-
ستلمت السيريون الحمدلله
استلمتها امبارح
فعلا محدش بيركب العربيه دي الا لما لازم تعجبو
جبتها GLX حمرا
الحمدلله العربيه كويسه جدا ومش حاسس ان ناقصها حاجه
انصحوني .... افرشها ولا اسيبها كده ....
بصراحه انا عيز افرشها عشان احافظ عليها بس كل الفرش اللي في ميدان الجامع سيىء و بيبوظ شكا العربيه
-
الف مبروك علي العربية وربنا يبارك لك فيها. على مهلك في التليين ومتستعجلش عليها. بالنسبة للفرش انت ممكن تستنى شوية عليها علشان تفرح بيها لحد متلاقي الفرش اللي يعجبك علشان الفرش الاصلي ميتبهدلش.
-
الف مبروك وبارك الله لك فيها
-
مبروك يا زززززززززززززززززز
فرش و ارضيه علي طول من غير كلام
و علشان خاطري و ما تكسلشي الغطا ثم الغطا ثم الغطا
ربنا يبارك لك فيها يا باشا
-
شكرا لاهتمامكم ... انا مبسوط من يوم معرفتكم عالموقع .
أفرش فين فرش محترم يكون متين و ميبوظش شكل العربيه ... انا نفسي اجيب فرش زي الفابريكه بالظبط
-
تعالي الاجتماع اللي جي
و اتفرج علي العربيات و شوف الفرش اللي فيها
عايز الصراحه لو معاك فلوس اعمل فرش تفصيل
بيكون تحفه و يا عيني لو لونين فيهم لون العربيه
-
الف مبروك
ربنا يباركلك فيها و يحفظها لك من كل سوء
-
-
اولا : الف مبروك ربنا يباركلك فيه ويكفيك شرها
ثانيا : قبل الفرش و وقبل ما تمون العربية لازم غطا العربية اوعى تكسل زى ما قاللك المهاتما
ثالثا : بالنسبة للفرش عندك علياء او سبير كار الاتنين احلى من بعض
اخيرا : ريح العربية فى التليين تريحك طول عمرك
-
الف شكر يا جماعه علنصايح دي كلها
ان شاء الله احضر الاجتماع القادم واتعرف عليكو
هو الاجتماع امتي و فين انشاء الله؟
Content Relevant URLs by
vBSEO 3.6.0 PL2