عايز اعرفك ايه رأيكم في مركز خدمة كارافان مدينة نصر ارجو الأفادة
عرض للطباعة
عايز اعرفك ايه رأيكم في مركز خدمة كارافان مدينة نصر ارجو الأفادة
كارفان موجود فى الرحاب مش مدينه نصر
انا اتعاملت معاه و هما ناس فاهمه جدا جدا
بس خلى بالك ممكن و انت واقف كده يخلوك تشترى عربيه جديده هايفضل يقولك ده عاوز يتغير و ده وده
يعنى من الاخر تروح و انت محدد انت عاوز تعمل ايه و ايه اللى انت ناوى تغيره
ههههههههههه
على فكره مش ممكن نهائي مستحيل ان اي حد مننا يقولك القطعه دي عاوزه تتغير وتكون سليمه وجرب
وكمان القطعه القديمه بتاخدها معاك وممكن تسأل
أي مهندس في أي مركز أخر عن حالتها وجرب
انت محسسنى ليه انى داخل اشتمهم
ايوه بناخد قطعه الغيار لكن فيلتر الهواء مثلا لسه نظيف و العربيه ماشيه ب 10 الالف كيلو بيتغير ليه و هو بيتنظف كل 3000 كيلو مش و المفروض يتغير كل 15 او 20 الف
هو كارفان الرحاب غالي فعلا لكن مش للدرجة اللي بتتكلموا عليها
أدخل حضرتك التوكيل او أي مركز خدمة معتمد لأي ماركة عربيات مش بس هيونداي هتلاقيه بيعمل نفس الشئ
ده لأنه بيلتزم بسياسة الشركة و هي انه يغير القطعة المطلوب تغييرها علي حسب الكيلومترات المقطوعة حتي لو حالتها كويسة من وجهة نظرك و ألا لو باظت بعد ماتخرج من عندهم هاتقول دول مابيفهموش حاجة و نصابين أنا كنت عندهم و العربية حصل لها كيت و كيت بعد ماخرجت من عندهم او بعد الصيانة بكذا كيلومتر
لكن لو روحت لميكانيكي عادي الوضع هايختلف تماما
انا شايف أن التوكيلات في نقطة الصيانة صح و لو أني بأختلف معاهم في الاسعار لكن عن نفسي بأعمل الصيانات كلها في التوكيل و كمان الاصلاحات زي الكتاب مابيقول علشان لو حصل حاجة بعد كده اعرف أخد حقي منهم
مع خالص تحياتي
م/ سمير الشهاوي
بشمهندس سمير انا معاك فى الكلام ده كله و فعلا انا بعمل اللى بيقول عليه التوكيل بالحرف بمعنى انى بشترى قطع الغيار من التوكيل و بركبها بنفسى فى اوقتها المحدده
لكن انا اكون مغير القطعه و يقولى تتغير و هيله لسه العداد بتعها مجاش يبقى مش ظريف و انا مش بقول المركز مش كويس المركز ممتاز جدا
و على فكره لحد انهارده بتعامل معاه
السلام عليكم يا جماعة
أنا (كنت) كم زباين كرفان مدينة نصر ولم أعد
وعن تجربة مدة طويلة انت هتروح تعمل الصيانة الدورية هيعملوا زي الكتاب ما بيقول وبس..يعني هما عندهم زي ورقة كدا مليانة حاجات بيعلموا عليها أنها تمت وبس...وبس دي يا جماعة كانت هتكلفني حوالي 500 جنيه إن مكنش أكتر.
الحاجات اللي انا دايما بحس انها فرقت لما بروح الصيانة:
1- الفرامل بتتظبط.
2-تشييك عام علي السوائل وخلافه (بتريح مخك يعني)
3- الحقيقة دايما مهتميين بمية المساحات والريداتير.
دي المزايا نيجي للعيوب ودي مش هتبان معاك إلا لو أنت رحت بشكوي في العربية..في الغالب مش هتتعمل صح أو هيتهربوا منها.
1- ودا عيب بايخ علي الأقل من وجهة نظري..أي واحد يغير زيت المفروض بيتبقي شوية كدا في الجركن مع التحويش كام مرة يعملولك غيار...لو غيرت عندهم بيضربوا عليه!!
2- كان عندي زنه في العربية من جوا واحد صحبي قالي دي جايه من طرمبة البنزيين..قلتلهم عليها لقيتهم غيرلولي جلدة الشكمان (مع أن مالوش دعوه خالص) بـ 25 جندي من غير الضريبه (يا حلاوة) ولما لقيت الزنة زي ما هي شافوا رجعتلمهم قالولي دي الطرمبة و غالباً محتاجه تتغير.
بعد كدا بقي دخلنا في حوار فاشل أني خرجت من الضمان مرة عشان مركب جهاز أنذار ومرة عشان فوت صيانتين أي حاجة والسلام عشان ميعملوهاش.
وبعد ما ضيعت معاهم وقت كفاية معاهم ربنا كرمني وعرفت المهندس حاتم بهيونداي العبور الصراحة راجل زووووووق جدا شرحتلوا المشكلة وقالي هسألك في إدارة الضمان و تاني يوم أتصل هو بيا وقالي تعالي وأن شاء الله كله يبقي تمام.
كنت أول مرة أروح هناك المكان عجبني و الهدوء النسبي خاصة أني رحت في نص الأسبوع والحمد لله مدفعتش حاجه وأتعملت في الضمان.
الخلاصة انا بقي عندي قناعة أني لو رحت مركز صيانة اياً كان يبقي رايح أزود ميه وأنفخ كوتش وأشيك علي الفرامل بس لو رحت للتوكيل نفسه علي الأقل هوصل لحل لمشكلتي وأنا واقف عليالأقل مفيش واحد هيقولي أنا هكلملك الإدارة العامة وفوت علينا بكره.
دا رأيي في كرفان عن تجربة وياريت اللي شكر أو يزم يكون جربهم في حاجة مهمه مش مجرد صيانة ميعرفش إيه اللي تم فيها.
ملحوظة أخير: أتخن صيانة هناك غيرت فيها بوجيهات و فلتر هواء وبنزين صيانة الـ 20 ألف تمت في نص ساعة بس...مش عارف دي شطارة ولا أقلب الزبون :)
لا شكر علي واجب..حضرتك تمشي في طريق الإسماعيلية لغاية ما هتقبل نفق مدينة العبور علي يمينك هو في أول الطريق مش بعيد.. تنزل فيه وتلف وترجع من الميدان اللي هيقبلك أكنك راجع تاني هتلاقي سوق العبور علي يمينك و هتلاقي طريق خدمات خليك فيه لغاية ما يخلص معاك هتلاقيه بيطلع تاني علي الطريق الرئيسي متطلعش وخش شمال الداخلة دي بعد غبور بي أم دبليو هتبقي علي اليمين تخش من جنبها يمين هتفضل ماشي حبه صغيرة هتلاقي المركز علي يمينك أركن العربية بره وخش علي رجلك وهما بيطلعوا يخدوها.
يارب تكون الوصفة واضحة انا حاولت علي قد ما أقدر