادفع ثم اشتكى.

**M.Osman** · 10-03-2009 09:17 PM

شكرا للتفاعل..

الفكرة اللي في دماغي هي ان على الحكومة إلغاء الجمارك... لتكون مثلا مثلا سعر العربية ذات ال100 الف ج .. حوالي 60 الف ...

طبعا ناس هتقول كدا الشوارع هتكون زحمة جدا ..

هنا تأتي الفكرة ... ( محدش يفهمني غلط انا مش اناني )
ان لما شركة خاصة تهتم بالطرق و "تظبطها" يعني من الفلوس اللي هتحصلها .. كدا ممكن انك بتدفع زي ضريبة برضه على إمتلاك سيارة و لكن ليس بحجم الجمارك و في نفس الوقت الشركة الخاصة مستفيدة... المواطن مستفيد لأن الطرق هتتصلح و هيتصرف عليها... و تم في نفس الوقت الحفاظ على معدل السيارات فى البلد ... لأن قرار شراء سيارة هيكون داخل فيه مصاريف الطرق دي ..

الفكرة طبعا صعبة التنفيذ و بالذات فى القاهرة ... لكن اعتقد انها ظريفة و مش وحشة لو تم تطبيقها صح و في الطرق السريعة فقط مثلاً...

يا ريت تكون وجهة نظري وصلت :)

**wesam_salom** · 10-03-2009 09:27 PM

المشاركة الأصلية كتبت بواسطة SuccessCre8or

شكرا للتفاعل..

الفكرة اللي في دماغي هي ان على الحكومة إلغاء الجمارك... لتكون مثلا مثلا سعر العربية ذات ال100 الف ج .. حوالي 60 الف ...

طبعا ناس هتقول كدا الشوارع هتكون زحمة جدا ..

هنا تأتي الفكرة ... ( محدش يفهمني غلط انا مش اناني )
ان لما شركة خاصة تهتم بالطرق و "تظبطها" يعني من الفلوس اللي هتحصلها .. كدا ممكن انك بتدفع زي ضريبة برضه على إمتلاك سيارة و لكن ليس بحجم الجمارك و في نفس الوقت الشركة الخاصة مستفيدة... المواطن مستفيد لأن الطرق هتتصلح و هيتصرف عليها... و تم في نفس الوقت الحفاظ على معدل السيارات فى البلد ... لأن قرار شراء سيارة هيكون داخل فيه مصاريف الطرق دي ..

الفكرة طبعا صعبة التنفيذ و بالذات فى القاهرة ... لكن اعتقد انها ظريفة و مش وحشة لو تم تطبيقها صح و في الطرق السريعة فقط مثلاً...

يا ريت تكون وجهة نظري وصلت :)

علشان ده يحصل

لازم البلد كلها تتغير

يعنى يعملوا مناقصه لشركه بشروط الجوده والسعر وتكون مناقصه علنيه مفيهاش لعب

يكون فيه رقابه

طبعا فى مصر

اللى هياخد الشركه دى يا اما هيكون واصل او راشى

والناس اللى المفروض هى الرقابه عليه ربنا هيكرمهم وهيبقى عندهم شاليهات فى الساحل الشمالى

والناس هتدفع غصب عنها علشان الزحمه لان باقى الطرق هتتقفل نهائى

فى الاخر هنوصل اننا فتحنا باب جديد للسرقه والجبايه وطبعا ده من جيب المواطن الغلبان

وهيبقى اسمه سالك ومخروم ومنهوب كمان (جيب المواطن الغلبان)

**M.Osman** · 10-03-2009 09:33 PM

وهيبقى اسمه سالك ومخروم ومنهوب كمان (جيب المواطن الغلبان)

فعلاً... للأسف :(

**wesam_salom** · 10-03-2009 09:38 PM

المشاركة الأصلية كتبت بواسطة SuccessCre8or

فعلاً... للأسف :(

خلاص يبقى نقفل على الموضوع ده

قبل ما الحكومه تاخد بالها منه

انت عارف اليومين دول

العمليه ناشفه قوى معاهم وما بيصدقوا :10D5C8~1107:

ممكن يسمعوا كلامك وينفذوه

ويدوك جايزه كبيره

يعملوه بيعدى من قدام بيتكم وكل ما تيجى تروح تدفع 10 جنيه محبه فى البلد

**M.Osman** · 10-03-2009 09:49 PM

طالما في جائزة ليا ... انا موافق :)

هاها ... و على رأي العضو حسام حسن:

اصبر على رزقك، هتتنفذ هتتنفذ

بس على الطريقة المصرية

ادفع ثم اشتكى.

الموضوع: "سالك" ... النظام الإلكتروني للتعريفة المرورية في دبي. ( و هو مينفعش قي مصر يعني ؟ )

LinkBack

أدوات الموضوع

عرض

-

-

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

إن لم تهتف اليوم "يا أيها النظام ارحل" ستصرخ غدا "يا أيها النظام ارحم"

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة

الموضوع: "سالك" ... النظام الإلكتروني للتعريفة المرورية في دبي. ( و هو مينفعش قي مصر يعني ؟ )

LinkBack

أدوات الموضوع

عرض

-

-

-

-

-

-

المواضيع المتشابهه

___""""""""الاسطورة لكزس gs الكوبيه تنتظركم في عام 2013 """"""""___

إن لم تهتف اليوم "يا أيها النظام ارحل" ستصرخ غدا "يا أيها النظام ارحم"

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة

_""""""""الاسطورة لكزس gs الكوبيه تنتظركم في عام 2013 """"""""_