انانفسي اشتري ميجان بس لما قريث الاعطال في المنتدي بدات اخاف منها:whtauwant: ياريت اسمع رايكو:U_thin1[1]:هيا ولا عربيه ياباني
انانفسي اشتري ميجان بس لما قريث الاعطال في المنتدي بدات اخاف منها:whtauwant: ياريت اسمع رايكو:U_thin1[1]:هيا ولا عربيه ياباني
حضرتك فى منتدى رينو.....و بتتكلم مع مالكى الميجان و بتسألهم.....متوقع رد أيه :U_thin1[1]:
:36_1_1[1]:
عموماً انا لو خُيرت بين ميجان تانى و عربية يابانى.........هختار ميجان تانى
أنا عندي نفس الحيرة.....محتار بين Megan و Tiida
إلي مخوفني من Megan الأعطال و إن كل حاجة بي sensors و CU و ده يخليها ماتستحملش الطرق المصرية و السواقة المصرية ....
ومين قال لحضرتك ان التيدا مفهاش سينسور وكمبيوتر، ومين قال لحضرتك اكتر ان العربية دي ما تستحملش طرق مصر.
يا باشا العبد لله بيمشي بالعربية في كل حته ممكن تتخيلها في مصر في حواري وشوارع مكسرة ومدقات وبلاوي سودة والعربية الحمد لله زي الفل طبعا بتبقى صعبانه عليا وانا بعمل فيها كده بس طول ما تهتم بصاينتها كل ما هيا هتهتم بيك
اكتر حاجه تعكنن اي حد ان عربيته تقف منه في الشارع وهو لسه شاريها زيرووووووووو حسب الكلام اللي بيتقال عنها او تبقي مسافر و خايف من عربيتك :dzey:
شكرا على ردك يا أستاذ محمد........
أنا شايف في توقيعك إنك معاك megan و صني.........بصراحة كدة أنهي أقل في العطل و يعتمد عليها أكتر ؟؟؟
أنا متأكد إن megan أحسن في الرفاهية و الشياكة و يمكن الأداء..........بس أنا يهمني الاعتمادية أوي........و محتار يبن نيسان (صني أو تيدا) و megan......
أنا مش وحش الحقيقة (انسان عادي) ههههههههه
بس بجد انا لاقيت العربية دي محترمة
بس بشرطين
تمتلكها من الزيرو
تحافظ على الصيانة
هذا و الله أعلم
بص يا باشا الصني مع اخويا وانا بركبها كتير جدا اولا انا لحد النهاردة مش مقتنع بتقفيلها المصري وشايف انه سيئ جدا، ده غير انها مش راسية على الارض بالمرة وواطية بطريقة مستفزة وعندي والدتي او والدي او اي حد يركب معايا الميجان ويركب الصني بيحس بالفرق خصوصا في راحة الركوبة والرساوة.
لو هنتكلم بقى عن قطع الغيار واسعارها انا اخويا تقريبا بغير التيل كل 10 الف كيلو ولسه مكملتش معاه غير 40 الف غير فيها قربة المية مرتين لحد دلوقتي ، والسنتر باظ منه مرة
الكلام ده بيحصل معانا كلنا
القعدة فى الميجان تفرق عن كل العربيات التانية و إللى أغلى منها ب 50 و 70 ألف كمان...مش عايز أقول 100 علشان ما يقولوش بيبالغ
و الكلام ده من أفواه ناس...لا تفقه فى السيارات شيئا....ده رأى رجل الشارع إللى مالوش غير القعدة بس شكلها عامل إزاى
مريحة...عالية...عزل تام و خامات الداخل محترمة....
لا يعرفوا يعنى إيه ثبات على منحنيات و لا كماليات و لا سحب
و على كل أحب أنوه إنها مش لكل الناس....هى فيها نقاط تتفوق فيها عن الأخريات بمراحل و هناك نقط تميز شخصية كل صانع....
طلباتك من العربية إيه ؟؟...حسب الأولوية...و أرجوكم مش تقولوا كل الحاجات فى الدنيا
يعنى عايز عربية سحبها و ماتورها زى ال Civic لكن ثباتها و أمانها زى ال BMW
و ياريت لو سعرها زى اللانسر
لازم نكون واقعيين....الكمال لله وحده
الكلام دة هو التمام جزاء الله خير انا عن نفسى معايا هنا فى السعودية سوبارو وذلك لميزة السوبارو الشديدة فى موضوع الثبات والقوة وفى للسرعات العالية هنا وميزة الدفع الرباعى المستمر و الجو الصعب واتغاضى عن موضوع التعليق الناشف جدا بالنسبة لى اما فى مصر فانا معى الادا وذلك لميزة واحدة فقط هو انة مع فوضى المرور فى مصر اذا واحد خبطنى بعربيتة هو يروح التوكيل وانا اروح لبتاع التلاجات اصلح العربية اما اذا كان معاه لادا هو كمان يبقى مش حيكون فى اى خناقة عشان احنا الاتنين حانروح لنفس الراجل ونشترى قطع غيار بخمسين جنية بس ولكن حبيت اجيب عربية لزوم الرحلات الطويلة تكون عائلية مميزة درجة الامان فيها عالية فخامة سيارة لها تاريخ وصانع مميز فلم اجد غير الرينو ميجان مع تاريخ واضح ومبهر فى جميع راليات العالم وقد د ذهبت فعلا الاجازة دى للشراء الميجان استات العائلية ولكنى اجلت العام دة كمان لانة الموديل الجديد للميجان على وصول لذلك بس قررت الانتظار مع التخفبض على السيارات الاوربية بداية من العام المقبل
وانا بقول لكاتب الموضوع اذا حبيت سيارة مميزة الميجان هو الاختيار الامثل اما اذا حبيت سيارة عادية فكل الاختيارات الاخرى ذى بعض
وتلك هى خبرتى المتواضعة وشكرا:S_thum1[1]:
باشا احنا معانا ميجان 2008 و عاملة 26000 كم و الحمد لله عمرها ما وقفت
كل الى بيقولك انها كمبيوتر و الكلام دة فتىىىىىىىىى كبير لأن كل الحاجات دية موجودة فى كل العربيات الجديدة
بس برضة مفيش مقارنة فى رأى الميجان تكسب
كفاية بس انك تبقى راكب عربية تحس بيها بالأمان ( فرامل 10 على 10 توقفك فى اى وقت و فى اى مسافة انت عاوزها بسبب الكاوتش العريض و Abs و ال Ebd و طبعا غير ال 6 ايرباج و ال 5 نجوم فى الأمان )
طبعا غير الكيمياء الى ما بين مالكى الميجان و العربية كلهم
يا سيدي الفاضل خلاصة الكلام.....من بعد قراءتك لمواضيع الميجان وشوفت مدى شغف وحب مالكها لها والتميز الي بنحس بيه ...وأيضاً أكيد أخذت فكرة عن أعطالها وبعض أسباب الأعطال ومدى تحمل مالكها لهذه الأعطال والإستعداد للتضحية لتميز هذه السيارة في كل شىء
أظن بعد كل ده لو حضرتك مازلت خائف من السيارة وأعطالها ماعتقدش إن حضرتك حتستريح مع العربية دي.....وزي ما بيقولوا الي بيخاف من العفريت يطلعلوهُ :C_laugh[1]:
على رأي هاني....لازم يكون فيه حب ومودة بتعلقك بالعربية دي وتحس إنها بتكلمك :Ob_mak1[1]:.....حب العربية تحبك :S_thum1[1]: