من خمس سنين كنت بشتغل في جريدة الدستور و كنت بكتب في صفحة ضربة شمس (صفحة ساخرة في الدستور) جنب القسم اللي كنت شغال فيه اما كان بيجيلي فكرة يعني .. فا كان فيه مجموعة من محبي صفحة ضربة شمس منظمين زيارة للجرنال يتعرفوا عالناس بس انا محضرتش لأن انا مكنتش من فريق عمل الصفحة الأساسيين يعتبر .. فا فاكر إن كانوا قاعدين و انا في أخر الأوضة ضهري ليهم و قاعد بكتب في موضوع عاللاب توب كنت شغال فيه، فا سامعهم بيقولوا "كان فيه من كذا عدد كدا الموضوع بتاع كذا كذا كذا الموضوع ده كان مسخرة و موتنا من الضحك مين اللي كاتبه؟" و كان موضوع انا اللي كاتبه، لسبب ما مش عارف ليه مقلتلهمش انا أهوه بس كنت مبسوط أوي ، و كمان كنت لسة صغير(17سنة) و مبسوط إن بشتغل فا الموضوع فرحني جداَ .
المفضلات