اسعار رهيبة للسيارات المستعملة انا مش مصدق

**Atef Saleh** · 13-03-2009 01:09 PM

يا سيد طنانى باشا انا مش شغال فى الاوبل بس حبايبى كتير فيها سيادتك تأمر و انا انفذ انت عايز فوانيس خلفى بس ايه حكايه الشبكه اللى بينهم دى؟؟؟؟؟؟؟؟؟ تقصد شبكه اماميه ؟؟؟!!!!!!! عموما انا باشوفلك سعر الجديد حاليا موجود نوع غامق الفرده ب95 جنيه و نوع فاتح الفرده ب 100 جنيه و اى خدمه .

**monamor_kill** · 15-03-2009 02:49 PM

على فكرة يا جماعة اسعار قطع الغيار بالنسبة للاوبل مش غالية واللى يقول انها زى الاودى والبى ام والفولكس يا ظلمها لأنى سألت على بعض قطع الغيار لاقيتها معقولة مثل جوز مساعدين امامى فيكترا 98,جنيية 650 طلمبة مياه 275 جنيه جوز كبالن 300جنية دى حاجة جميلة جدا وشكرا i want to thank every one sent his opinon her and iwish you all be in good health

**M.Mokhtar** · 17-03-2009 07:09 PM

طيب ما حد يسعر عربيتى
عشان ناوى اخلص فيها قريب

انا كنت سايبها معروضه وزى ما تيجى
بس اخرى شهر كمان وهخلص فيها عشان لازم اغير
لاسباب عائلية

اه نسيت اقول عربيتى ايه
على العموم الموضوع ده فيه كل حاجة عنها
للبيع اوبل فكترا 2000 سىسى ايكوتك موديل 2000 Cdx

**Ahmad Allawy** · 17-03-2009 07:56 PM

والله يا حماده مش عايز اقولك انها ممكن متجيبش اكتر من 70..
عشان السي دي اكس الاصليه لو لقيتها.. بتبقي في حدود 75 الف.. مش اكتر من كده..
عموما.. ربنا يكرمك.. و يوفقك للي يقدرها..

**Elnahrawi** · 20-03-2009 10:48 AM

من وجهة نظري المتواضعة ان الموضوع ليس فقط مسألة قطع غيار أو أسعار صيانة ، ولكن الأمر يرجع للشعب المصري وطبيعته

المصريين بطبيعتهم عاطفيين وكمان قلوقين (يعني بيقلقوا بسرعة وبيتوتروا)

لو بصيت للفيكترا B مثلا تلاقي التابلوه بتاعها مش عاطفي ، يعني لو ركبت الاسبرانزا الصيني حتلاقيها من جوة تحفة في الشكل ، وأجمل بكتير من الاوبل ، عشان كده الناس ممكن تقول الجديد احلى ويقبلوا على عربية صيني ويسيبوا الأوبل وأغلبهم يقول ايه يخليني اركب عربيه شكلها مش حلو إذا كان ممكن أركب عربية حلوة وموديلها اعلى ، والسعر هو هو

الأسلوب ده في التفكير وفي اتخاذ القرار خلى الناس تسيب الاوبل وتركب الموديلات الحديثة واللي شكلها جميل وصالونها شيك طالما السعر واحد

من هنا بدأ إنهيار الاوبل

بالمناسبة ، الأوبل فعلا ومع الأسف من أسوأ العربيات في التصميم الداخلي (الجمالي)

**M.Mokhtar** · 20-03-2009 07:06 PM

المشاركة الأصلية كتبت بواسطة Elnahrawi

بالمناسبة ، الأوبل فعلا ومع الأسف من أسوأ العربيات في التصميم الداخلي (الجمالي)

دى اذواق اولا

بس انا شايف ان اوبل فكترا B
بتنافس عربيات كتير منهم الاسبرانزا موديل 2015 (على اعتبار ما سيكون)
- فى الشكل الخارجى
- الشكل الداخلى
- الفخامة
- الشكل الشبابى
- سهولة التعديل
- الاداء
- الثبات
- الامان
- متعة القياده
- التكنولوجى
- العمر الافتراضى
- اعادة البيع
- .....

لا كده صعب

خلينا نقول العكس

انا مش شايف ان اسبرانزا متفوقه عن اوبل الا فى السعر وطبعا عارفين كلنا ليه

يا راجل ده من اسوأ العربيات فى التصميم الداخلى؟؟؟؟؟؟

**Elnahrawi** · 20-03-2009 08:02 PM

هي فعلاً مسألة أذواق :)

أنا لم أتكلم عن الأمن والمتانة والثبات وووو

أنا تكلمت فقط عن التصميم الداخلي

وأنا ذكرت رأيي بكل أمانة وتجرد (رغم أن سيارتي فيكترا B) فتصميم التابلوه وشكله في السبرانزا أجمل بكثير من سيارتي :)

ولا تنس أنني قلت لأننا شعب عاطفي يهتم بالمظهر طالما أعجبه وربما ينسى الجوهر إن لم يهواه

**abdelaziz-waleed** · 20-03-2009 08:10 PM

المشاركة الأصلية كتبت بواسطة Elnahrawi

لو بصيت للفيكترا B مثلا تلاقي التابلوه بتاعها مش عاطفي ، يعني لو ركبت الاسبرانزا الصيني حتلاقيها من جوة تحفة في الشكل ، وأجمل بكتير من الاوبل ، عشان كده الناس ممكن تقول الجديد احلى ويقبلوا على عربية صيني ويسيبوا الأوبل وأغلبهم يقول ايه يخليني اركب عربيه شكلها مش حلو إذا كان ممكن أركب عربية حلوة وموديلها اعلى ، والسعر هو هو

الأسلوب ده في التفكير وفي اتخاذ القرار خلى الناس تسيب الاوبل وتركب الموديلات الحديثة واللي شكلها جميل وصالونها شيك طالما السعر واحد

من هنا بدأ إنهيار الاوبل

بالمناسبة ، الأوبل فعلا ومع الأسف من أسوأ العربيات في التصميم الداخلي (الجمالي)

طب ازاااااااااااااااي
اولا حضرتك بتقارن تابلوه موديل 2009 بتابلوه موديل بدأ من سنة 96
يبقا لما نقارن نقارن بالعربيات اللي في نفس الموديل ولو اني برده بقول ان تابلوه الاوبل اشيك من تابلوهات عربيات كتييييييير جدا حديثة.
الاوبل سنة 96 و 97 كانت من اشيك واجمل العربيات في مصر ومازالت ليها هيبتها ورونقها وفخامتها حتى الآن والتابلوه بتاعها اضائته كويسة جدا ووضعية كل شئ ممتازة وسهل الوصول ليها ماعدا زرار الانتظار علشان اكون صريح معاك
وفي الاول وفي الاخر زي ما قال مختار دي اذواق

**Elnahrawi** · 20-03-2009 08:33 PM

قارنت بينهم لأن السعر (كان) واحد تقريباً وده موضوع التوبيك أصلاً

وقلت ليه أن الناس أصبحت تفضل الصيني على الأوبل رغم أنه ده صيني وده ألماني والسعر واحد ، فيا ترى ليه الناس قررت تشتري الصيني وتسيب الألماني ؟؟

السبب (كما ذكرت من وجهة نظري) التصميم الجمالي

**AELASHRY** · 21-03-2009 08:52 AM

اسمحولي يا جماعة اقول رايي في الموضوع الجميل دة
انا شايف ان اللي بيفضل عربية على عربية لمجرد تصميم بس او شكل صالون او اي شيء زي كدة بيكون غلطان بنسبة 100% لان يا جماعة العربية فيها حاجات كتير قوي اهم من الشكل و التصميم و هاخد المثال بتاعكم برضو بتاع الاوبل و الاسبرانزا مع اني مش مقتنع خالص بمقارنة الاوبل باسبرنزا لكن عموما بعيد عن الاساسيات و الثبات و القوة ... الخ من الاساسيات اللي اكيد الاوبل افضل بكل المقاييس تعالو نشوف السعر بس لما اركب عربية اسبرانزا سنة شوفو هاتنزل كام و الاوبل بعد سنة هاتنزل كام كلنا عارفين كويس جدا ان العربيات الالماني كلها قيمتها فيها و ليها ناسها اللي بتقدرها و عارفة قيمتها كويس جدا ...
صدقوني يا جماعة العربيات الصيني دي بتدي اشكال بس و انسى الباقي و دة طبعا بالنسبة للناس اللي عاوزة تركب عربية محترمة بجد اختيار مرفوض .....
و عموما لو رجعنا لمسألة الشكل انا عن نفسي باعتبر ان الاوبل دي من اول 96 لحد 2003 من اجمل و اشيك العربيات اللي نزلت مصر في الفئة دي والله دة مش تحيز لحد بس بجد انا بحترم العربية دي جدا و الالماني كله بشكل عام

الموضوع: اسعار رهيبة للسيارات المستعملة انا مش مصدق

LinkBack

أدوات الموضوع

عرض

-

-

-

-

-

المواضيع المتشابهه

إستمارة كشف للسيارات المستعملة

زيارتى لسوق المصرية للسيارات للسيارات المستعملة

موقع ContactCars للسيارات المستعملة ؟

عدد الكيلومترات بالعداد بالنسبة للسيارات المستعملة ؟

موقع للسيارات المستعملة

الكلمات الدلالية لهذا الموضوع

المفضلات

المفضلات

ضوابط المشاركة