انطباعات عن الماروتى بعد 5 آلاف كيلومتر
بعد ان مشيت بالسيارة مسافة خمسة آلاف كيلومتر وجربتها فى كافة انواع الطرق وسافرت بيها من القاهرة للاسكندرية اقدر اقول الآتى عنها:
مميزات :
1-محرك مرن وعصبى وسريع الاستجابة
2-نسب تخفيض جيدة جدا للغيارات
3-قدرة مرعبة على المناورة، فعلا السيارة تكاد تكون بتمشى بالعرض حينما تريد انت منها ذلك كما انها بتعدى من خرم ابرة
4-صالون يتسع لابعة افراد مستريحين تماما
5-قدرة استيعابية هائلة للشنطة فى حالة طى الكنبة الخلفية
6- استهلاك البنزين فى اسوأ ظروف الازدحام 300 كيلومتر للصفيحة ، يرتفع الى ما يقرب من 400 فى الطوالى
7-امكانية الركن فى اى مكان
8- نظام تعليق يتحمل اسوأ انواع الطرق
9-سهلة القيادة جدا ، عجلة القيادة والدواسات خفيفة الى اقصى درجة
10-بها مقاس لقياس منسوب زيت الجير بوكس، وزياده لو لزم الأمر
11-توافر قطع الغيار والصيانة
عيوب:
1-صوت الموتور عالى الى حد ما، يشبه صوت مواتير ال 127
2-الاحساس بالسرعة داخل السيارة عالى جدا، يعنى لما بتمشى بها اكثر من 80 بتحس انها هتطير من على الأرض
3-اتزان السيارة ليس مثالى، هو صحيح مش سئ لكنه مش ممتاز
4-عصاية الفتيس ثقلية الى حد ما وغير مريحة
5-عزل الصوت متوسط
6-المرايات الجانبية معمولة بفكر السبعينات، كل ما تقفلها وتيجى تفتحها لازم تفضل تضبط وضعها المثالى
7- الضفيرة ماشية تحت رجلك مباشرة والموكيت فوقها خفيف جدا ولابد من حمياتها باسلوب او اخر حتى لا تنهرس تحت قدميك مع الوقت
8-اما اخطر عيوب هذة السيارة على الاطلاق فهو عيب اجتماعى وليس فنى، هو "الاستهياف"، قيادة هذة السيارة على الطريق هو نوع من انواع الصراع المستمر من اجل البقاء، 75% من سائقى السيارات على الطريق لا يتعاملون معك على انك راكب سيارة ولكن على انك راكب قبقاب باتيناج ،مجرد حشرة يمكن فعصها والاستمرار فى القيادة بدون ادنى تأنيب ضمير،وكل واحد مديره منكد عليه او المدام ضارباه فى البيت او راح ضمن ابنه فى القسم امبارح بيطلع كل عقده وقرفه عليك، والاسلوب الوحيد لقيادة هذة السيارة والوصول الى مبتغاك بدون خسائر هو الأسلوب الaggressive ، لكن بغيرالأسلوب ده الناس بتوصل بيها السفالة انها تخبطك بالقصد لمجرد انهم مستهيفين العربية