السلام عليكم ورحمة الله وبركاته

الحقيقة أنا لسه مسجل هنا من فترة بسيطة ومعرفش أي حد من الأعضاء الكرام في المنتدى
أنا اسمي مصطفى بكاليريوس طب من طنطا
الحقيقة أنا بناء على نصيحة صديق ليا يمتلك العربية ال 516 وبناءا على اعجابي الشخصي بالعربية وكمان استعانتي بنصائحكم في المنتدى هنا
اتخذت قرار اني اشتري العربية وربنا يوفقني ويبقى قرار موفق باذن الله



المشكلة دلوقتي اني بدور على أفضل العروض وخاصة عروض التقسيط
واثناء بحثي لقيت بنك أسمه البنك العربي الأفريقي ومن خلال سؤالي هناك عن الأسعار اكتشفت انه بيقدم عرض تقسيط مغري جدا
وهو انك تدفع 30% من قيمة العربية والباقي على خمس سنين بفائدة 6% بس
ولكن للأسف العرض ده خاص فقط بشركة أبوغالي موتورز وهي للأسف مش بتوزع اسبرانزا
وكمان نفس البنك يمكنه التعامل مع أي معرض ولكن بشروط مختلفة وهي انك تدفع 50% من قيمة العربية وفاءدة 8.5% على خمس سنوات
أنا ممكن أدفع 50 % لكن كنت بسأل لو ان حد ممكن يدلني على عروض أفضل
يعني مثلا ازاي ممكن أحصل على العربية بفائدة أقل مع العلم اني مش موظف حكومي وماليش حد من العائلة موظف؟؟!!
لو حد عنده معلومة تفيدني يبقى ليه جزيل الشكر

وأولا وأخيرا يا ريت تقبلوني عضو هنا معاكم