اسعار رهيبة للسيارات المستعملة انا مش مصدق

**A.Elsheikh.01** · 12-03-2009 01:43 PM

يا حبيب قلبي انا مش قصدى حاجه
دنا علشان قريت الموضوع كله ولقيت كلامك مش متوجه لحد معين فا بسألك
معلش لسه صاحي من النوم من ساعه ونص وكان للاسف اول رد ليا كان على التوبيك دا :))

ونرجع ونقول ان مثلا تسعير العربيات الاوبل دلوقت بقى اه للسوق
بس مثلا انا عرضت العربيه على ناس كتير وناس تانيه تسألنى جبتها بكام وهو كلامى واحد بالنسبه للحالتين ( 60 )
وعلشان اريح دماغى انا مبدورش على حد يشتريها وللحظ الناس هى الى بتيجي تقولى تخلص وناس تقولى عامله كام ونشترى منك دلوقت وكده
وكلامى برضه واحد فيه الى طفش وفيه الى قالى هاود شويه وفيه الى مستنين ردى
ودا لان عربيتي الحمد لله جميله ومحترمه ونادره فى البلد وملفته للنظر ولان لو حد كلمنى على مثلا قطع غيارها اطمنه بالادله لو مثلا زياره اخيره عملتها للتوكيل وهو بيقدر انها فعلا مبقتش غاليه زي زمان على ما تررددت اشاعاتها انها غاليه
مع انى شايف انها مهاوده
وعلى فكره الاوبل ليها ناسها
يعنى مش تجيبلى واحد كان معدم وعايز يركب عربيه ومش معاه غير مبلغ معين ويقولك انا عايز اركب عربيه وفى الاخر يلاقى انه مش قدها ودا يرجع لان قطع غيارها اه غاليه شويه بس معمره
طيب ما قدامه عربيه الشعب ال128 والابيزا والخ
الحاجات الى سعر توكيلها قليل وهو لو حصل حاجه يقدر يخلص
انما للاسف دخل عل الاوبل ناس مش قدها وقامو شارينها ولما اتحطو ادام الامر الواقع اكتشفو انهم اتدبسو وعايزين يخلصو بأى سعر بس يخلصو
ودا الى من وجهه نظرى مغليها
بس على فكره لو انت حافظت على العربيه وعاملتها معامله كويسه هتعمر معاك اكتر من اى عربيه ودا الى هيغنيك عن قطع الغيار الى ال ايه غاليه

**A.Elsheikh.01** · 12-03-2009 01:46 PM

واحب اوضح حاجه
انا لما قولت على عربيتي 60 دا لانى مش بتاع مزع واقول دى تستاهل اكتر ما ارمى لفوق وهى تنزل على مكسب احسن ويمكن واحد يلبسها على التمن الى اقول عليه
بس لانى واعى بالسوق وعارف ان مبقاش فيه حد عبيط فا بتكلم بالعادى بتاعها الى هو ولا فوق اوى ولا تحت اوى ولا بالمكسب
انا مقدرها بكده وهى معايا برضه مكسب ليا اكتر من بيعها بسعر اعلى والحمد لله
واحب اوضح للى اقصده من ال128 والابيزا انى مش بقلل منهم ولله عربيات محترمه واحترم الى بيركبها وفعلا معاه عربيه ممتازه بس هى مسأله ازواق وان دخل فى سوق العربيات قله قليله سعرانه بقت بتفطس فى سعر العربيه وتستغل الناس ودا الى بيقلب حال السوق
ودا مجرد راى :)

**Ahmad Allawy** · 12-03-2009 02:05 PM

المشاركة الأصلية كتبت بواسطة A.Elsheikh.01

واحب اوضح حاجه
انا لما قولت على عربيتي 60 دا لانى مش بتاع مزع واقول دى تستاهل اكتر ما ارمى لفوق وهى تنزل على مكسب احسن ويمكن واحد يلبسها على التمن الى اقول عليه
بس لانى واعى بالسوق وعارف ان مبقاش فيه حد عبيط فا بتكلم بالعادى بتاعها الى هو ولا فوق اوى ولا تحت اوى ولا بالمكسب
انا مقدرها بكده وهى معايا برضه مكسب ليا اكتر من بيعها بسعر اعلى والحمد لله
واحب اوضح للى اقصده من ال128 والابيزا انى مش بقلل منهم ولله عربيات محترمه واحترم الى بيركبها وفعلا معاه عربيه ممتازه بس هى مسأله ازواق وان دخل فى سوق العربيات قله قليله سعرانه بقت بتفطس فى سعر العربيه وتستغل الناس ودا الى بيقلب حال السوق
ودا مجرد راى :)

بمناسبة الصورة اللي ف التوقيع بتاعك دي..
في اخ فاضل اردني معانا هنا,,
معاه اخت عربيتك.. بس 2000 سي سي ديزل يا باشا..
عربية حكاية..

**A.Elsheikh.01** · 12-03-2009 02:11 PM

الصيف جاى يابو علاوى وهبتدى التظابيط وزى ما وعدتك ودا شكل الاكصدامات ان شاء الله لانى جبت صور كامله للعربيه دى علشان ناوى اعمل منها نسخه زيها مع شويه تعدلات خفيفه
وتوقع لما تبقى باللون النبيتي الدم الغزال قولى رايك كده هتبقى ايه ؟ حلوه ولا شديده ولا جامده ولا ايه :)
ومين هو اخونا علشان نعرفه ونتكلم سوا سوا يمكن نعمل شغل للاسترا :)

**Ahmad Allawy** · 12-03-2009 02:13 PM

هتبقي رهيبة طبعا..
انا باحب اللون ده جدا..
اللينك دي فيها الموضوع بتاعه..
http://www.nilemotors.net/Nile/showthread.php?t=63837

اسمه استرا دي تي اي.. اللي هو موديل الديزل بتاعها..

**A.Elsheikh.01** · 12-03-2009 02:22 PM

بس انت شايف انى لو ركبت الديزل ال2000 هيبقى التوفير اخباره ايه
وهل فيه 1600 ديزل برضه ؟

**superkenwood** · 12-03-2009 02:24 PM

مفيش حد عبيط بيبيع بالاسعار دي .. اكيد العربيات دي فيها خابووور

**A.Elsheikh.01** · 12-03-2009 02:28 PM

المشاركة الأصلية كتبت بواسطة superkenwood

مفيش حد عبيط بيبيع بالاسعار دي .. اكيد العربيات دي فيها خابووور

تحيا مصر

نصفتنى يا معلم

**Atef Saleh** · 12-03-2009 02:45 PM

كلام موزون و يدخل الدماغ محدش يعرف سعر الاسترا 2003 بالمناسبه؟؟؟؟؟ هى عامله 68000 كم

**A.Elsheikh.01** · 12-03-2009 02:49 PM

هى تلعب فى رينج ال65 ل70 تقريبا
وانا مش عايز اقول لك لا معرفش علشان من قال لا فقد افتى

الموضوع: اسعار رهيبة للسيارات المستعملة انا مش مصدق

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

إستمارة كشف للسيارات المستعملة

زيارتى لسوق المصرية للسيارات للسيارات المستعملة

موقع ContactCars للسيارات المستعملة ؟

عدد الكيلومترات بالعداد بالنسبة للسيارات المستعملة ؟

موقع للسيارات المستعملة

الكلمات الدلالية لهذا الموضوع

المفضلات

المفضلات

ضوابط المشاركة