الموضوع: كيف تقضى يومك فى رمضان

اسف لتأخري في الرد ولكن شوف وربنا يعينا ان شاء الله

تصحى قبل الفجر بساعه او اتنين تتسحر وتصليلك ركعتين اربعة ستة ثمانية كده قبل الفجر علشان الثلث الاخير من الليل
وبعدين تنزل تصلي الفجر واحرص على انك تنزل قبل الأقامة بوقت كافي لكي تصلي ركعتي السنة اللتين هما خير من الدنيا وما فيها كما قال صلى الله عليه وسلم
وبعد ما تصلي الفجر جماعه تقول اذكار الصباح ولو مش حافظها واظب عليها في رمضان علشا تطلع من رمضان حافظها ان شاء الله
وبعدين تقعد تقرألك جزء او جزئين قرآن كده حسب استطاعتك لحد الشروق
وبعد الشروق بثلث ساعه تصلي ركعتي الضحى او اكتر من ذلك
ولو في وقت تقدر تنام قبل الشغل يبقى خير وبركه لو مفيش يبقى تنزل تلحق الشغل ولو مفيش يبقى تنام علشان متنعوسشي بالليل في القيام
وبعد الشغل ترجع تنام اذا كان قبل العصر يبقى كويس او تقرأ قرأن برضه وبعدين تصلي العصر وبعدين تنام علشان تصحى على المغرب لان بعد المغرب تلحق تاكل وتحلي وتلحق عالطول تروح تحجز صف اول في صلاة العشاء ثم التراويح

وان كان هناك مساجد تصلي قيام بالليل بعد الساعة 12 او الواحدة صباحا يبقى بعد التراويح تروح تناملك شوية علشان تقوم الساعة واحده تصلي القيام كمان وان كان هذا شاق عليك فمن الممكن حسب رغبتك وراحت نفسك انك لا تصلي التراويح وتصلي القيام باليل لكي تكسب هذا الثلث الأخير من الليل وانت قائم لله عزو وجل في هذا الشهر الكريم الذي ينزل المولى عزو وجل فيه الي سماء الدنيا ويقول هل من تائب اتوب عليه هل من مستغفر اغفر له


وربنا يكرمنا جميعا ويجعلنا من عتقاء النار في هذا الشهر الكريم

واذكر اخواني بالحديث ((( رغم أنف رجل ذكرت عنده فلم يصل علي ، ورغم أنف رجل دخل رمضان ثم انسلخ قبل أن يغفر له ، ورغم أنف رجل أدرك عنده أبواه الكبر فلم يدخلاه الجنة )))

الله عليك يا أبا عبد الله
أفادك الله كما أفدتنا

لكن لى إضافة بسيطة لفضل هذا الجزء:

وبعد ما تصلي الفجر جماعه تقول اذكار الصباح ولو مش حافظها واظب عليها في رمضان علشا تطلع من رمضان حافظها ان شاء الله
وبعدين تقعد تقرألك جزء او جزئين قرآن كده حسب استطاعتك لحد الشروق
وبعد الشروق بثلث ساعه تصلي ركعتي الضحى او اكتر من ذلك

الرسول عليه الصلاة والسلام بشرنا فى حديث صحيح أن من يصلى الصبح فى جماعة ثم يظل فى مصلاه يذكر الله حتى تشرق الشمس ثم يصلى ركعتين (الضحى) .. كان له أجر حجة وعمرة تامة تامة تامة..أعود وأكرر : أجر حجة وعمرة تامتين!!

ما أكرم الله..

هذا غير ما يتضاعف معه الأجر فى رمضان حين تكون السنة كالفرض والفرض كسبعين فرض..
وفى ذلك فليتنافس المتنافسون..

جزاك الله كل خير يا أبو عبدالله على أفدتنا به , وربنا يعينك و يعينا جميعا على االصلاة والقيام و المواظبة على الأعمال الصالحة .
بس أنا كنت عاوز جميع الأخوة بالمنتدى يشاركوا و لو بمعلومة صغيرة عن عبادة أو عمل خير بسيط يقدر كل واحد يعمله بدون ما يبقى تقيل أو صعب عمله , وكل ما يشارك أعضاء أكتر كل ما الأفكار الجميلة و طرق الخير تكتر , وكل عام وأنتم بخير

قبل صلاة المغرب تجمع الشبابا الصغير اللي في الامنطقة وتشتري تمر وتخليهم على اذان المغرب يوزعوا للناس اللي ماشيه في الشارع عند الأذان علشان تاخد ثواب افطارهم من التمر شوف الثواب مقابل العمل ومجهوده عامل ازاي