انا رايح اعمل صيانة 40 الف يوم الخميس القادم

السلام عليكم ورحمة الله
اخواني ف يالله وحشني جدا وانا حزين جدا اني مقدرتش احضر اللقاء الثالث لمحبي دايهاتسو
وكان نفسي جدا احضر علشان اشوف حبايبي في الله واشوف الاخ الجميل معاذالي نفسي اشوفو جدا واخويا الودود على واشوف اخويا في الله ابو عبدالله ومحمود موترايزر وميدو سريون وكل الناس الجميله دي
ولما قرات كلامكم على المقابله زعلت اكتر اني متعرفتش على الاستاذ الجميل توفيق طه
بس ان شاء الله تتعوض عن قريب واشوفكم في احسن صحه وحال :S_thum1[1]:

انا ان شاء الله رايح مركز العبور يوم الخميس 12/3/2009
ياريت يا شباب لو حد عندو اي نصيحه يقولهالي لان دي صيانه مرهقه في فلوسها فلو في اي طريقه ممكن تقلل شويه من التكاليف يارت ما تبخلوش عليا
مع العلم ان تيل الفرامل عندي خلص ومحتاج تغيير برضو
ودعواتكم ليا ان الصيانه تتم على خير
واشكركم لحسن استماعكم :)

أخى الفاضل/هيثم باشا .

تحيتى وشكرى العميق لمشاعرك الرقيقة.وفعلا افتقدناك فى المقابلة وأفتقدنا باقى الأحبة .المهم فى صيانة ال40 ألف كما فعلت أنا هناك لاتغير الزيت عندهم ممكن تغبر تيل الفرامل واذا كانت البوجيهات جيدة ولاتعمل مشاكل أطلب منهم عدم تغيرها أيضا سير الأدارة.وهذا سيقلل كثرامن التكلفة حيث صيانتها تصل الى 1600 جنية؟؟ وأحرص على اخبارهم أنك من جروب نايل موترزحتى تستفيد من الأهتمام والتخفيض.ومبر وك مقدما على الصيانة...

تحيـــــــــاتى

واحنا كمان كان نفسنا نشوفك ونشوف كل الأخوة
وان شاء الله تتعوض

وربنا يوفقك في الصيانة ان شاء الله
وياريت تسألي عل الأنذار الأصلي اللي نازل للسيريون الجديد ده
عاوز اعرف مميزاته كلها غير انه بيقفل ويفتح والكلام ده
يعني لما مثلا اقفل العربيه واشغل الأنذار لو حد فتح الباب بيعمل ايه او شغل الماتور بيعمل ايه كده يعني ؟؟

شكرا يا استاذ توفيق على اهتمام
وحاضر يا ابو عبدالله هسالك ان شاء الله

i heared it is for 800 L.E the Alarm :(

ربنا معاك يا هيثم

و يا ريت الناس اللى عملت الصيانة كاملة زى ميدو يقولوا عملوا ايه بالظبط, علشان الواحد يعرف التفاصيل كلها

اهم حاجة ياهيثم فى الموضوع دة تكون واقف جنب عربيتك وتتاكد ان كل حاجة بتتغير زى اللى مكتوبلك فى الورقة او الوصل اللى هتستلمة من المهندس وكمان تقول للمهندس يشوفلك الاول الحاجات اللى هتتغير مستهلة تتغير ولا لا انا عملت كدة وبلاش حكايت تقلل من الاشياء اللى هتتغير علشان ممكن تكون استهلكت من عندك ومتعملهاش تروح تعمل مشكلة كبير فخلى بالك من نقطة تكون جنب العربية
وابقى طمنا عليك وكان نفسنا بجد نشوفك

اقتباس:

---

المشاركة الأصلية كتبت بواسطة medo_sirion

اهم حاجة ياهيثم فى الموضوع دة تكون واقف جنب عربيتك وتتاكد ان كل حاجة بتتغير زى اللى مكتوبلك فى الورقة او الوصل اللى هتستلمة من المهندس

---

معلش يا ميدو اللى انا اعرفه ان ممنوع العميل يدخل للمكان اللى فيه الشغل و المتاح ليه انه يشوف الشغل اللى بيتعمل فى العربية من صالة الانتظار فوق لو المعلومة غلط حد يصححهالى
..............
النقطة التانية هل ممكن فعلا ان حاجة ماتتعملش واتحاسب عليها ...طبعا على سبيل الخطأ ... وليس عمدا

انا قصدى واقف جنبها يعنى يخلى عنيه عليها طول مبتعملها صيانة علشان ممكن حاجات مش بتتعمل وهوة مش واخد بالة منها وكان فى حركة كنا بنقف تحت عند مكتب الاستقبل ونخلينا واقفين شيفين العربية من تحت احسن

مبروك مقدما وان شاء الله سهله وبسيطة فى فلوسها بس انا رأى تقول للمهندس اللى هايستلم العربية انه يبلغك الاول بالحاجات اللى محتاجة تتغير وخصوصا سير الادارة ...وبالمرة كدة سؤال هى فعلا البوجيهات تفرق فى حرق البنزين يعنى بتشتغل طوال دوران الموتور ولالأ علشان انا فاهم انها بتشتغل مع بداية الحركة بس وفى ناس بتنصح انها تتغير كل 30 او 35 كم بالكتير
وبالتوفيق يا باشا