حاجة غريبة حصلت النهارده (مياة التبريد نقصت جامد)

**fbsautoservice** · 11-03-2009 02:17 PM

لو مش شايف اى اثار مياه جوه الكبود يبقى بص جوه عند الدواسه لو لقيتها مبلوله يبقى سربنتنه السخن بايظه

**ahmedmaklad** · 12-03-2009 11:32 PM

احمد عبد الراضي بيقول احسن طقم دبرياج هو الساكس و اللوك حلو بس كل اللي في السوق تقليد انا كنت سالت امريكان ستار و قاللي اللي عنده اصلي
انا كلمت محمد قشطة و هو شكله راجل محترم انا ما اتعملتش معاه قبل كد بس انا اسمع عنه من هنا و الناس بتشكر فيه هو قالي عنده اللوك الاصلي و قواعد الموتور و بيقول عنده الناس اللي بتركب و ناس فاهمه
انتوا ايه رايكوا فية انا لسه ما قررتش اركب فين كنت عايز اعرف الناس اللي جربوا محمد قشطة و لو في حد جرب يركب حاجة عنده
لو عندكوا اقتراحات انا ديمقراطي كل واحد يقول رايه

**tananybasha** · 13-03-2009 12:43 AM

راجل محترم جداً و امين جداً و متعاون جداً و اسعارة جيدة جداً و اصلية و على ضمانته

**Atef Saleh** · 13-03-2009 01:24 PM

الدبرياج الساكس رقم 1 عالميا و فى الغالب بيكون المانى للموديلات الجديده و بيكون مكتوب على الاسطوانه و الدسك و البليه Made in Germany اما لو مكتوب Made By Sachs يبقى متصنع فى احد دول الاتحاد الاوروبى لحساب ساكس اما الدبرياج اللوك فهو مكسيكى و ليس المانى و لازم هتلاقى ورقه المنشأ منزوعه و اتحدى ...... و شكرا

**samirayad** · 13-03-2009 01:38 PM

_ برضه كنصيحه...راجع على كل أربطة قفزان دورة التبريد (كل الخراطيم ).......وأكد على أحكام غطاء تنك التعويض (القربه )...................

_ وبرضه راجع على رباط رأس السلندر بالترتيب وعزم الرباط الصح.....................

**ahfarag** · 13-03-2009 03:44 PM

بالنسبة لموضوع نقص المياه دة حصلي وكنت بزود كل يوم زجاجة كاملة اكتشفت ان العيب في الوصلة الفبر الي داخلة من الريداتير علي الماتور الوصلة دي عندي في الفكترا 94 فيها 3 مشتركات (3 فتحات)فيدتها انها تدخل مياة لتبريد الماتور وللتكيف حسب ما فهمت لما انا غيرتها العربية اتظبطت تاني وبقالي اكتر من 3 اسابيع مزودتش المياه ابدا. الوصلة دي ثمنها 90 جنيه.

**ahmedmaklad** · 18-03-2009 05:20 PM

اخر الاخبار الميه كانت بتنقص عشان كان في خرم فعلا و عملناه و الحمد لله العربية مش بتنقص ميه خالص بس ده ما كنش خرم ده كان شارع مش عارف ظهر مرة واحدة
انا لما بشغل التكييف و ماشي على المحور العربيه يدوب بتعدي الازرق و لو في وسط البلد اخره 80 او 84
من غير التكييف بتوصل ل 91 و بتنزل تاني ل 89 مثلا
لسه بقى حوار الدسك و الاسطوانة هما شغالين لسه احمد عبد الراضي بيقولي ادامهم شوية هما بس متقلين العربية عندي و مقللين السحب شوية
حاجة تانية احمد ما غيرش الخرطوم قطع منه حتة اللي كانت بايزة و ركبه تاني قالي بلاش تغيره عشان كل الكاوتش اللي في السوق مضروب و احسن حته تجيب منها الخراطيم او اي كاوتش في العربية حتى الجلب من التوكيل
انا سمعت الكلام ده برده من محمد علام في الحرفيين